Ejira 3:8 - Acoli Baibul

⁸ I mwaka me aryone ma lubo dwogogi i Jerucalem i ot pa Lubaŋa, i dwe me aryo, en aye Jerubabel wod pa Cealtiel ki Yecwa wod pa Jojadak gucako kwede tic, kacel ki utmegigi mukene, kacel ki ajwagi ki Lulevi ki jo ducu ma yam gudok i Jerucalem ma gua ki i lobo ka ma giterogi iye i opii. Guyero Lulevi, ma mwaka me ditogi romo pyeraryo ki makato pi ketogi me bedo ludito ma giloyo tic i kom ot pa Rwot.

Ejira 3:8 Iomraidhean Croise

1 Tekwaro 23:4

Daudi owacci, “Jo alip pyeraryo wiye aŋwen ki i komgi gibiketogi ka tic i ot pa Rwot; jo alip abicel gibibedo jagi ki luŋolkop;

1 Tekwaro 3:17

Ka dok litino awobe pa Yekonia ma yam gitere i opii-ni gin ene: Cealtiel,

Ejira 10:18

Magi aye nyiŋ co ma yam gunyomo mon ma gin lurok ma gitye i kin likwayo pa ajwagi, gin aye Maceya, Eliejer, Jarib, ki Gedalia, ma gitye i kin likwayo pa Yecwa wod pa Jojadak kacel ki utmegine.

Ejira 2:2

Gin gudwogo kacel ki Jerubabel, ki Yecwa, ki Nekemia, ki Ceraya, ki Rcelaya, ki Mordekai, ki Bilcan, ki Micpar, ki Bigvai, ki Rekum, ki Baana. Man aye wel co ma i kin jo Icrael:

Ejira 3:2

Cutcut Yecwa wod pa Jojadak kacel ki ajwagi luwote, ki Jerubabel wod pa Cealtiel ki lutugi, gucako caŋo keno tyer pa Lubaŋa pa Icrael, pi tyero iye gitum awaŋa, kit macalo yam gicoyo i cik pa Moses ma dano pa Lubaŋa-ni.

Ejira 4:24

Tic i kom ot pa Lubaŋa ma tye i Jerucalem ocun woko; ticce ocun nio wa i mwaka me aryo me loc pa Dario kabaka me Perci

Ejira 4:3

Ento Jerubabel, ki Yecwa, ki ludito mukene ma giloyo dog odi pa kwarogi ma i Icrael gugamo doggi ni, “Wun pe wutwero ribbe kwedwa me gero ot mo pi Lubaŋawa; wan kenwa watwero gero ot pi Rwot, Lubaŋa pa Icrael, macalo kabaka Ciro kabaka me Percia yam ociko ki wan.”

Ejira 5:16

Cecbajar man yam obino ci oketo te guti me ot pa Rwot Lubaŋa ma i Jerucalem; cakke wa i kare ca nio wa koni gubedo ka gerone, ma pud bene peya otum.’

Ejira 5:2

Ka dok Jerubabel wod pa Cealtiel ki Yecwa wod pa Jojadak gucako gero ot pa Lubaŋa ma tye i Jerucalem odoco; onoŋo lunebi pa Lubaŋa bene tye kacel kwedgi ma konyogi ki tic.

Aggai 1:1

I mwaka me aryo me loc pa kabaka Dario, i nino dwe acel me dwe me abicel, lok pa Rwot obino bot Aggai, ma myero en otit bot Jerubabel wod pa Cealtiel, ma onoŋo laloc pa jo Juda, ki bot Yocwa wod pa Yekojadak, ma en ajwaka madit, ni,

Jekaria 4:9

“Cin Jerubabel doŋ oketo guti me ot man; cine bene aye bityekone, Man bimiyo wuŋeyo ni Rwot me mony en aye muora botwu.

Jekaria 6:12

Dok ititte ni, ‘Rwot me mony owaco kuman ni. “Nen dano ma nyiŋe Jaŋ Yat ene, En bidoŋo i kabedo ka ma en tye iye, dok en bigero ot pa Rwot.

Buk me Aŋwen pa Moses ma Gilwoŋo Wel 4:3

cakke ki i kom jo ma ditogi romo mwaka pyeradek o wa i kom jo ma ditogi romo mwaka pyerabic, jo ducu ma giromo donyo i dog tic pi tiyo tic ma i kema me rwatte.