Ejira 2:1 - Acoli Baibul

¹ Magi gin aye jo me dul lobo Juda ma yam giyakogi ci giterogi i opii i lobo Babilon ma Nebukadnejar kabaka me Babilon con otweyogi kunnu: ci gudwogo i Jerucalem ki i Juda, kun dano acel acel dok i gaŋŋe kikome.

Ejira 2:1 Iomraidhean Croise

2 Luker 25:11

Ki lwak ma yam gudoŋ i gaŋ, ki jo ma yam gukobo gigi kengi bot kabaka me Babilon, kacel ki lwak ma gudoŋŋe ducu, Nebujaradan ma ladit pa lugwok kabaka oterogi woko i opii,

1 Tekwaro 9:1

Yam gicoyo nyiŋ jo Icrael ducu i buk me tekwarogi, ma gicoyogi i buk pa Luker me Icrael. Jo Juda yam giterogi i opii i Babilon pien onoŋo guŋayo waŋ Lubaŋa.

1 Tekwaro 9:2

Jo ma gukwono dwogo cen ka bedo i dul lobo ma yam gimiyo botgi i gaŋigi gin aye jo Icrael kacel ki ajwagi pa Lubaŋa, Lulevi, ki lutic i ot pa Lubaŋa,

Ejira 1:11

jami me jabu ki me ryal ducu oromo alip abic ki miya aŋwen ki pyerabicel wiye aboŋwen, Jami magi ducu Cecbajar odwokogi i Jerucalem i kare ma jo ma yam giterogi i opii i Babilon gidwokogi kwede cen i Jerucalem.

Ejira 2:2

Gin gudwogo kacel ki Jerubabel, ki Yecwa, ki Nekemia, ki Ceraya, ki Rcelaya, ki Mordekai, ki Bilcan, ki Micpar, ki Bigvai, ki Rekum, ki Baana. Man aye wel co ma i kin jo Icrael:

Ejira 2:70

Ajwagi ki Lulevi ki jo mogo mukene gubedo i Jerucalem ki i kabedo ma cok kwede; luwer, lugwok-doggola, ki lutic i ot pa Lubaŋa i gaŋigi, ki jo Icrael ducu bene gubedo i gaŋigi.

Ejira 5:8

Myero kabaka one ni wan wacito i lobo Juda, wao wa i ot pa Lubaŋa madit. Gitye ka gerone ki godi apaya madoŋo, ki dok giguro bao bene me umo kom ot nia ki i dye ot piny nio kwede wa i kwori me dan ot ducu; tic man tye ka wot mot maber twatwal dok ticce ye ciŋgi maber.

Ejira 6:2

Ginoŋo buk ma yam gicoyo iye lok i Ekbatana gaŋ kai me loko Media, ma gicoyo iye ni, “Lok mutimme:

Ejira 8:35

I kare meno jo ma yam gudwogo ki i opii i rok, gucako tyero gitum awaŋa bot Lubaŋa pa Icrael. Gutyero twoni dyaŋi apar wiye aryo pi jo Icrael ducu, ki nyogi romi pyeraboŋwen wiye abicel, ki litino nyogi romi pyerabiro wiye abiro, ki nyogi dyegi apar wiye aryo pi gitum me bal; meno ducu obedo gitum awaŋa bot Rwot.

Nekemia 12:1

Magi aye ajwagi pa Lubaŋa ki Lulevi ma yam gua ki i opii ma gudwogo kacel ki Jerubabel wod pa Cealtiel ki Yecwa: Ceraya, Jeremia; Ejira,

Esta 1:1

Man lok mutimme i kare pa Akacwero ma yam loyo piny nia ki i India nio kwede wa i lobo Etiopia, kun loyo dul lobo mapat-pat ma romo miya acel ki pyeraryo wiye abiro kulu,

Esta 1:11

ni myero gukel Vasti ma daker mere i nyime, kun girwako lalukanane me ker i wiye, wek onyute bot lwak jo ma rokgi patpat ki bot rwodi wek gunen kit ma dakone ber kwede, pien mwonya mada me anena.

Esta 1:3

I mwaka me adek me locce en ocako tedo karama pi rwodine ki ludito wi ticce ducu; ludito wi mony me Percia ki me Media gubino iye, kacel ki ludito me awora ki lulo dullobo mapatpat ducu.

Esta 1:8

Koŋo vino bene gimato ma lubo cik, kun pe gidiyo dano mo tektek; pien onoŋo kabaka omiyo cik bot ludito tic ducu ma i gaŋ kalle ni dano acel acel omat kit ma cwinye mito.

Esta 8:9

Gicako lwoŋo lukaran pa kabaka cut i kare-nu i dwe me adek ma en aye dwe me Civan, i nino dwe pyeraryo wiye adek, ci gucako coyo cik kit ma Mordekai ociko ducu i lok kom Lujudaya bot luloyo madoŋo, bot lulo dano, ki bot rwodi ma loyo dul lobo mapatpat ducu, nia ki i India nio kwede wa i lobo Etiopia, dul lobo mapatpat ma romo miya acel ki pyeraryo wiye abiro kulu. Gicoyo bot jo me dul lobo acel acel ki kit nukuta ma jo kunnu giŋeyo, ki i leb mapatpat ma oporo rok mapatpat ducu, ki bot Lujudaya ducu i kit cocgi ki lebgi.

Icaya 48:20

Wua woko ki i Babilon, wurin woko ki bot jo Kaldaya, wunyut lok man kun wugoyo kijira, dok wutit pire bene, wucwallokke ocit wa i agikki piny, kun wuwaco ni, “Rwot doŋ okoko laticce Yakobo woko!”

Jeremia 50:19

Abidwoko jo Icrael woko cen i lobogi. Gibibedo ka camo cam ma cek i wi got Karmel ki i dul lobo me Bacan, dok bene gibicamo gin ducu ma igi mito ma ocek i wi cere i lobo Epraim ki Gilead.

Koko 1:3

Gutero jo Juda woko i opii ka neno can madwoŋ ki ka tiyo tic matego; kombeddi doŋ gitye ka mal i kin lurok ata, ma pe ginoŋo ka mo ma myero guywe iye; jo ma guryemo korgi gumakogi woko i waŋayo i kare ma onoŋo can doŋ obwoyogi woko marac.

Koko 1:5

Lumerokke doŋ gudoko luloc, lumonene gibedo maber ki kuc; pien Rwot oye can ni opot i kome, pi lwak bane mapol; litinone doŋ gucito woko, gudoko opii pa lumerok ma oyakogi.

Koko 4:22

Wun jo Cion, can ma giketo i komwu pi balwu doŋ gicobo kakare, Rwot doŋ pe bibworowu i opii matwal; ento wun jo Edom, en biketo can i komwu bene pi balwu, en binyuto kom balwu woko ducu ka maleŋ.

Jepania 2:7

Lobo dog nam bidoko pa jo Juda ma gudoŋ, gibikwayo romigi iye; gibibuto piny otyeno i odi me Acikelon. Pien Rwot Lubaŋagi biparo pigi, bidwoko gum botgi.

Tic Pa Lukwena 23:34

I kare ma laloyo doŋ okwano waraga, openye ni en oa i lobo mene. Ka oniaŋ ni oa i lobo Cilicia,