Ejira 5:16 - Acoli Baibul

¹⁶ Cecbajar man yam obino ci oketo te guti me ot pa Rwot Lubaŋa ma i Jerucalem; cakke wa i kare ca nio wa koni gubedo ka gerone, ma pud bene peya otum.’

Ejira 5:16 Iomraidhean Croise

Ejira 3:10

Ka doŋ lugedo guketo guti me te ot pa Rwot, ajwagi guruko ginaruka me tic megi gukato kwede anyim ma gumako tumgi; ki Lulevi ma likwayo pa Acap onoŋo gitye ki atego agoya-gu me pako Rwot, kit ma yam Daudi kabaka me Icrael ociko.

Ejira 3:8

I mwaka me aryone ma lubo dwogogi i Jerucalem i ot pa Lubaŋa, i dwe me aryo, en aye Jerubabel wod pa Cealtiel ki Yecwa wod pa Jojadak gucako kwede tic, kacel ki utmegigi mukene, kacel ki ajwagi ki Lulevi ki jo ducu ma yam gudok i Jerucalem ma gua ki i lobo ka ma giterogi iye i opii. Guyero Lulevi, ma mwaka me ditogi romo pyeraryo ki makato pi ketogi me bedo ludito ma giloyo tic i kom ot pa Rwot.

Ejira 5:14

Dok bene jami me jabu ki me ryal ma yam gitiyo kwedgi i ot pa Lubaŋa, ma yam Nebukadnejar oyako ki i ot pa Lubaŋa ma yam tye i Jerucalem ci oterogi oketogi i ot pa lubaŋa ma i Babilon, jami magi ducu kabaka Ciro acel-lu aye yam okwanyogi woko ki i ot pa lubaŋa ma tye i Babilon, ka omiyogi bot dano ma nyiŋe Cecbajar, ma yam Ciro oketo obedo laloc;

Ejira 5:15

ka dok ocike ni, “Kwany jami magi itergi iciketgi i ot pa Lubaŋa ma tye i Jerucalem, ka dok iwek giger ot pa Lubaŋa odoco i kabedone kikome.”

Ejira 5:2

Ka dok Jerubabel wod pa Cealtiel ki Yecwa wod pa Jojadak gucako gero ot pa Lubaŋa ma tye i Jerucalem odoco; onoŋo lunebi pa Lubaŋa bene tye kacel kwedgi ma konyogi ki tic.

Ejira 6:15

Gutyeko tic me gedo me ot pa Lubaŋa man i nino dwe adek me dwe me Adar, i mwaka me abicel me loc pa kabaka Dario.

Aggai 2:18

Koŋ wutam cakke tin, i nino dwe pyeraryo wiye aŋwen me dwe me aboŋwen cito kwede anyim. Dok wutam, nia i kare ma giketo te guti me ot pa Rwot,

Jekaria 4:10

Pien ŋat ma cayo nino me lok man ok, bibedo ki yomcwiny, dok bene bineno birigi i ciŋ Jerubabel. Magi abiro-ni gin aye waŋ Rwot ma gibedo ka ŋiyo lobo ducu.”

Jekaria 4:9

“Cin Jerubabel doŋ oketo guti me ot man; cine bene aye bityekone, Man bimiyo wuŋeyo ni Rwot me mony en aye muora botwu.

Jiri Ma Jon Ocoyo 2:20

Lujudaya guwacce ni, “Ot pa Lubaŋa man gigero pi mwaka pyeraŋwen wiye abicel kulu. In ibigerone pi nino adek keken?”