Ejira 6:12 - Acoli Baibul

¹² Ka kabaka mo nyo rok mo oette otemo loko cik man, nyo obalo ot pa Lubaŋa man ma tye i Jerucalem, Lubaŋa ma yam oyero kabedo meno wek eket iye nyiŋe myero otur twerogi woko. An Dario amiyo twero; giwek tic otine kakare ki mitkom kun gilubo cik man maber.”

Ejira 6:12 Iomraidhean Croise

1 Luker 9:3

Rwot owacce ni, “Atyeko winyo legani, ki bako dogi ma iketo i nyima; atyeko lonyo ot man ma igero-ni obed maleŋ, aketo iye nyina wek obed iye matwal; dok waŋa ki cwinya bikemo kunnu nino ducu.

2 Tekwaro 7:16

Pien tin an doŋ atyeko yero ot man, dok atyeko lonyone odoko maleŋ, wek nyiŋa obed iye matwal; dok waŋa ki cwinya bikemo kunnu matwa!’

Ejira 6:13

Ka kabaka Dario ocwalo kop, ci Tatenai, ma laloc me dul lobo me Loka Kulu, ki Cetar-bojenai, ki ludito wadgi, gutiyo tic ki mitkom kit ma kabaka Dario ociko.

Ejira 6:14

Ludoŋo pa Lujudaya gugedo gedo ma tic bene omedde owoto anyim maber, pi lok me cuko cwiny ma lanebi Aggai ki Jekaria wod pa Iddo gutito. Gutyeko tic me gedo kit macalo ceŋ Lubaŋa pa Icrael ocikogi kwede ki pi cik pa Ciro, Dario ki pa Aritakcec kabaka me Percia.

Ejira 7:15

Myero iter ryal ki jabu ma an kacel ki lumitamma wamiyo ki yomcwiny me atyera bot Lubaŋa pa Icrael, ma ode tye i Jerucalem.

Ejira 7:17

Doŋ myero igwokke iti ki lim man maber me wilo twoni dyaŋi, nyogi romi, ki gityer me moko kwon ki koŋo vino, ka icak tyerogi i kom keno tyer ma i ot pa Lubaŋawu ma tye i Jerucalem.

Ejira 7:26

Ka ce ŋat mo pe bilubo cik pa Lubaŋawu kacel ki cik me lobona, myero gimiye pwod magwar, macalo kop me to, nyo kop me ryeme woko ki i lobo-ni, nyo me yako jamine woko, nyo pi tweyo en i mabuc.”

Esta 8:14

Kit meno luter-waraga ma giriŋo ki aguragura madwirre ma gitiyo kwede pi tic pa kabaka, gucako riŋo oyotoyot mada pi cobo cik pa kabaka; dok cik meno gimiyo onene i gaŋ madit me Cuca bene.

Jabuli 5:10

Pwod gidok idwok balgi i wigi, ai Lubaŋa; mi yubgi maraco ma giyubo-gu pe ocobbe. Ryemgi woko ki i nyimi gucit cen, pien gutimo lwak bal mapol, dok gujemo wo ko i komi.

Buk me Aryo pa Moses ma Gilwoŋo Nia 20:24

Wutina keno tyer ki lobo, wutum iye gitum awaŋa ki gityer lakwecwiny, romiwu ki twoniwu; i kabedo ducu ma aketo iye nyina me po, abibino iye ka miyowu gum lobo ki

Latitlok 9:10

Kit gin mo keken ma inoŋo oye ciŋi me atiya, ti ki tekki: pien tic nyo tam nyo ŋec nyo ryeko mo doŋ pe i lyel, ka ma ibecito iye-ni,

Icaya 60:12

Pien rok ki ker ma pe biye locci bito; kodi rok macalo meno pud dok gibibalo lobogi woko aye.

Obadia 1:10

Pi tim me bwami ki nek ma itimo i kom omeru Yakobo, lewic bimaki pire matek, in bene gibineki dok nyiŋi birwenyo woko matwal. Gin mumiyo giketo can i kom jo Edom

Tic Pa Lukwena 9:5

Ogamo ni, “In aŋa, Rwot?” Ci owacce ni, “An aye Yecu, ma itye ka yelone-ni.

Nwoyo Cik 12:11

Rwot Lubaŋawu biyero kabedo ka ma en biketo iye nyiŋe bedo iye; kenyo en aye wubikelo iye gin ducu ma acikowu-ni: gitum awaŋawu ki gitum mukene ducu, ki dul acel me apar, ki gityer mapatpat ma wubimiyo, ki gityer me cobo kwon ducu ma wukwono me miyogi bot Rwot.

Nwoyo Cik 12:5

ento wubipenyo dog Rwot Lubaŋawu i kabedo ma en biyero ki i kin kakawu ducu pi keto iye nyiŋe wek obed pacone.

Nwoyo Cik 16:2

Wubikwanyo gitum me Kato ki i kin romiwu nyo i kin dyaŋiwu, wutumo bot Rwot i kabedo ma en biyero, ka ma en biketo nyiŋe bedo iye.