Ejira 5:11 - Acoli Baibul

¹¹ Gin gugamo dogwa kit man ni, ‘Wan lutic pa Lubaŋa me polo ki lobo, wan watye ka gero ot man odoco, en ot ma yam gigero i lwak mwaka mapol mukato anec, ma con kabaka madit pa jo Icrael ogero nio ka otyeko,

Ejira 5:11 Iomraidhean Croise

Acakki 24:3

wek ami ikwoŋ ki nyiŋ Rwot, Lubaŋa me polo ki lobo, ni, pe ibinyomo nyako mo bot woda ma i kin anyira Kanaan, ma abedo i kingi-ni,

1 Luker 6:38

ka dok i mwaka apar wiye acelle, i dwe Bul, ma en aye dwe me aboro-ni, en aye gityeko iye tic i kom ot ducu, kun onoŋo gityeko tic ducu iye kit ma onoŋo yam giporo kwede, Gerone otero mwaka abiro.

1 Luker 9:10

Gero odi aryo-ni ma Solomon ogero, gin aye ot pa Rwot ki ot pa kabaka, otero mwaka pyeraryo kulu,

Ejira 5:10

Ka dok wapenyo wa nyiŋgi bene, wek watit boti, ka wacoyo nyiŋ ludito ma gitelo wigi.

Jabuli 119:46

Abitito lok me cadenni bene i nyim luker, ma lewic pe bimaka wacel.

Jabuli 136:26

Wumi pwoc bot Lubaŋa me polo, pien mar mere ma pe lokke bedo nakanaka.

Daniel 3:26

Ci Nebukadnejar obino onyiko cok ki doggola me kabedo ka ma ruk mac tye ka lye iye-ni, ci owacci, “Cadrak, Mecak ki Abednego, wun lutic pa Lubaŋa Mamalo Twal, wukatti woko, wubin kany!” Cutcut Cadrak, Mecak ki Abednego gukatti woko ki i mac,

Yona 1:9

En ogamo doggi ni, “An Laibru; alworo Rwot Lubaŋa me polo, ma oketo nam ki lobo.”

Matayo 10:32

Pi meno dano ducu ma bituco nyiŋa i nyim dano, an bene abituco nyiŋe i nyim Wora ma tye i polo,

Luka 12:8

“Atito botwu ni, dano ducu ma tuco nyiŋa i nyim dano, Wod pa dano bene bituco nyiŋe i nyim lumalaika pa Lubaŋa;

Tic Pa Lukwena 27:23

Pien tin i dyewor man lamalaika pa Lubaŋa ma an a danone, ma an aworo-ni, obino ocuŋ ka ŋeta,

Jo Roma 1:16

Lewic pe maka pi lok me kwena maber, ma en aye teko pa Lubaŋa me laro jo ma tye ki niye, mukwoŋo Lujudaya, ka doŋ Lugrik bene.

Jo Roma 6:16

Pe wuŋeyo ni ka doŋ wumine kenwu bot ŋat mo calo opii me winyo gin ma en loko, doŋ bene wudoko opii pa ŋat ma wuwinyo lokke-ni? Nyo wudoko opii me bal ma terowu i to, nyo wudoko opii me winyo lok pa Lubaŋa, ma telowu i kit ma atir.

Jo Galatia 6:14

Ento an pe amito awakke pi gin mo, kono pi yatariya pa Rwotwa Yecu Kricito keken, pien ki tuŋ bot lobo ducu doŋ giguro woko i kom yatariya, ki an kikoma bene doŋ gigura woko ki tuŋ bot lobo.

Yocwa 24:15

Ka pe wumito woro Rwot, ci tin doŋ wuyer ŋat ma wubitiyo bote, ka nyo wubiyero lubaŋa ma yam kwarowu gutiyo botgi i lobo ma loka kulu Euprate, nyo lubaŋa pa jo Amor ma wubedo i lobogi-ni; ento an gira ki jo ma i oda ducu wabitiyo bot Rwot.”