Ejira 5:12 - Acoli Baibul

¹² Ento ka kwarowa yam gumiyo kiniga omako Lubaŋa me polo i komgi, ci omiyogi i ciŋ Nebukadnejar ma Lakaldaya, kabaka me Babilon, ma obalo ot man woko ka oterogi wa I lobo Babilon.

Ejira 5:12 Iomraidhean Croise

2 Luker 24:2

Rwot ocwalo buca mony pa jo Kaldaya i kome, ki buca mony pa jo Ciria ki buca mony pa jo Moab, ki buca mony pa jo Ammon; ocwalogi ka lweny i kom jo Juda pi jwerogi woko ducu, kit ma yam Rwot oloko ki i dog luticce ma lunebi,

2 Luker 25:1

Lacen Jedekia ocako jemo woko i kom kabaka me Babilon. I mwaka me aboŋwen me locce, i dwe me apar, i nino dwe apar, en aye Nebukadnejar kabaka me Babilon obino kwede ki monnye ducu i kom Jerucalem, ci orumo gaŋ woko, ka dok gutoro cel lobo orumo woko dyere.

2 Tekwaro 36:20

En otero jo ma guloyo ki i lak to i Babilon, ci gudoko opiine ki pa litinone nio ka ker me Percia ocuŋ matek.

Jabuli 106:40

Mumiyo kiniga omako Rwot i kom jone, omiyo okwero jone woko, ma gin aye gipinnye-ni.

Icaya 47:6

Kiniga yam omaka i kom jona, amiyo gubedo calo gin kipyeda; amiyo gubedo i te locci, ento kica pe omaki i komgi wacel; okol ma itweyogi kwede obedo mapek twatwal bot jo muteggi.

Jeremia 5:29

Rwot owacci, “Pe abiketo can i komgi pi lok magi? Dok bene pe abiculo kwor i kom rok macalo man?”

Jeremia 51:59

Ceraya wod pa Neria ma wod pa Maceya, yam obedo ŋat ma gwoko kabaka Jedekia. I mwaka me aŋwen me loc pa Jedekia kabaka me Juda, Ceraya onoŋo cito i Babilon, ci Jeremia otitte kit lok mogo ma myero en owot kwede.

Jeremia 52:12

I dwe me abic, i kom nino dwe apar, ma en aye mwaka me apar wiye aboŋwenne me loc pa kabaka Nebukadnejar, ma kabaka me Babilon, en aye Nebujaradan ma ladit pa lugwok kabaka, ma latic pa kabaka me Babilon, obino i Jerucalem.

Daniel 9:5

Watyeko balo, wabedo ka timo roc mapol kun watimo bene gin maraco adada, dok wajemo woko i komi, waloko ŋewa woko boti, pe walubo cikki; dok bene pe watiyo gin ducu ma yam iciko.

Nwoyo Cik 31:17

Dok kiniga bi maka i komgi i kare meno, ci abitenyogi woko ma akano waŋa woko pe anenogi, miyo gibityekogi woko liweŋ, Gin maraco-gu ki lwak ayela mapol bipoto i komgi, mumiyo i kare meno gibiwacci, ‘Gin mumiyo can man opoto i komwa, pien Lubaŋawa doŋ pe tye i kinwa.’

Nwoyo Cik 32:30

Dano acel ryemo jo alip kulu, jo aryo twaro jo alip apar, ka Gotgi aye pe omiyogi woko bot lukworgi, ka Rwot pe otenyogi woko?

Luŋolkop 2:14

Pienno kiniga omako Rwot i kom jo Icrael ci omiyogi i ciŋ Iuyak-jamigi, ma gubedo ka yako jamigi, Dok omiyogi woko i te twero pa lumerokgi ma orumogi dyere, omiyo pe doŋ gitwero cuŋ i nyim lumerokgi,

Luŋolkop 4:2

ci Rwot omiyogi i ciŋ Jabin kabaka mo pa jo Kanaan ma yam obedo ka loc i Kajor. Lawimonnye nyiŋe Cicera, ma bedo i Karocet pa Lurok.

Luŋolkop 6:1

Jo Icrael gutimo gin ma nen marac i nyim Rwot; ci Rwot omiyogi i ciŋ jo Midian pi mwaka abiro.