Ejira 5:5 - Acoli Baibul

⁵ Ento wan Lubaŋa yam tye ka neno ludoŋo pa Lujudaya, omiyo pe gijuko ticgi nio wan ma lok ma gicwalo-ni oo bot Dario, ma kun gikuro lagam me waraga ma gibidwoko pi lok meno.

Ejira 5:5 Iomraidhean Croise

2 Tekwaro 16:9

Pien wan Rwot neno lobo ducu, me nyuto tekke bot jo ma gibedo ki leŋic i kome. In itimo lok me miŋo mada i lok man; pienno cakke tin in ibibedo ki lweny.”

Ejira 7:28

Dok onyuto bota mar mere ma pe lokke i nyim kabaka kacel ki lumi-tamme ducu, ki i nyim ludito ma gin twoni oteka pa kabaka. Abedo ki tekcwiny pien Rwot Lubaŋana onoŋo tye ka konya dok abito ludito wi kaka pa jo Icrael adwogo kacel kwedgi.

Ejira 7:6

En aye Ejira ma yam obedo karan dok laryeko i cik pa Moses ma con Rwot Lubaŋa pa Icrael omiyo ki Moses; kabaka omiye jami ducu ma yam en olego, pien Rwot Lubaŋane onoŋo tye ka konye,

Ejira 8:22

Kono nene apenyo kabaka ni omiya lwak askari ki wegi aguragura me gwokowa i kom lumerokwa ma iyo, lewic onoŋo twero maka; pien onoŋo doŋ watito bot kabaka woko ni, “Lubaŋawa bibedo ki jo ma giyenye pi konyogi, ki tek me akemone bedo i kom jo ducu ma gibwoto en woko.”

Jabuli 32:8

Abipwonyi dok abicimmi yo ma myero ilubi; abimiyi ryeko dok abineni.

Jabuli 33:18

Nen, Rwot nenojo ma giwore, gin jo ma gigeno mar mere ma pe lokke,

Jabuli 34:15

Rwot neno jo ma kitgi atir, dok ciko ite winyo koko ma gikok bote pi kony.

Jabuli 76:10

Adada akemo pa dano miyo jo gilokke gidok ka paki; jo mudoŋ ma gubwot ki i lweny ibikelo bedo cok kwedi.

Jo Pilipi 1:28

Pe wuwek lukworwu gumiwu lworo i gin mo. Man aye lanyut ma cimo botgi ka maleŋ ni gibirwenyo woko matwal, ento lanyut man nyuto botwu ni gibilarowu; meno gire gin ma a ki bot Lubaŋa.

1 Petero 3:12

Pien Rwot neno jo ma kitgi atir, dok ciko ite, winyo legagi; ento dag neno jo ma lutim maraco.”