Ejira 3:6 - Acoli Baibul

⁶ Cakke i kom nino dwe mukwoŋo me dwe me abiro en aye gucako tyero iye gitum awaŋa bot Rwot, Ento guti me te ot pa Rwot onoŋo pud peya giketo.

Ejira 3:6 Iomraidhean Croise

Ejira 3:5

Ka doŋ i ne meno gimedde ki tyero gitum awaŋa nino ducu, gityer me por dwe ki me nino madito ma Rwot ociko ducu, ki gityer ma dano acel acel miyo bot Rwot kit ma iye opwoyo.

Ejira 3:7

Pienno gumiyo lim bot lupa-godi ki bot lupac. Dok gumiyo cam ki ginamata-gu, ki moo bot jo Cidon ki jo Turo wek gukel yadi cedar ki i Lebanon wa i dog nam, i Jopa, pi twero ma Ciro kabaka me Percia omiyo botgi.

Lulevi 23:24

“Wac bot jo Icrael ni, I dwe me abiro, i nino dwe acel, wubikwero iye nino me yweyo mot, nino me po ma gituco pire ki koko gwara, nino me gurre maleŋ.

Lulevi 23:25

Pe wuti iye tic mo matek, dok wubityero iye gityer ma giwaŋo ki mac bot Rwot.”

Buk me Aŋwen pa Moses ma Gilwoŋo Wel 29:1

“I nino dwe acel me dwe me abiro wubibedo iye ki gurre maleŋ; pe wuti iye tic mo matek. En aye nino ma wubimiyo gwara kok iye,

Buk me Aŋwen pa Moses ma Gilwoŋo Wel 29:2

dok wubityero iye gitum awaŋa, gin ma ŋwece kur me yomo cwiny Rwot: wod twon acel, nyok romo acel ki litino nyogi romi abiro ma ditogi mwaka acel acel, ma komgi pe ki mwonyo;