Ejira 7:13 - Acoli Baibul

¹³ An kombeddi amiyo twero ni dano mo keken ki i kom jo Icrael nyo ajwagigi nyo Lulevigi ma gitye i te locca ma oye mine kene me cito i Jerucalem, myero ocit kacel kwedi.

Ejira 7:13 Iomraidhean Croise

2 Tekwaro 30:5

Ci giciko kwede pi yweko lok man wek orom i lobo Icrael ducu cakke ki i Beer-ceba nio kwede i Dan, kun gitito ni lwak myero gubin ka kwero nino madito me Kato (Paska) bot Rwot Lubaŋa pa Icrael, i Jerucalem; pien lwak mapol onoŋo pe gubedo ka kwero nino man kit macalo giciko kwede.

Ejira 1:3

Bot ŋat mo keken ma i kinwu ma i kom lwakke ducu awaco ni, Lubaŋane myero obed kwede. Wek en oa ocit i Jerucalem, ma tye i Juda, ka gero ot pa Rwot, Lubaŋa pa Icrael, en Lubaŋa ma gaŋ kalle Jerucalem.

Ejira 5:13

Ento i mwaka mukwono me loc pa Ciro kabaka me Babilon, Ciro oketo cik ma miyo twero ni ot pa Lubaŋa man myero giger odoco.

Ejira 6:1

Kabaka Dario omiyo twero, ci giyenyo lokke i Babilon ki i ot me kano lok ka ma gigwoko iye buk me lok ma yam gicoyo.

Esta 3:15

Luterwaraga guriŋo oyotoyot mada pi cik pa kabaka, dok cik meno gimiyo oneŋe i gaŋ madit me Cuca bene, Aman ki kabaka gubedo megi piny ka mat, ento jo ma tye i gaŋ me Cuca gubedo ka cabbe megi acaba.

Esta 9:14

Kabaka oye ni myero gitim kumeno; girriiyo cik meno onene i Cuca ci gulyero kom awobe apar pa Aman i wi yat me deyo dano.

Jabuli 110:3

I nino ma ibilweny i kom lukworri lwakki gibimine kengi boti. Calo toyo ma luk odiko con, awobeni bene gibibino boti kit meno i wi godi maleŋ,

Jabuli 148:6

En oketogi i kabedogi doŋ me bedo iye matwal, oketo Waŋ apokkigi bene ma pe gitwero kato ki iye.

Daniel 6:26

Aketo kombeddi cik ni, i kabedo ducu ma i te locca madit-ti dano ducu myero komgi omyel dok gubed ki lworo i nyim Lubaŋa pa Daniel, pien en aye Lubaŋa makwo, ma bedo nakanaka; kerre bene pe gituro, locce bene pe bigik.

Jo Pilipi 2:13

pien Lubaŋa aye ma tye ka tic i cwinywu, kun miyowu miti ki teko me tic, wek wun wuyom cwinye.

Niyabo 22:17

Cwiny Maleŋ kacel ki nyako ger gitye ka wacci, “Bin!” Ŋat ma owinyo lok man bene myero ogam ni, “Bin!” Ŋat ma orwo neko myero obin, wek ŋat ma mito bene omat pii me kwo laboŋo wel.