Ejira 2:2 - Acoli Baibul

² Gin gudwogo kacel ki Jerubabel, ki Yecwa, ki Nekemia, ki Ceraya, ki Rcelaya, ki Mordekai, ki Bilcan, ki Micpar, ki Bigvai, ki Rekum, ki Baana. Man aye wel co ma i kin jo Icrael:

Ejira 2:2 Iomraidhean Croise

Ejira 1:11

jami me jabu ki me ryal ducu oromo alip abic ki miya aŋwen ki pyerabicel wiye aboŋwen, Jami magi ducu Cecbajar odwokogi i Jerucalem i kare ma jo ma yam giterogi i opii i Babilon gidwokogi kwede cen i Jerucalem.

Ejira 1:8

Ciro kaba ka me Percia okelogi ci omiyogi i cin Mitredat ma lakan lim, en ma okwano lwak jami meno ducu i nyim Cecbajar ma en rwot me Juda.

Ejira 2:1

Magi gin aye jo me dul lobo Juda ma yam giyakogi ci giterogi i opii i lobo Babilon ma Nebukadnejar kabaka me Babilon con otweyogi kunnu: ci gudwogo i Jerucalem ki i Juda, kun dano acel acel dok i gaŋŋe kikome.

Ejira 2:3

Likwayo pa Paroc, alip aryo ki miya acel ki pyerabiro wiye aryo.

Ejira 3:2

Cutcut Yecwa wod pa Jojadak kacel ki ajwagi luwote, ki Jerubabel wod pa Cealtiel ki lutugi, gucako caŋo keno tyer pa Lubaŋa pa Icrael, pi tyero iye gitum awaŋa, kit macalo yam gicoyo i cik pa Moses ma dano pa Lubaŋa-ni.

Ejira 4:3

Ento Jerubabel, ki Yecwa, ki ludito mukene ma giloyo dog odi pa kwarogi ma i Icrael gugamo doggi ni, “Wun pe wutwero ribbe kwedwa me gero ot mo pi Lubaŋawa; wan kenwa watwero gero ot pi Rwot, Lubaŋa pa Icrael, macalo kabaka Ciro kabaka me Percia yam ociko ki wan.”

Ejira 4:8

Rekum ma en ladit me mony ki Cimcai ma karan gucoyo waraga bot kabaka Aritakcec ma tito lok i kom Jerucalem kit man ni.

Ejira 5:2

Ka dok Jerubabel wod pa Cealtiel ki Yecwa wod pa Jojadak gucako gero ot pa Lubaŋa ma tye i Jerucalem odoco; onoŋo lunebi pa Lubaŋa bene tye kacel kwedgi ma konyogi ki tic.

Ejira 8:1

Magi aye nyiŋ ludito ma giloyo dog odi pa kwarogi, ma gudwogo kacel kweda ki i lobo Babilon, i kare me loc pa kabaka Aritakcec:

Nekemia 10:15

Buni, Ajgad, Bebai,

Nekemia 12:47

I kare pa Jerubabel ki i kare pa Nekemia jo Icrael ducu gubedo ka miyo jami macalo mot nino ducu pi konyo luwer me ot pa Lubaŋa, ki pi lugwok ot pa Lubaŋa. Lwak gumiyo gityer maleŋ bot Lulevi, ki Lulevi Pene gumiyo dul ma mitte bot ajwagi ma gin likwayo pa Aron.

Nekemia 7:7

Gin gudwogo kacel ki Jerubabel, ki Yecwa, Nekemia, Ajaria, Raamia, Nakamani, Mordekai, Bilcan, Micperet, Bigvai, Nekum, ki Baana. Man aye wel co ma i kin jo Icrael.

Aggai 1:1

I mwaka me aryo me loc pa kabaka Dario, i nino dwe acel me dwe me abicel, lok pa Rwot obino bot Aggai, ma myero en otit bot Jerubabel wod pa Cealtiel, ma onoŋo laloc pa jo Juda, ki bot Yocwa wod pa Yekojadak, ma en ajwaka madit, ni,

Aggai 1:12

Meno omiyo Jerubabel wod pa Cealtiel, ki Yocwa wod pa Yekojadak, ajwaka madit pa Lubaŋa, kacel ki jo ducu ma gudoŋ, guwinyo lok pa Rwot Lubaŋagi, ki lok pa lanebi Aggai, kit macalo Rwot Lubaŋagi oore kwede; lwak gucako bedo ki lworo i nyim Rwot.

Aggai 1:14

Rwot otugo cwiny Jerubabel wod pa Ceahiel, laloc me Juda, ki cwiny Yocwa wod pa Yekojadak, ajwaka madit, ki cwiny jo ducu ma gudoŋ; cut gubino ci gucako tic i kom ot pa Rwot me mony, ma Lubaŋagi.

Aggai 2:2

“Tit bot Jerubabel wod pa Cealtiel, laloc me Juda, ki bot Yocwa wod pa Yekojadak, ajwaka madit, ki bot jo ducu ma gudoŋ, kun iwacci,

Aggai 2:21

“Tit bot Jerubabel, laloc me Juda, ni, Acok ka yeŋo polo ki lobo,

Aggai 2:4

Kadi kumeno, in Jerubabel, kombeddi myero ibed ki tekcwiny, man lok pa Rwot kikome; bed ki tekcwiny, in Yocwa, wod pa Yekojadak, ajwaka madit; ki wun jo ducu ma wubedo i lobo-ni, wubed ki tekcwiny, man lok pa Rwot kikome; wuti tic, pien atye kwedwu, man lok pa Rwot me mony kikome,

Jekaria 3:1

En dok onyutta Yocwa, ajwaka madit, ma onoŋo ocuŋ i nyim lamalaika pa Rwot, ma onoŋo Catan bene ocuŋ tuŋ ciŋe malacuc ka doto eno

Jekaria 3:3

Yocwa onoŋo ocuŋ i nyim lamalaika kun oruko boŋŋi ma cilo omakogi marac.