Ejira 5:3 - Acoli Baibul

³ I kare meno kikome en aye Tatenai ma laloc me dul lobo me Loka Kulu ki Cetar-bojenai ki ludito wadgi gubino botgi ci guloko kwedgi kit man ni, “Aŋa mumiyowu twero me gero ot man ki me tyeko gedo man?”

Ejira 5:3 Iomraidhean Croise

Ejira 1:3

Bot ŋat mo keken ma i kinwu ma i kom lwakke ducu awaco ni, Lubaŋane myero obed kwede. Wek en oa ocit i Jerucalem, ma tye i Juda, ka gero ot pa Rwot, Lubaŋa pa Icrael, en Lubaŋa ma gaŋ kalle Jerucalem.

Ejira 4:12

Wek kabaka one ni Lujudaya ma gua ki boti gudwogo botwa, koni gutyeko cito woko i Jerucalem, Gitye ka gero gaŋ pa jo ma lujemo ma gin jo maraco-ni odoco; gicok doŋ ka tyeko tic i kom cel murumo gaŋ dok gitye ka yubo te gutine.

Ejira 4:9

Rekum ma ladit me mony, ki Cimcai ma karan gucoyo waraga man kacel ki ludito wadgi ducu, luŋolkop, ki luloc me lobo, ki ludito, pa jo Percia ki jo Erek, ki jo Babilon, ki jo Cuca, ma gin aye jo Elam,

Ejira 5:6

Man aye lok ma i waraga ma Tatenai ma en laloc me dul lobo ma tye Loka Kulu ki Cetar-bojenai ki ludito wadgi ducu gucoyo ci gucwalo bot Dario;

Ejira 5:9

Wan wapenyo ludoŋo ma kunnu ka waloko botgi kit man ni, ‘Aŋa mumiyowu twero me gero ot man ki me tyeko cel murumo ducu?’

Ejira 6:13

Ka kabaka Dario ocwalo kop, ci Tatenai, ma laloc me dul lobo me Loka Kulu, ki Cetar-bojenai, ki ludito wadgi, gutiyo tic ki mitkom kit ma kabaka Dario ociko.

Ejira 6:6

“Pi meno in Tatenai, laloc me lobo me Loka Kulu, ki Cetar-bojenai, ki ludito wadwu luloc mukene ma gitye i lobo me Loka Kulu, wunyik woko cen ki i ot pa Lubaŋa:

Ejira 7:21

“An kabaka Aritakcec, amiyo twero bot lukan lim ducu ma gitye i lobo me Loka Kulu ni, Gin ducu ma ajwaka Ejira, ma lapwony-cik pa Lubaŋa me polo, bimito ki botwu, myero wumi bote oyotoyot ki mitkom,

Aggai 1:1

I mwaka me aryo me loc pa kabaka Dario, i nino dwe acel me dwe me abicel, lok pa Rwot obino bot Aggai, ma myero en otit bot Jerubabel wod pa Cealtiel, ma onoŋo laloc pa jo Juda, ki bot Yocwa wod pa Yekojadak, ma en ajwaka madit, ni,

Matayo 21:23

I kare ma Yecu odonyo i ot pa Lubaŋa, ci ajwagi madito pa Lubaŋa ki ludoŋo pa lwak gubino bote ma onoŋo en tye ka pwony, gupenye ni, “Twer mene mumiyo itimo gin magi, dok aŋa ma omiyoni twero meno?”

Tic Pa Lukwena 4:7

Ka giketogi i dyere, gupenyogi ni, “Wun wutiyo man pi kit tek aŋo, nyo pi nyiŋ aŋa?”