Ejira 3:7 - Acoli Baibul

⁷ Pienno gumiyo lim bot lupa-godi ki bot lupac. Dok gumiyo cam ki ginamata-gu, ki moo bot jo Cidon ki jo Turo wek gukel yadi cedar ki i Lebanon wa i dog nam, i Jopa, pi twero ma Ciro kabaka me Percia omiyo botgi.

Ejira 3:7 Iomraidhean Croise

2 Camuel 5:11

Kiram kabaka me Turo ocwalo kwena bot Daudi kun miyo bao yat cedar, ki lupac bene ki lupa-godi me gero ode en Daudi.

1 Luker 5:6

Iyo, doŋ icik pi toŋŋa lwak yadi cedar me Lebanon. Luticca bene gibiribbe ki luticci, an abiculli lim me mucara pa luticci kit ma iyubo; pien iŋeyo ni pe tye dano mo ma i kinwa ma ŋeyo tono yadi macalo jo Cidon.”

2 Luker 12:10

Ka ce guneno ni lim tye i canduk madwoŋ, ci karan pa kabaka, ki ajwaka madit, gibino gikwano lim ma ginoŋo i ot pa Rwot ci gitweyo i kicaa.

2 Luker 12:13

Ento lim ma gikelo i ot pa Rwot pe gitiyo kwede becen me ryal, nyo magac, nyo atabo, nyo tum nyo jami me jabu nyo me ryal mo me tic kwede i ot pa Rwot,

2 Tekwaro 34:10

Gumiyo lim man bot ludito tic i ot pa Rwot; ci gin lutic magi ma gitiyo i ot pa Rwot gumiyo lim man pi yubo ot pa Rwot ka ma oballe, ki rocone odoco.

Ejira 3:6

Cakke i kom nino dwe mukwoŋo me dwe me abiro en aye gucako tyero iye gitum awaŋa bot Rwot, Ento guti me te ot pa Rwot onoŋo pud peya giketo.

Ejekiel 27:17

Jo Juda ki jo ma i lobo Icrael gubedo ka cato wil ki joni; guloko jamigi ki nano, nyig jeituni, ki nyig oduro me wi mwaka, moo kic, moo mukene-gu ki yat ma ŋwece kur.

Yona 1:3

Ento Yona oa me lwi woko ki i nyim Rwot pi wot Tarcic. En ocito i Jopa ka onoŋo mel ma cito Tarcic; ci oculo lim ma mitte pi wot, odonyo i mel, me cito kwedgi Tarcic, wek ca woko ki i nyim Rwot.

Tic Pa Lukwena 12:20

Kiniga omako Kerode i kom jo Turo ki Cidon; ci gucokke gubino bote ma onoŋo gimer ki Blacito, ladit ma loyo ot pa kabaka. Gupenyo ni gimito kuc, pien lobogi limo cam ma a ki i lobo pa kabaka.

Tic Pa Lukwena 9:36

Yam tye i Jopa lapwonnye ma dako ma nyiŋe Tabica, ma i leb Grik gilwoŋo ni Dorka, te lokke Lajwa. En yam tiyo tic mabeco mapol mada, dok konyo lucan.

Tic Pa Lukwena 9:38

Macalo Lida cok ki Jopa, ka lupwonnye guwinyo ni Petero tye kunnu, ci gucwalo dano aryo bote, gulege ni, “Tim ber, ibin oyot botwa, pe iru.”

Tic Pa Lukwena 9:43

Petero obedo i Jopa pi nino mapol tuŋ pa dano mo ma nyiŋe Cimon, lanyoŋ pyen.