Ejira 5:2 - Acoli Baibul

² Ka dok Jerubabel wod pa Cealtiel ki Yecwa wod pa Jojadak gucako gero ot pa Lubaŋa ma tye i Jerucalem odoco; onoŋo lunebi pa Lubaŋa bene tye kacel kwedgi ma konyogi ki tic.

Ejira 5:2 Iomraidhean Croise

Ejira 1:8

Ciro kaba ka me Percia okelogi ci omiyogi i cin Mitredat ma lakan lim, en ma okwano lwak jami meno ducu i nyim Cecbajar ma en rwot me Juda.

Ejira 10:18

Magi aye nyiŋ co ma yam gunyomo mon ma gin lurok ma gitye i kin likwayo pa ajwagi, gin aye Maceya, Eliejer, Jarib, ki Gedalia, ma gitye i kin likwayo pa Yecwa wod pa Jojadak kacel ki utmegine.

Ejira 3:2

Cutcut Yecwa wod pa Jojadak kacel ki ajwagi luwote, ki Jerubabel wod pa Cealtiel ki lutugi, gucako caŋo keno tyer pa Lubaŋa pa Icrael, pi tyero iye gitum awaŋa, kit macalo yam gicoyo i cik pa Moses ma dano pa Lubaŋa-ni.

Ejira 3:8

I mwaka me aryone ma lubo dwogogi i Jerucalem i ot pa Lubaŋa, i dwe me aryo, en aye Jerubabel wod pa Cealtiel ki Yecwa wod pa Jojadak gucako kwede tic, kacel ki utmegigi mukene, kacel ki ajwagi ki Lulevi ki jo ducu ma yam gudok i Jerucalem ma gua ki i lobo ka ma giterogi iye i opii. Guyero Lulevi, ma mwaka me ditogi romo pyeraryo ki makato pi ketogi me bedo ludito ma giloyo tic i kom ot pa Rwot.

Ejira 6:14

Ludoŋo pa Lujudaya gugedo gedo ma tic bene omedde owoto anyim maber, pi lok me cuko cwiny ma lanebi Aggai ki Jekaria wod pa Iddo gutito. Gutyeko tic me gedo kit macalo ceŋ Lubaŋa pa Icrael ocikogi kwede ki pi cik pa Ciro, Dario ki pa Aritakcec kabaka me Percia.

Aggai 2:18

Koŋ wutam cakke tin, i nino dwe pyeraryo wiye aŋwen me dwe me aboŋwen cito kwede anyim. Dok wutam, nia i kare ma giketo te guti me ot pa Rwot,

Jekaria 4:14

Ka en otitta ni, “Magi jo aryo ma gityeko wirogi ki moo ma gicuŋ i ŋet Rwot me lobo ducu.”

Jekaria 4:4

Cutcut apenyo lamalaika ma obedo ka lok kweda ni, “Magi gin aŋo kaa, ladit?”

Jekaria 6:11

Gam ryal ki jabu ki botgi, ci iti kwede lalukana me ker, Rwak lalukana i wi Yocwa wod pa Yekojadak, ajwaka madit.

Jekaria 8:9

Rwot me mony owaco kuman ni, “Jiŋ badwu obed matek, wun jo ma i kare man wubedo ka winyo lok ma lunebi gitye ka waco, nia wa i kare ma gicako keto kwede guti me ot pa Rwot me mony, wek gicak gero iye ot mere.

2 Jo Korint 1:24

Pe te lokke ni wan watye ki twero i kom niyewu, ento watiyo kwedwu kacel wek wubed ki yomcwiny, pien wucuŋo matek i kom niye.