Ejira 6:13 - Acoli Baibul

¹³ Ka kabaka Dario ocwalo kop, ci Tatenai, ma laloc me dul lobo me Loka Kulu, ki Cetar-bojenai, ki ludito wadgi, gutiyo tic ki mitkom kit ma kabaka Dario ociko.

Ejira 6:13 Iomraidhean Croise

Ejira 4:23

I kare ma doŋ gikwano waraga pa kabaka Aritakcec i nyim Rekum ki Cimcai ma karan ki bot ludito wadgi ducu, gucako cito oyotoyot bot Lujudaya ma onoŋo gitye i Jerucalem ci gujukogi woko ki tek.

Ejira 4:9

Rekum ma ladit me mony, ki Cimcai ma karan gucoyo waraga man kacel ki ludito wadgi ducu, luŋolkop, ki luloc me lobo, ki ludito, pa jo Percia ki jo Erek, ki jo Babilon, ki jo Cuca, ma gin aye jo Elam,

Ejira 5:3

I kare meno kikome en aye Tatenai ma laloc me dul lobo me Loka Kulu ki Cetar-bojenai ki ludito wadgi gubino botgi ci guloko kwedgi kit man ni, “Aŋa mumiyowu twero me gero ot man ki me tyeko gedo man?”

Ejira 5:6

Man aye lok ma i waraga ma Tatenai ma en laloc me dul lobo ma tye Loka Kulu ki Cetar-bojenai ki ludito wadgi ducu gucoyo ci gucwalo bot Dario;

Ejira 6:6

“Pi meno in Tatenai, laloc me lobo me Loka Kulu, ki Cetar-bojenai, ki ludito wadwu luloc mukene ma gitye i lobo me Loka Kulu, wunyik woko cen ki i ot pa Lubaŋa:

Esta 6:11

Ci Aman okwanyo jor ki aguragura, ocako ruko Mordekai, ocito kwede i aye bar malac me gaŋ madit, kun Mordekai obedo wi aguragura, ci obedo ka tito ki dwan maloŋo ni, “Man kit ma gibitimo ki dano ma kabaka maro keto deyo i kome!”

Carolok 29:26

Jo mapol gimito ni laloc opwogi, ento Rwot aye timo gin ma myero ki dano acel acel.

Latitlok 8:4

Lok ma kabaka lok loko ki twero, dok aŋa ma twero waco bote ni, “In itimo aŋo?”