Ejira 4:9 - Acoli Baibul

⁹ Rekum ma ladit me mony, ki Cimcai ma karan gucoyo waraga man kacel ki ludito wadgi ducu, luŋolkop, ki luloc me lobo, ki ludito, pa jo Percia ki jo Erek, ki jo Babilon, ki jo Cuca, ma gin aye jo Elam,

Ejira 4:9 Iomraidhean Croise

Acakki 10:22

Litino awobe pa Cem aye Elam, Acur, Arpakcad, Lud ki Aram,

2 Luker 17:24

Kabaka me Aciria yam okelo dano ki i Babilon, i Kuta, i Aya, i Kamat ki i Ceparvaim, ci oketogi gubedo i gaŋi me Camaria, guleyo kabedo pa jo Icrael. Gucamo lobo me Camaria odoko megi, gubedo i gagine ducu.

Ejira 4:8

Rekum ma en ladit me mony ki Cimcai ma karan gucoyo waraga bot kabaka Aritakcec ma tito lok i kom Jerucalem kit man ni.

Ejira 5:3

I kare meno kikome en aye Tatenai ma laloc me dul lobo me Loka Kulu ki Cetar-bojenai ki ludito wadgi gubino botgi ci guloko kwedgi kit man ni, “Aŋa mumiyowu twero me gero ot man ki me tyeko gedo man?”

Ejira 5:6

Man aye lok ma i waraga ma Tatenai ma en laloc me dul lobo ma tye Loka Kulu ki Cetar-bojenai ki ludito wadgi ducu gucoyo ci gucwalo bot Dario;

Ejira 6:6

“Pi meno in Tatenai, laloc me lobo me Loka Kulu, ki Cetar-bojenai, ki ludito wadwu luloc mukene ma gitye i lobo me Loka Kulu, wunyik woko cen ki i ot pa Lubaŋa:

Nekemia 4:2

Ki kinigane-ni en ocako nywarowa ki i nyim luwote ki i nyim mony me Camaria kun waco ni, “Man Lujudaya ma gigoro-ni gitye ka tiyo aŋo kaa? Gitamo ni gitwero gero gaŋ man odoco? Gibityero gitum mo? Gitwero tyeko tic man i nino acel keken? Gitwero payo godi me gedo ducu ki i kom godi ma gudurre i wi odur yugi ma giwaŋo-ni?”

Esta 1:2

I kare meno kabaka Akacwero obedo i wi kom kerre i gaŋ kalle i Cuca.

Esta 2:3

Wek kabaka oyer ludito oketgi i dul lobo acel acel ma en loyo, gucok anyira magi ducu i ot pa mon i gaŋ kalle Cuca, gibed i te Loc pa Egai ladit kai ma gwoko mon pa kabaka. Myero gipok botgi moo ma ŋwece kur me wirregi,

Icaya 21:2

Lubaŋa onyuto bota lok mapek mada; layak gire yako jami pa dano ayaka, ŋat ma balo lobo bene neko dano woko liweŋ ki i lobo. In Elam, cit malo i lweny, ki in Media, doŋ irum gaŋ woko! Kit can ducu ma Babilon okelo abityeko woko, abimiyo gik woko licwic.

Jeremia 25:25

luker ducu me Jimri, Elam, ki Media;

Jeremia 49:34

Cutcut i acakki me loc pa Jedekia kabaka me Juda, Rwot oloko ki Jeremia lok i kom lobo Elam.

Ejekiel 32:24

“Elam bene tye kunnu, kun lwakke ducu gurumo lyelle woko; gin ducu ginekogi woko ki pala lucwan. Ci gudonyo piny i lyel i lobo pa jo muto ma kun pe gilirogi. Gin aye jo ma ginyayo lworo marac i lobo pa jo makwo, ento gibedo ki lewic kacel ki jo ma gidonyo piny i bur.

Daniel 8:2

I kare ma aneno ginanyuta ki i waŋ lek anoŋo ni doŋ atye wa i gaŋ kal madit me Cuca, ma tye i lobo Elam; dok bene aneno ni atye wa i dog kulu Ulai.

Tic Pa Lukwena 2:9

Wan Luparti, jo Media, jo Elam, ki jo ma gibedo i Mecopotamia, Judaya ki Kapadokia, Ponto ki Acia,