Ejira 10:5 - Acoli Baibul

⁵ Ka Ejira oa malo ci omiyo lutel pa ajwagi ki pa Lulevi ki pa jo Icrael ducu gukwoŋo kwoŋ ni gibitiyo gin ma Cekania doŋ oyubo ni giti. Kit meno gucako kwoŋo kwoŋ.

Ejira 10:5 Iomraidhean Croise

Ejira 10:3

Wan koŋ doŋ waketu gicikke ki Lubaŋawa me ryemo mon magi woko ducu kacel ki litinogi. Wabitiyo gin ma in kacel ki jo mukene ma giworo cik pa Lubaŋawa wutito botwa ni wati; wabitiyo gin ducu ma cik pa Lubaŋa mito.

Nekemia 10:29

kombeddi waribbe ki utmegiwa, ki luditowa kun wakwoŋo kwoŋ ma walamme kekenwa ni wek can opot i komwa ka ce pe wabilubo cik man, kun pe walubo cik pa Lubaŋa ma yam Moses latic pa Lubaŋa omiyo botwa. Wakwoŋo ni wabibedo kun watiyo gin ma Rwot ma en R wotwa yam ociko, ki dok ni wabigwoko cikke ducu ki gin ma en mito.

Nekemia 13:25

Akeco i komgi omiyo acenogi woko kun apwodo jo mogo ki i kingi, dok aputo yer wigi woko; amiyo gukwoŋo kwoŋ i nyiŋ Lubaŋa, kun awacci, “Wun pe wubimiyo anyirawu bot awobegi ni gunyom, dok gin bene pe gukwany anyirawu me anyoma pi awobegi kadi wun pe myero wunyomme kwedgi.

Nekemia 5:12

Ludito gugamo ni. “Wan wabitiyo kit ma iwaco-ni, wabidwoko jami magi ducu botgi, dok pe wabipenyogi ni gucul banyawa.” Alwoŋo ajwagi, ci amiyo ludito gukwoŋo kwoŋ ma moko ni gibigwoko cikkegi.

Carolok 1:5

Carolok magi bene medo ŋec bot ŋat maryek, telo dano ma tye ki niaŋ matut i ticce,

Carolok 15:23

Dano ma miyo lagam ma rwatte ki lok mo-ni bedo ki yomcwiny, ki lok ma en loko i kare ma mitte kikome, ber mada!

Carolok 27:9

Moo wir ki gin ma ŋwece kur miyo dano bedo ma cwinye yom, ento ayela balo cwiny dano woko marac.

Carolok 9:9

Pwony dano maryek, ci ryekone bimedde ameda; pwony dano ma kite tye atir ci en bimedde ameda ki pwony meno.

Matayo 26:63

Ento Yecu oliŋ woko aliŋa. Ajwaka madit pa Lubaŋa dok owacce ni, “Amito ikwoŋ kwoŋ ki nyiŋ Lubaŋa makwo, tit botwa ka ce in aye i Kricito ma Lubaŋa oyero, Wod pa Lubaŋa.”