Ejira 7:10 - Acoli Baibul

¹⁰ Ejira yam oketo cwinye ka kwano ki niaŋ cik pa Rwot, kun tiyo, lubo, dok pwonyo cikke ki gin ma en ociko ducu bot jo Icrael.

Ejira 7:10 Iomraidhean Croise

1 Tekwaro 29:18

Ai Rwot, Lubaŋa pa kwarowa Abraim ki Icaka ki Icrael, mi cwiny lwakki okem tam ma kit ennu nakanaka, dok imi cwinygi okem boti keken.

2 Tekwaro 12:14

En con obedo ka tiyo gin marac, pien pe oketo cwinye ka yenyo Rwot.

2 Tekwaro 19:3

Ento gin maber tye i kin jami ma itiyogi, pien ityeko jwero yadi ma gicomo pi woro jok Acera woko ducu ki i lobo, ma iketo cwinyi ka yenyo Lubaŋa.”

2 Tekwaro 30:22

Kejekia oloko lok me cuko cwiny bot Lulevi ducu ma gunyuto diro maber i tic pa Rwot. Kit meno lwak gubedo ka cam me kwero nino madito pi nino abiro, kun gityero gityer lakwecwiny-gu, ma gimiyo pwoc bot Lubaŋa pa kwarigi.

Ejira 7:11

Man aye kopi me waraga ma kabaka Aritakcec yam omiyo bot ajwaka Ejira, ma lapwony-cik pa Lubaŋa, dano ma opwonnye i tyen lok me cik pa Rwot ki cik ma en ociko pi jo Icrael:

Ejira 7:25

“In, Ejira, ti ki ryeko ma Lubaŋani omiyi, ket luŋolkop madito ki luŋolkop matino wek gubed ka ŋolo kop pa lwak ducu ma gibedo i lobo me Loka Kulu; myero gubed jo ma ŋeyo cik pa Lubaŋawu. Jo ma pe giŋeyo cik pa Lubaŋawu, in ipwonygi wek guŋe.

Ejira 7:6

En aye Ejira ma yam obedo karan dok laryeko i cik pa Moses ma con Rwot Lubaŋa pa Icrael omiyo ki Moses; kabaka omiye jami ducu ma yam en olego, pien Rwot Lubaŋane onoŋo tye ka konye,

Yubu 11:13

“Kono ibedo ki cwiny maber, kono itaŋo ciŋi bote!

Jabuli 1:2

En maro kwano cik pa Rwot, en bedo ka lwodo lok i kom cikke dyeceŋ ki dywor.

Jabuli 10:17

Ai Rwot, iwinyo lega pa jo mamwol: ibimiyo gibedo ki tekcwiny, ibiciko iti.

Jabuli 119:112

Aketo cwinya ada me tiyo gin ma iciko nakanaka, nio wa i kare me agik.

Jabuli 119:45

Abibedo ka ma cwinya mito ki kuc, pien doŋ atemo lubo cikki.

Jabuli 19:7

Cik pa Rwot ber, dok tye atir; miyo kwo manyen bot dano; gin ma Rwot ociko tye me ada, miyo ryeko bot lumiŋ.

Jabuli 57:7

Cwinya omoko i komi, ai Lubaŋa, cwinya omoko i komi ma pe lokke! Abiwero wer kun apaki ki dwan maloŋo!

Malaki 2:7

Ajwaka myero opwony dano guŋe Lubaŋa, dano myero guyeny pwony ma a ki i doge, pien en lakwena pa Rwot me mony.

Matayo 5:19

Pi meno, dano mo ma bimiyo cik mo acel ki i kom cik magi doko yogoyogo, kun pwonyo ki dano kit meno, gibilwoŋo ni en dano matidi i ker me polo; ento ŋat ma gwoko cik magi, kun pwonyo ki dano, gibilwoŋe ni en dano madit i ker me polo.

Matayo 7:24

“Dano acel acel ma winyo lokka ce tiyo, bibedo calo dano maryek, ma ogero ode i kom pata got.

Jiri Ma Jon Ocoyo 13:17

Ka wuŋeyo lok man, ci wubibedo ki yomcwiny ka wutiyogi.

Tic Pa Lukwena 1:1

I buk mukwoŋo; Teopilo, acoyo iye lok ducu ma yam Yecu ocako tiyo ki pwonyone,

Nwoyo Cik 16:12

Wubipo ni yam wubedo opii i Ejipt, ci wubigwoko cik magi ducu matek.

Nwoyo Cik 33:10

Gibipwonyo jo pa Yako bo ki lok ma iŋolo, gibipwonyo cikki bot jo Icrael; gibiwaŋo odok eceta i nyimi, gibityero gitum ma giwaŋo woko ducu ki berre i wi keno tyerri.

1 Temceo 3:2

Latel myero obed laboŋo lok mo ma gijuke iye, obed ki dako acel, ogwokke kene, obed ryek, obed dano ma giworo. Obed dano ma gwoko welo, lapwony maber,

2 Temceo 4:2

tit lok pa Lubaŋa, cuŋ iye matek i kare maber ki i kare marac, mi dano guniaŋ maber, jukgi kun idiyo cwinyi i pwony kare ducu.

Tito 2:1

Ento in, pwony gin ma rwatte ki lok ada.

Tito 2:15

Tit botgi lok magi; cuk cwinygi dok ijukgi ki twer ducu ma itye kwede. Pe imi ŋat mo ocayi.

Niyabo 22:14

Jo ma lwoko ginarukagi wek gibed ki twero me camo nyig yat me kwo, ki me donyo i gaŋ ma noŋo giwok ki i dogcel, jo-nu aye tye ki gum.

1 Camuel 7:3

Ci Camuel owaco bot jo Icrael ni, “Ka doŋ wudwogo bot Rwot ki cwinywu ducu, ci doŋ wubol lwak lubaŋa pa lurok ki cal jogi ma mon-gu woko ki i kinwu, wek cwinywu okem bot Rwot atir kun wuworo en keken, cien bilarowu ki i ciŋ jo Piliciti.”