Ejira 7:15 - Acoli Baibul

¹⁵ Myero iter ryal ki jabu ma an kacel ki lumitamma wamiyo ki yomcwiny me atyera bot Lubaŋa pa Icrael, ma ode tye i Jerucalem.

Ejira 7:15 Iomraidhean Croise

1 Tekwaro 29:6

Ci ludito kaka ma i odi pa kwarigi gucako tyero mot ma igi opwoyo, ki ludito ma loyo kaka bene gumiyo kit meno, ki ludito ma loyo buca mony me jo alip ki buca mony jo miya, ki ludito ma loyo tic pa kabaka.

2 Tekwaro 2:6

Ento aŋa ma twero gero ot pi Lubaŋa? Kadi polo kulu ma tye malo twal-li, pe twero romo en bedo iye. An kono an aŋa ma atwero gero ot pire? Ento kono atwero tiyo ot mo macalo kabedo me waŋo odok eceta i nyime keken.

2 Tekwaro 32:23

Jo mapol gucako kelo mot mapol bot Rwot i Jerucalem kun gikelo bene jami mabeco me wel bot Kejekia kabaka me Juda; cakke i kare meno wot kwede anyim gimiye woro madit twatwal i nyim rok me lobo ducu.

2 Tekwaro 6:2

Agerri doŋ ot ma ocudo malo, wek obed kabedoni ma ibedo iye matwal.”

2 Tekwaro 6:6

ento doŋ atyeko yero Jerucalem wek nyina obed kenyo, ka dok ayero Daudi me bedo lalo lwakka jo Icrael.’

Ejira 1:6

Jo ducu murumogi gumiyogi kony me jami me ryal, jabu, ki lwak jami mapatpat, kacel ki lim makwo-gu, ki mot ma welgi doŋo, medo i kom lim ducu ma dano gutyero ma cwinygi opwoyo me miyone.

Ejira 6:12

Ka kabaka mo nyo rok mo oette otemo loko cik man, nyo obalo ot pa Lubaŋa man ma tye i Jerucalem, Lubaŋa ma yam oyero kabedo meno wek eket iye nyiŋe myero otur twerogi woko. An Dario amiyo twero; giwek tic otine kakare ki mitkom kun gilubo cik man maber.”

Ejira 6:4

ki lacce futi pyeraboŋwen bene, ki godi apaya madoŋo, latyeŋ adek ma gurumo ot woko ducu ki bao tyen acel. Lim ma gibiculo pi tic bia ki i kom lim pa kabaka.

Ejira 7:14

An kabaka kacel ki lumi-tam ma mera abiro aye wacwalli wek icipeny lok ma tye i Juda ki i Jerucalem, me neno kit macalo cik pa Lubaŋawu, ma yam omiyo i ciŋini, gitye ka lubone kwede.

Ejira 8:25

Ci apimo botgi ryal ki jabu ki jami me tic, amiyogi gityer me ot pa Lubaŋawa ma con kabaka ki lumi-tamme ki luditone ki jo Icrael ducu ma gitye i kare-nu gumiyo.

Jabuli 135:21

Gipwo Rwot ki i Cion, en ma bedo i Jerucalem! Wupak Rwot!

Jabuli 26:8

Ai Rwot, amaro odi ka ma ibedo iye, ma en kabedo ka ma deyoni tye iye.

Jabuli 72:10

Luker me Tarcic ki pa jo ma bedo i cula nam, myero gucul mucoro bote, dok luker me Ceba ki me Seba gukel mot bote.

Jabuli 76:11

Wukwoŋ kwon bot Rwot Lubaŋawu, dok wucob gin ma wukwoŋo; wek dano ducu ma gibedo cok, i ŋete gukel bote mot; Lubaŋa myero gilwor,

Jabuli 76:2

Giketo kabedone tye i Calem, ki kabedo ma en bedo iye tye i Cion,

Jabuli 9:11

Wuwer wer me pak bot Rwot, ma tye ka loc i Cion! Wutuc gin ma en otiyo bot lwak me rok ducu!