Ejira 3:11 - Acoli Baibul

¹¹ Guwero wer kun gileyo aleya, ma gipako Rwot dok gimiyo pwoc bote, kun giwero ni, “Pien en ber, mar mere ma pe lokke bedo nakanaka bot jo Icrael.” Lwak ducu gudaŋŋe ki woo madwoŋ, ka gipako Rwot, pien doŋ giketo guti me te ot pa Rwot.

Ejira 3:11 Iomraidhean Croise

1 Tekwaro 16:34

Wumi pwoc bot Rwot, pien en ber; mar mere ma pe lokke bedo nakanaka!

1 Tekwaro 16:41

Ki Eman ki Jedutun gunywako tic kwedgi, kacel ki jo mukene ma yam giyerogi ki nyiŋgi pi miyo pwoc bot Rwot pi mar mere ma bedo nakanaka.

2 Tekwaro 5:13

Tic pa lukut tum ki luwer en aye me ribo dwangi kacel ka pako ki ka pwoyo Rwot, ki dwangi ma winnye maloŋo. I kare ma gucako wer, kacel ki tum ki atego agoya ki jami mukene ducu me wer, pi pako Rwot kun giwero ni, “Pien en ber, mar mere ma pe lokke bedo nakanaka,” ci deyo pa Rwot opoŋo i ot woko, en ot pa Rwot.

2 Tekwaro 7:3

Ka jo Icrael ducu guneno mac obino piny, ki deyo pa Rwot oboyo kom ot pa Lubaŋa woko, gukulo wigi piny aryeba ic i dyekal ma gipeto iye godi, gumiyo woro ki pwoc bo! Rwot, kun giwacci, “Pien en ber, mar mere ma pe lokke bedo nakanaka.”

Nekemia 12:24

Lulevi onoŋo giribogi woko gubedo i dul mapatpat ma lulocgi i dog tic obedo Kacabia, Cerebia, ki Yecwa wod pa Kadmiel. Dul aryo gipako Lubaŋa ki wer lawaŋacel kun giloco wer aloca, ma gimiyo pwoc bot Lubaŋa, kun gilubo cik ma kabaka Daudi ma en dano pa Lubaŋa yam ociko,

Nekemia 12:40

Kit meno lwak ducu ma gitye i dul aryo-ni ma gubedo ka miyo pwoc bot Lubaŋa guo i kabedo ka ma ot pa Lubaŋa tye iye, an kacel ki nucu ludito pa lwak onoŋo watye kacel.

Jabuli 100:5

Pien Rwot ber; mar mere ma pe lokke bedo nakanaka, ki ada mere bedo nakanaka bot yalwak ducu.

Jabuli 103:17

Ento mar pa Rwot ma pe lokke bedo nakanaka pi jo ma wore, dok berre bedo nakanaka bot jo me yalwak ducu,

Jabuli 106:1

Wupak Rwot! Wumi pwoc bot Rwot, pien en ber; Mar mere ma pe lokke bedo nakanaka!

Jabuli 107:1

Wumi pwoc bot Rwot, pien en ber; mar mere ma pe lokke bedo nakanaka!

Jabuli 118:1

Wumi pwoc bot Rwot, pien en ber, mar mere ma pe lokke bedo nakanaka!

Jabuli 131:1

Ai Rwot, pe atye ki miti ma malo twatwal i cwinya, dok bene waŋa pe neno malo twatwal. An pe atikke i kom lok madito ata ma gidito dok me aura makato ŋecca woko.

Jabuli 135:3

Wupak Rwot, pien en ber; wuwer wer me pako nyiŋe, pien en lakica.

Jabuli 47:1

Wudoŋ ciŋwu, wun lwak ducu me wi lobo ducu! Wudaŋŋe kun wuwero wer me yomcwiny bot Lubaŋa ki dwan maloŋo!

Jabuli 47:5

Lubaŋa doŋ oito malo kun lwak gidaŋŋe matek, Rwot oito malo ma lwak gikuto tum-gu.

Buk me Aryo pa Moses ma Gilwoŋo Nia 15:21

Miriam ocakogi wer ni: “Wuwer bot Rwot, pien otuc ki loc me deyo; obolo aguragura ki lait i wiye woko i nam.”

Icaya 12:6

Wugo kijira, wuwer bene ki yomcwiny, wun jo ma wubedo i Cion, pien ŋat Maleŋ me Icrael dit i kinwu.

Icaya 44:23

“Wudaŋŋe ki wer me yomcwiny, wun lwak me polo, pien Rwot doŋ otyeko tiyo lok man! Wudaŋŋe ba, wun tut-piny! Wuwo ki wer, wun godi ducu, ki yadi ducu ma tye i buŋa i tim, Pien Rwot doŋ okoko Yakobo, deyone doŋ binen i kom Icrael.”

Icaya 6:3

Onoŋo gitye ka wer ma ŋat acel acel gamo dog lawote ni, “Rwot me mony leŋ, leŋ dok leŋ; lobo ducu opoŋ ki deyone.”

Jeremia 33:11

dwan me yomcwiny ki yomcwiny madwoŋ, dwan anyira ger ki dwan lunyom. Wubiwinyo dano giwero wer ka gikelo gityer me pwoc i oda; gibiwacci, ‘Wumi pwoc bot Rwot me mony, pien Rwot ber, mar mere ma pe lokke bedo nakanaka.’ Abimiyo lobo man bedo lobo mulony kit macalo yam onoŋo tye kwede wa con, man Rwot ma owaco.”

Aggai 2:3

‘Tye ŋat mo ma pud odoŋ i kinwu ma ceŋ oneno ot man ki deyone macon? Kombeddi wuneno tye niŋniŋ? Pe nen ki i waŋwu macalo gin ma konnye pe?

Jekaria 4:7

In gin aŋo kaa, in got madit?’ Ibidoko bar i nyim Jerubabel. En bikelo got me wi ot kun dano giwo ni, ‘Gum obed bote, gum obed bote!’’’.

Jekaria 9:9

Wubed ki yomcwiny madwoŋ, wun jo Cion! wugo kijira, wun jo Jerucalem! Wunen ka kabakawu bino botwu; ki waya me loyo lweny, kun obedo wi kana ki mwolo, i wi latin kana,

Luka 1:50

Kicane tye bot yalwak me kare ducu, i kom jo ducu ma gilwore.

Yocwa 6:10

Ento Yocwa ociko lumony ni, “Pe wubidaŋŋe ki woo, kadi wa dwanwu pe biwinnye, wa lok mo pe bia ki i dogwu, o kwede wa i nino ma abicikowu ni doŋ wudaŋŋe ki woo; ka doŋ wubidaŋŋe.”

Yocwa 6:16

I kom tyen me abirone en aye ajwagi gucako kuto iye obute, ka Yocwa owaco bot lumony ni, “Wudaŋŋe, wuwo, pien Rwot doŋ omiyo gaŋ man botwu.

Yocwa 6:5

Ka doŋ gikuto tuŋ nyogi romi, ka doŋ wuwinyo dwan obute maloŋo-ni, ci lwak ducu gibidaŋŋe ki dwangi maloŋo mapek; cel gogo me gaŋ bimuk, poto woko piny ducu, ci lwak gibicorre gicito iye kun dano acel acel kemo nyime atir.”