Ejira 7:25 - Acoli Baibul

²⁵ “In, Ejira, ti ki ryeko ma Lubaŋani omiyi, ket luŋolkop madito ki luŋolkop matino wek gubed ka ŋolo kop pa lwak ducu ma gibedo i lobo me Loka Kulu; myero gubed jo ma ŋeyo cik pa Lubaŋawu. Jo ma pe giŋeyo cik pa Lubaŋawu, in ipwonygi wek guŋe.

Ejira 7:25 Iomraidhean Croise

Acakki 41:38

Parao owaco ki luticce ni, “Watwero noŋo dano mukene macalo man, ma Cwiny pa Lubaŋa tye kwede bene?”

Acakki 41:39

Ci Parao owaco bot Yucepu ni, “Macalo Lubaŋa doŋ otyeko nyutti man ducu-ni, pi meno pe doŋ tye dano mo ma nen kwiri, maryek macalo in.

1 Luker 3:28

Ka jo Icrael guwinyo k it kop ma kabaka onolo-ni, ci gubedo ki lworo i kom kabaka; pien guniaŋ ni ryeko pa Lubaŋa tye i iye, omiyo oŋolo kop atir.

2 Luker 17:27

Kabaka me Aciria ocako ciko ni, “Wucwal ajwaka mo acel ki i kin jo ma yam wukelogi ki kunnu, wek en ocit obed kunnu, ocipwonygi ki cik pa lubaŋa me lobo-nu.”

1 Tekwaro 22:12

Atikane, Rwot aye myero omiyi ryeko ki niaŋ matut, wek ibed ka lubo cik pa Rwot Lubaŋani ka en doŋ omiyi dit me loyo Icrael.

1 Tekwaro 23:4

Daudi owacci, “Jo alip pyeraryo wiye aŋwen ki i komgi gibiketogi ka tic i ot pa Rwot; jo alip abicel gibibedo jagi ki luŋolkop;

Ejira 10:4

In ia malo, pien man ticci, wan bene wacuŋ i ŋeyi; myero ibed tek dok itim kumeno.”

Ejira 6:6

“Pi meno in Tatenai, laloc me lobo me Loka Kulu, ki Cetar-bojenai, ki ludito wadwu luloc mukene ma gitye i lobo me Loka Kulu, wunyik woko cen ki i ot pa Lubaŋa:

Ejira 7:10

Ejira yam oketo cwinye ka kwano ki niaŋ cik pa Rwot, kun tiyo, lubo, dok pwonyo cikke ki gin ma en ociko ducu bot jo Icrael.

Ejira 7:14

An kabaka kacel ki lumi-tam ma mera abiro aye wacwalli wek icipeny lok ma tye i Juda ki i Jerucalem, me neno kit macalo cik pa Lubaŋawu, ma yam omiyo i ciŋini, gitye ka lubone kwede.

Nekemia 9:3

Gucuŋ i kabedogi, kun gikwano botgi lok ma tye i buk me cik pa Rwot Lubaŋagi pi cawa adek; ka i ŋeye gutuco balgi ci guworo Rwot Lubaŋagi pi cawa adek mukene.

Jabuli 19:7

Cik pa Rwot ber, dok tye atir; miyo kwo manyen bot dano; gin ma Rwot ociko tye me ada, miyo ryeko bot lumiŋ.

Carolok 2:6

Rwot aye ma miyo ryeko; ŋec ki niaŋ bene gia hote.

Carolok 6:23

Cik tye macalo tara, ki pwony bene tye macalo ceŋ ma ryeny, doŋ pwony me yubo kit pa dano en aye yo me kwo,

Malaki 2:7

Ajwaka myero opwony dano guŋe Lubaŋa, dano myero guyeny pwony ma a ki i doge, pien en lakwena pa Rwot me mony.

Matayo 13:52

Yecu dok owaco botgi ni, “Pi meno lapwony-cik mo ma gipwonyo pi ker me polo rom ki dano mo ma won ot, ma kwanyo gin manyen ki macon ki i kom lonyone.”

Marako 6:34

Ka Yecu okato i wi tera, oneno lwak madwoŋ; kica ocako make i komgi, pien gitye macalo romi ma gipe ki lakwat; ci opwonyogi ki lok mapol.

Nwoyo Cik 16:18

“Wubiketo luŋolkop ki ludito i gaŋiwu ducu ma Rwot Lubaŋawu bimiyowu, ma oporo kakawu; gin myero guŋol ki lwak kop ma atir.

Jo Kolocai 1:28

Wan watuco pi Kricito kun waciko jo ducu, dok bene wapwonyo jo ducu ki ryeko ducu, wek wakel dano acel acel i nyim Lubaŋa ma doŋ oteggi i Kricito.

Yakobo 1:5

Ka ce tye ŋat mo i kinwu ma ryekone nok, myero en oleg Lubaŋa ma miyo bot jo ducu ki yomcwiny, kun pe twono ŋat mo; ci bimiye.