Ejira 7:6 - Acoli Baibul

⁶ En aye Ejira ma yam obedo karan dok laryeko i cik pa Moses ma con Rwot Lubaŋa pa Icrael omiyo ki Moses; kabaka omiye jami ducu ma yam en olego, pien Rwot Lubaŋane onoŋo tye ka konye,

Ejira 7:6 Iomraidhean Croise

Acakki 32:28

Ci dok owacce ni, “Nia tin nyiŋi doŋ pe gibilwoŋo ni Yakobo, ento ni Icrael, pien ibedo ka lweny ki Lubaŋa, dok ki dano bene, ci imedo ki loyo.”

Ejira 5:5

Ento wan Lubaŋa yam tye ka neno ludoŋo pa Lujudaya, omiyo pe gijuko ticgi nio wan ma lok ma gicwalo-ni oo bot Dario, ma kun gikuro lagam me waraga ma gibidwoko pi lok meno.

Ejira 6:22

Ka dok gukwero nino madito me Mugati ma Tobi Pe Iye ki yomcwiny pi nino abiro; pien Rwot omiyogi yomcwiny, dok oloko cwiny kabaka me Aciria i komgi, wek okonygi ki tic me gero ot pa Lubaŋa, Lubaŋa pa Icrael.

Ejira 7:21

“An kabaka Aritakcec, amiyo twero bot lukan lim ducu ma gitye i lobo me Loka Kulu ni, Gin ducu ma ajwaka Ejira, ma lapwony-cik pa Lubaŋa me polo, bimito ki botwu, myero wumi bote oyotoyot ki mitkom,

Ejira 7:28

Dok onyuto bota mar mere ma pe lokke i nyim kabaka kacel ki lumi-tamme ducu, ki i nyim ludito ma gin twoni oteka pa kabaka. Abedo ki tekcwiny pien Rwot Lubaŋana onoŋo tye ka konya dok abito ludito wi kaka pa jo Icrael adwogo kacel kwedgi.

Ejira 7:5

wod pa Abicua, wod pa Finekaci, wod pa Eleajar, wod pa Aron ajwaka madit.

Ejira 7:9

Gua woko ki i lobo Babilon i nino dwe acel me dwe me acel bene, ci guo i Jerucalem i dwe me abic ninone acel, pien Rwot Lubaŋane onoŋo tye ka konye.

Ejira 8:1

Magi aye nyiŋ ludito ma giloyo dog odi pa kwarogi, ma gudwogo kacel kweda ki i lobo Babilon, i kare me loc pa kabaka Aritakcec:

Ejira 8:18

Pi Rwot Lubaŋawa ma onoŋo tye ka konyowa omiyo gucwalo botwa Cerebia dano ma ŋeyo piny, ma en tye i kin likwayo pa Makali ma en lakwar pa Levi dok lakwar Icrael bene; en obino ki litinone kacel ki utmegine, gin ducu apar wiye aboro;

Ejira 8:22

Kono nene apenyo kabaka ni omiya lwak askari ki wegi aguragura me gwokowa i kom lumerokwa ma iyo, lewic onoŋo twero maka; pien onoŋo doŋ watito bot kabaka woko ni, “Lubaŋawa bibedo ki jo ma giyenye pi konyogi, ki tek me akemone bedo i kom jo ducu ma gibwoto en woko.”

Ejira 8:31

Lacen wacako wot ki i dog kulu Akaya i nino me apar wiye aryo me dwe me acel, me cito i Jerucalem; Lubaŋawa aye obedo ka konyowa, dok ogwokowa ki i ciŋ lumerok ki i ciŋ luli bo ma gubuto ka kiyowa iyo.

Nekemia 12:26

Jo magi gubedo i kare pa Joyakim, wod pa Yecwa ma en wod pa Yekojadak, ki i kare pa Nekemia ma obedo laloc, ki i kare pa Ejira ma en obedo ajwaka dok bene obedo lapwony-cik pa Lubaŋa,

Nekemia 12:36

kacel ki jo magi ma gin jo me kaka ne ma gulube: Cemaya, Ajarel, Milalai, Gilalai, Maai, Netanel, Juda ki Kanani; gubino ma gumako jami me wer pa Daudi ma en dano pa Lubaŋa. Ejira ma en lapwony-cik pa Lubaŋa owoto mere anyim obedo ka telo wigi,

Nekemia 2:12

ma pe atito bot ŋat mo tam ma Lubaŋa otyeko keto i cwinya ma myero ati kwede pi Jerucalem. Cutcut i cwiny dyewor aa malo wacako wot kacel ki lurema mogo. Pe onoŋo watye ki lee mo mukene kono kana ma abedo i wiye-ni keken.

Nekemia 2:18

Ka dok atitogi kit macalo Lubaŋa obedo kweda dok okonya maber,’ kacel ki lok ducu ma cen kabaka owacca. Gin gugamo ni, “Wacaku gerone odoco.” Ci guyubbe me cako tic cut, gujiŋo badgi me tiyo tic maber.

Nekemia 2:8

Dok apenyo kabaka bene ni myero oco waraga omiya ater bot Acap, ma lagwok buŋa pa kabaka, wek omiya yadi wek giti ki bao pi dogcel me gogo ma gwoko ot pa Lubaŋa, ki pi cel ma orumo gaŋ, ki pi ot ma an abibedo iye.” Kabaka oye ci omiya gin ducu ma alege pire, pien Lubaŋa onoŋo tye ka konya.

Nekemia 4:15

Ka lumerokwa guwinyo ni lok me yubgi otyeko winnye botwa ci guniaŋ ni Lubaŋa oturo yubgi woko, ci wan ducu wacako dok cen ka tic i kom cel, dano acel acel odok i dog ticce.

Nekemia 8:1

I kare ma dwe me abiro oromo, onoŋo jo Icrael doŋ gitye i gaŋigi. Ci lwak gucokke ki cwiny acel i dyekal ma i nyim Dogcel me Pii; ci gutito bot Ejira ma lapwony-cik pa Lubaŋa ni okel buk me cik pa Moses ma yam Lubaŋa omiyo bot jo Icrael.

Nekemia 8:13

I kom nino me aryone ludito ma giloyo dog odi pa kwarogi ma i kin lwak ducu, kacel ki ajwagi ki Lulevi, gucito bot Ejira ma lapwony-cik pa Lubaŋa pi niyo lok ducu ma tye i buk me cik.

Nekemia 8:4

Ejira ma lapwony-cik pa Lubaŋa ocuŋ i wi abam bao ma gitiyo pi kwano lok meno, Jo magi yam gucuŋ ka ŋete tuŋ lacuc, Matitia, Cema, Anaya, Uria, Ilkia, ki Maceya; ka dok jo magi gucuŋ ka ŋete tuŋ lacam, Pedaya, Micael, Malkija, Kacum, Kacbadana, Jekaria, ki Meculam.

Nekemia 8:9

Ka lwak doŋ guwinyo lok ma gikwano ki i buk me cik, gucako koko cut. Ci Nekemia ma onoŋo en laloc, ki Ejira ma onoŋo ajwaka dok bene lapwony-cik pa Lubaŋa, kacel ki Lulevi ma gupwonyo lwak guwaco bot lwak ni, “Man aye nino maleŋ bot Rwot Lubaŋawa; pe wukum dok bene pe wukoki.”

Nekemia 9:13

In ilor ibino piny i kom got Cinai, ci iloko ki lwakki ki kunnu ki i polo; ka imiyo botgi cik maber ki pwony ma myero gin gulubi kacel ki gin ma iciko ducu.

Jabuli 109:27

Wek lukworra guŋe ni, in aye ma ilare an, ai Rwot!

Jabuli 147:19

En tito lokke bot Yakobo; cikke ki gin ducu ma en ociko en tito bot jo Icrael.

Jabuli 45:1

Cwinya opoŋ ki lok mabeco adada; lok magi ducu atye ka lokone bot kabaka; leba bit calo leb kal am pa karan ma ladiro.

Jabuli 80:18

Pe doki wabilokke-wabwoto in; gwokwa wabed kwo, ci wabipako nyiŋi.

Carolok 3:6

I kit kwoni ducu wii myero opo i kom Rwot, ci en bitiro yo ma iwoto iye bedo atir.

Icaya 50:2

“Piŋo kono yam pe anoŋo dano mo i kare ma abino-ni? Dok i kare ma alwoŋo lwoŋo, piŋo ŋat mo kono pe ogamo doga? Wutamo ni ciŋa cek, pe twero koko wu? Tekona pe me larowu? Koŋ inen, nam otwo woko i kare ma ajuko, atwero loko kulu ducu doko tim aroo; rec ma i igi bidoko coo pi can pii, gito woko pi orwo pii.

Icaya 59:1

Nen, bad Rwot pe odoko cek, ma pe doŋ twero laro dano, ite bene pe odiŋ ma pe romme winyo lok;

Jeremia 8:8

“Wutwero waco niŋniŋ ni, ‘Wan waryek, cik pa Rwot bene tye botwa’? Nen doŋ lupwony-cik ma pe gigenne gutyeko loko cik woko ki cocgi, guloko odoko lok goba.

Matayo 13:52

Yecu dok owaco botgi ni, “Pi meno lapwony-cik mo ma gipwonyo pi ker me polo rom ki dano mo ma won ot, ma kwanyo gin manyen ki macon ki i kom lonyone.”

Matayo 23:2

“Lupwony-cik ki Luparicayo gibedo i wi kom pa Moses;

Matayo 28:20

wupwonygi me gwoko gin ducu ma doŋ atyeko cikowu kwede. Nen, atye kwedwu kare ducu, nio i agikki piny.”

1 Jo Korint 1:20

Jo maryek tye kwene? Lupwony-cik kono tye kwene? Lupyem me lobo man tye kwene? Lubaŋa pe oloko ryeko me lobo man odoko me miŋo?

1 Jo Korint 15:1

Utmegina, amito poyo wiwu i kom lok me kwena maber ma yam atito botwu, ma doŋ wugamo-ni, en bene ma doŋ wucuŋ iye-ni;

Nwoyo Cik 28:1

“Ka wubiworo dog Rwot Lubaŋawu, ma wugwokke ka lubo cikke ducu ma acikowu kwede tin-ni, ci Rwot Lubaŋawu bipilo wiwu makato rok ducu ma wi lobo-ni,

Nwoyo Cik 4:5

Nenu, doŋ atyeko pwonyowu ki cik mapatpat ki gin ma Rwot oŋolo, macalo Rwot Lubaŋana ocika kwede, wek wulubgi i lobo ma wucok donyo iye me camone-ni.