Ejira 7:26 - Acoli Baibul

²⁶ Ka ce ŋat mo pe bilubo cik pa Lubaŋawu kacel ki cik me lobona, myero gimiye pwod magwar, macalo kop me to, nyo kop me ryeme woko ki i lobo-ni, nyo me yako jamine woko, nyo pi tweyo en i mabuc.”

Ejira 7:26 Iomraidhean Croise

2 Tekwaro 30:12

Lubaŋa oketo ciŋe i kom jo Juda omiyo gubedo ki cwiny acel kun gitiyo gin ma kabaka ki rwodine onoŋo guciko pire ma gulubo lok pa Rwot.

Ejira 10:4

In ia malo, pien man ticci, wan bene wacuŋ i ŋeyi; myero ibed tek dok itim kumeno.”

Ejira 10:8

Giciko ni ka dano mo pe obino i kin nino adek-ki, ludito ma giloyo lwak ki ludoŋo guwacci jamine ducu myero giyak gidyer ki Lubaŋa, ki en kikome bene myero giryeme oa woko ki i kin lwak ma gudwogo ki i opii.

Ejira 6:11

Dok amiyo twero ni ka ce dano mo oturo cik man, ci rii wi ot mere gibiwoto woko, gipayo girobe kwede, ode bi doko odur yugi.

Ejira 6:12

Ka kabaka mo nyo rok mo oette otemo loko cik man, nyo obalo ot pa Lubaŋa man ma tye i Jerucalem, Lubaŋa ma yam oyero kabedo meno wek eket iye nyiŋe myero otur twerogi woko. An Dario amiyo twero; giwek tic otine kakare ki mitkom kun gilubo cik man maber.”

Jabuli 52:5

Ento Lubaŋa biŋinyi woko piny matwal; en bimaki ci ywayi woko ki i kemani; biputi woko ki i lobo pa jo makwo.

Daniel 6:26

Aketo kombeddi cik ni, i kabedo ducu ma i te locca madit-ti dano ducu myero komgi omyel dok gubed ki lworo i nyim Lubaŋa pa Daniel, pien en aye Lubaŋa makwo, ma bedo nakanaka; kerre bene pe gituro, locce bene pe bigik.

Nwoyo Cik 27:26

“ ‘Cen opot i kom dano ma pe moko lok ducu me cik man kun lubogi.’ Lwak ducu gibigamo ni, ‘Amen.’