Ejira 4:2 - Acoli Baibul

² ci cut gubino bot Jerubabel ki ludito ma giloyo dog odi pa kwarogi kun giwaco botgi ni, “Wuwek waribbe kwedwu i gedo man, pien wan bene waworo Lubaŋawu-ni macalo wun, dok wan bene wabedo ka tyero gitum bote cakke wa i kare pa Ecar-kadon kabaka me Aciria ma yam okelowa kany-nyi.”

Ejira 4:2 Iomraidhean Croise

Acakki 10:11

Nia i lobo meno kerre omedde, ocito oo wa i Aciria, ci ogero iye Nineve, Rekobot-Ir, Kala,

2 Luker 17:24

Kabaka me Aciria yam okelo dano ki i Babilon, i Kuta, i Aya, i Kamat ki i Ceparvaim, ci oketogi gubedo i gaŋi me Camaria, guleyo kabedo pa jo Icrael. Gucamo lobo me Camaria odoko megi, gubedo i gagine ducu.

2 Luker 17:41

Kit meno rok meno ducu gubedo ka lworo Rwot kun giworo bene Cal lubaŋagi ma gipayo; litinogi ki likwayogi bene kit meno gubedo ka fiyo kit ma yam kwarigi gutiyo-ni, pud gitiyo kit meno nio wa onyoo.

2 Luker 19:37

Ka yam en tye ka woro i ot pa lubaŋane Nicirok ci awobene magi, Adramalek ki Carejer, guneke woko ki pala lucwan, ci guriŋo gularo komgi wa i Ararat. Wode Ecarkadon aye oleyo ka tyene.

Ejira 1:5

Ludito ma giloyo dog odi pa kwarogi ma tye i kaka pa Juda ki Benjamin, kacel ki ajwagi ki Lulevi ma Lubaŋa otugo cwinygi, gucako yubbe me cito ka gero ot pa Rwot ma tye Jerucalem odoco.

Ejira 2:2

Gin gudwogo kacel ki Jerubabel, ki Yecwa, ki Nekemia, ki Ceraya, ki Rcelaya, ki Mordekai, ki Bilcan, ki Micpar, ki Bigvai, ki Rekum, ki Baana. Man aye wel co ma i kin jo Icrael:

Ejira 3:12

Ento lwak jo mapol ki i kin ajwagi ki Lulevi ki ludito ma giloyo dog odi pa kwarogi, jo muteggi ma yam guneno ot pa Rwot mukwono ca, gukok matek ki dwan maloŋo i kare ma guneno ka gitye ka keto guti me te ot man, kadi ka jo mapol onoŋo gubedo ka daŋŋe ki yomcwiny;

Ejira 3:2

Cutcut Yecwa wod pa Jojadak kacel ki ajwagi luwote, ki Jerubabel wod pa Cealtiel ki lutugi, gucako caŋo keno tyer pa Lubaŋa pa Icrael, pi tyero iye gitum awaŋa, kit macalo yam gicoyo i cik pa Moses ma dano pa Lubaŋa-ni.

Nekemia 9:32

“Kombeddi, ai Lubaŋawa madit, ma won twero, dok in Lubaŋa ma gilworo, pien igwoko gicikkeni ki mar meri ma pe lokke, can mapek twatwal-li pe iwek obed gin matidi mo ki tuŋ boti, can meno opoto i komwa, ki i kom lukerwa, ki i kom rwodiwa, ki i kom ajwagiwa, ki i kom lunebiwa, ki i kom kwarowa, ki i kom lwakki ducu, nia wa i kare pa luker me Aciria nio kwede wa onyoo.

Jabuli 73:8

Giŋalo jo mukene kun giloko lok maraco; giburo dano dok giunogi bene.

Icaya 37:37

Cenakerib ka baka me Aciria ocako a ocito, odok wa i gaŋŋe ci obedo i Nineve.

Icaya 37:38

Ka yam en tye ka miyo woro i ot pa lubaŋane Nicirok, ci awobene, Adramelek ki Carejer guneke woko ki pala lucwan, ci guriŋo woko gularo komgi wa i Ararat. Wode Ecar-kadon aye oleyo ka tyene.

Kocea 14:3

Aciria pe bilarowa, pe wabirino ki aguragura; pe doŋ wabiwaco ki tic me ciŋwa ni, ‘Wun Lubaŋawa.’ Latin kic noŋo kica ki boti.”

Jo Galatia 2:4

Kadi bed onoŋo tye jo mogo ma gikelogi i kinwa ma pe gin utmego kikome, magi gin jo ma gubino ka roto kit kuc ma watye kwede i Kricito Yecu, ka wek gilokwa wadok opii.

2 Temceo 3:8

Jo meno girom ki Yane ki Yambure ma yam gupyem ki Moses, pien gin bene gitye ka pyem ki lok ada i kit acel-lu; ryekogi doŋ oballe woko, niyegi pe tye kakare.