Ejira 6:8 - Acoli Baibul

⁸ Dok acikowu me konyo ludoŋo magi pa Lujudaya pi gero ot pa Lubaŋa odoco; myero gicul lim ma mitte bot jo magi laboŋo galle, kun gikwanyo Iimme ki i kom lim me ker ma gijogo, mua ki i lobo me Loka Kulu.

Ejira 6:8 Iomraidhean Croise

Ejira 4:16

Wamito kabaka one ni, ka ce gaŋ man gigero odoco, ki cel bene otum, in doŋ pe ibibedo ki twero mo i lobo ma i Loka Kulu.”

Ejira 4:23

I kare ma doŋ gikwano waraga pa kabaka Aritakcec i nyim Rekum ki Cimcai ma karan ki bot ludito wadgi ducu, gucako cito oyotoyot bot Lujudaya ma onoŋo gitye i Jerucalem ci gujukogi woko ki tek.

Ejira 5:5

Ento wan Lubaŋa yam tye ka neno ludoŋo pa Lujudaya, omiyo pe gijuko ticgi nio wan ma lok ma gicwalo-ni oo bot Dario, ma kun gikuro lagam me waraga ma gibidwoko pi lok meno.

Ejira 6:14

Ludoŋo pa Lujudaya gugedo gedo ma tic bene omedde owoto anyim maber, pi lok me cuko cwiny ma lanebi Aggai ki Jekaria wod pa Iddo gutito. Gutyeko tic me gedo kit macalo ceŋ Lubaŋa pa Icrael ocikogi kwede ki pi cik pa Ciro, Dario ki pa Aritakcec kabaka me Percia.

Ejira 6:4

ki lacce futi pyeraboŋwen bene, ki godi apaya madoŋo, latyeŋ adek ma gurumo ot woko ducu ki bao tyen acel. Lim ma gibiculo pi tic bia ki i kom lim pa kabaka.

Ejira 6:7

wuwek tic me ot pa Lubaŋa owot anyim kit ma mitte. Wuwek laloc pa Lujudaya ki ludoŋo pa Lujudaya guger ot pa Lubaŋa odoco i kom kabedone macon kikome.

Ejira 6:9

Ka ce gimito litino twoni, ki nyogi romi, nyo romi me gitum awaŋa me atyera bot Lubaŋa me polo, nyo ŋano, kado, ki koŋo vino, nyo moo, macalo ajwagi pa Lubaŋa ma gitye i Jerucalem gimito, myero wumi gin meno botgi nino ducu ma pe wuken,

Ejira 7:14

An kabaka kacel ki lumi-tam ma mera abiro aye wacwalli wek icipeny lok ma tye i Juda ki i Jerucalem, me neno kit macalo cik pa Lubaŋawu, ma yam omiyo i ciŋini, gitye ka lubone kwede.

Nekemia 11:23

Kabaka onoŋo oketo cik ma t iko gin luwer kun tito botgi kit macalo kaka mapatpat myero guwer kwede wer i ot pa Lubaŋa, kun gileyo aleya nino ki nino.

Nekemia 2:8

Dok apenyo kabaka bene ni myero oco waraga omiya ater bot Acap, ma lagwok buŋa pa kabaka, wek omiya yadi wek giti ki bao pi dogcel me gogo ma gwoko ot pa Lubaŋa, ki pi cel ma orumo gaŋ, ki pi ot ma an abibedo iye.” Kabaka oye ci omiya gin ducu ma alege pire, pien Lubaŋa onoŋo tye ka konya.

Daniel 6:26

Aketo kombeddi cik ni, i kabedo ducu ma i te locca madit-ti dano ducu myero komgi omyel dok gubed ki lworo i nyim Lubaŋa pa Daniel, pien en aye Lubaŋa makwo, ma bedo nakanaka; kerre bene pe gituro, locce bene pe bigik.

Aggai 2:8

Ryal aye mera, jabu bene mera, man lok pa Rwot me many kikome.