Ejira 4:15 - Acoli Baibul

¹⁵ wek koŋ ginen dok giyeny lok i buk ma gicoyo iye lok mutimme i kom kwarowu. Ibinoŋo i lok ma gicoyo i buk me lok mutimme ma bimiyo iniaŋ atir ni gaŋ man kara gaŋ me jemo ada, ma miyo can ki arem i kom luker ki luloc me lobo, pi atubegi ma ocakke magwa i gaŋ meno nia wa con. Meno aye gin mumiyo yam gimuko gaŋ man woko.

Ejira 4:15 Iomraidhean Croise

2 Luker 24:20

Pi kiniga ma omako Rwot, ka kare oromo, omiyo Rwot obayo Jerucalem ki Juda woko ki i nyime.

2 Luker 25:4

Ka gumuko cel me gaŋ woko, ci kabaka ki lwak lulweny ducu gumol gurmo woko ki i dyewor, kun giwok ki i dog gaŋ ma i kin cel aryo me Jerucalem, ma i ŋet poto pa kabaka, kadi onoŋo jo Kaldaya gurumo gaŋ woko. Gucito gulubo yo ma dok tuŋ Araba.

Ejira 4:12

Wek kabaka one ni Lujudaya ma gua ki boti gudwogo botwa, koni gutyeko cito woko i Jerucalem, Gitye ka gero gaŋ pa jo ma lujemo ma gin jo maraco-ni odoco; gicok doŋ ka tyeko tic i kom cel murumo gaŋ dok gitye ka yubo te gutine.

Ejira 4:14

Kit macalo wan lutic i gaŋ kal pa kabaka, pe bedo ber ka waweko gituro twero pa kabaka woko ma kun wan waneno anena, mumiyo wacwalo lok man pi titone boti in kabaka,

Ejira 4:16

Wamito kabaka one ni, ka ce gaŋ man gigero odoco, ki cel bene otum, in doŋ pe ibibedo ki twero mo i lobo ma i Loka Kulu.”

Nekemia 2:19

Ento ka Canbalat ma jo Bet-koron, Tobia ma latic, ma jo Ammon, ki Gecem ma Laarab guwinyo pi gin ma watye ka tiyone, gucako nywarowa kun gicayowa bene ma giwacci, “Man gin aŋo ma wutye ka tiyone-rii? Wun wumito jemo i kom kabaka?”

Nekemia 6:6

Lok ma gicoyo iye tye kit man ni, “Gecem otitta ni cwinyo lok tye ka wot i kin lwak ma gicok kwedwa ni meno, in kacel ki lwak pa Lujudaya wumito jemo; meno aye gin mumiyo wutye ka gero cel odoco-ni, Lok man tito bene ni in ikette keni me bedo kabakagi.

Esta 2:23

Ka giyenyo tyen lok man ginoŋo ni ada, ci jo aryonu ducu giyutogi woko i yat me deyo dano. Lok man gicoyo i buk me Lok Mutimme i nyim kabaka.