Ejira 5:8 - Acoli Baibul

⁸ Myero kabaka one ni wan wacito i lobo Juda, wao wa i ot pa Lubaŋa madit. Gitye ka gerone ki godi apaya madoŋo, ki dok giguro bao bene me umo kom ot nia ki i dye ot piny nio kwede wa i kwori me dan ot ducu; tic man tye ka wot mot maber twatwal dok ticce ye ciŋgi maber.

Ejira 5:8 Iomraidhean Croise

Ejira 2:1

Magi gin aye jo me dul lobo Juda ma yam giyakogi ci giterogi i opii i lobo Babilon ma Nebukadnejar kabaka me Babilon con otweyogi kunnu: ci gudwogo i Jerucalem ki i Juda, kun dano acel acel dok i gaŋŋe kikome.

Ejira 5:7

gucwalle lok ma gicoyo kit man ni, “Bot kabaka Dario, kuc obed boti.

Ejira 5:9

Wan wapenyo ludoŋo ma kunnu ka waloko botgi kit man ni, ‘Aŋa mumiyowu twero me gero ot man ki me tyeko cel murumo ducu?’

Ejira 6:10

Wubitimo kir man wek gutyer gityer ma Lubaŋa me polo bipwoyo, ki lego pi kwo pa kabaka ki litinone.

Ejira 6:4

ki lacce futi pyeraboŋwen bene, ki godi apaya madoŋo, latyeŋ adek ma gurumo ot woko ducu ki bao tyen acel. Lim ma gibiculo pi tic bia ki i kom lim pa kabaka.

Ejira 7:23

Gin ducu ma Lubaŋa me polo ociko, wuti kakare kikore i tic i kom ot pa Lubaŋa me poto, wek akemo pe omake i koma ki i kom jo ma bibedo i loc i anyim ki i neya.

Nekemia 11:3

Magi aye ludito me lobo Juda ma gubedo i Jerucalem. Ento i gaŋi mukene ducu ma i Juda dano acel acel con obedo i lobone ma i gaŋigi, jo Icrael, ajwagi, Lulevi, lutic i ot pa Lubaŋa, ki likwayo pa lutic pa Solomon.

Nekemia 7:6

Magi gin aye lwak ma gibedo i lobo Juda ma ceŋ gudwogo cen ki i opii ka ma yam Nebukadnejar kabaka me Babilon oterogi iye macalo lumabuc,

Esta 1:1

Man lok mutimme i kare pa Akacwero ma yam loyo piny nia ki i India nio kwede wa i lobo Etiopia, kun loyo dul lobo mapat-pat ma romo miya acel ki pyeraryo wiye abiro kulu,

Esta 1:22

Ocwalo waraga i kabedo ducu ma en loyo, kun onoŋo gicoyo bot jo me dul lobo acel acel ki kit nukuta ma jo kunnu giŋeyo, ki i leb mapatpat ma oporo rok mapatpat ducu. Ocoyo ni laco acel acel myero obed rwot i ode, dok ni olok lok kun lubo leb pa lutugi.

Jabuli 145:3

Rwot dit, myero gipake twatwal, ditte pe romo titte, tere pe tatte.

Daniel 2:47

Kabaka owaco bot Daniel ni, “Ada, Lubaŋani-ni aye Lubaŋa ma loyo lwak lubaŋa-gu ducu, dok en bene Rwot ma loyo luker ducu, en ŋat ma nyuto muŋ ducu mukanne woko ka maleŋ, pien in bene ibedo ki twer me nyuto muŋ man mukanne-ni.”

Daniel 3:26

Ci Nebukadnejar obino onyiko cok ki doggola me kabedo ka ma ruk mac tye ka lye iye-ni, ci owacci, “Cadrak, Mecak ki Abednego, wun lutic pa Lubaŋa Mamalo Twal, wukatti woko, wubin kany!” Cutcut Cadrak, Mecak ki Abednego gukatti woko ki i mac,

Daniel 4:2

Onoŋo onen ber ki tuŋ bota ka anyuto lanyut mogo ki taŋo mogo ma Lubaŋa Mamalo Twal otyeko tiyo i koma,

Daniel 6:26

Aketo kombeddi cik ni, i kabedo ducu ma i te locca madit-ti dano ducu myero komgi omyel dok gubed ki lworo i nyim Lubaŋa pa Daniel, pien en aye Lubaŋa makwo, ma bedo nakanaka; kerre bene pe gituro, locce bene pe bigik.

Nwoyo Cik 10:17

Pien Rwot Lubaŋawu aye Lubaŋa pa lubaŋa ducu ki Rwot pa rwodi. En Lubaŋa madit, ma tye ki tek, ma ryaŋo kom dano; pe dworo kor dano mo, pe giwilo ki lim.

Nwoyo Cik 32:31

Pien gotgi pe rom ki Gotwa, lubaŋagi pe tek ma rom ki mewa; wa merokwa bene giye lok man.