Ejira 10:18 - Acoli Baibul

¹⁸ Magi aye nyiŋ co ma yam gunyomo mon ma gin lurok ma gitye i kin likwayo pa ajwagi, gin aye Maceya, Eliejer, Jarib, ki Gedalia, ma gitye i kin likwayo pa Yecwa wod pa Jojadak kacel ki utmegine.

Ejira 10:18 Iomraidhean Croise

Ejira 10:17

i nino dwe acel me dwe me acel onoŋo doŋ gutyeko yenyo lok i kom co ducu ma yam gunyomo mon ma gin lurok.

Ejira 2:2

Gin gudwogo kacel ki Jerubabel, ki Yecwa, ki Nekemia, ki Ceraya, ki Rcelaya, ki Mordekai, ki Bilcan, ki Micpar, ki Bigvai, ki Rekum, ki Baana. Man aye wel co ma i kin jo Icrael:

Ejira 2:36

Man aye wel ajwagi: likwayo pa Jedaya, ma i dog ot pa Yecwa, miya aboŋwen ki pyerabiro wiye adek.

Ejira 3:2

Cutcut Yecwa wod pa Jojadak kacel ki ajwagi luwote, ki Jerubabel wod pa Cealtiel ki lutugi, gucako caŋo keno tyer pa Lubaŋa pa Icrael, pi tyero iye gitum awaŋa, kit macalo yam gicoyo i cik pa Moses ma dano pa Lubaŋa-ni.

Ejira 3:8

I mwaka me aryone ma lubo dwogogi i Jerucalem i ot pa Lubaŋa, i dwe me aryo, en aye Jerubabel wod pa Cealtiel ki Yecwa wod pa Jojadak gucako kwede tic, kacel ki utmegigi mukene, kacel ki ajwagi ki Lulevi ki jo ducu ma yam gudok i Jerucalem ma gua ki i lobo ka ma giterogi iye i opii. Guyero Lulevi, ma mwaka me ditogi romo pyeraryo ki makato pi ketogi me bedo ludito ma giloyo tic i kom ot pa Rwot.

Ejira 5:2

Ka dok Jerubabel wod pa Cealtiel ki Yecwa wod pa Jojadak gucako gero ot pa Lubaŋa ma tye i Jerucalem odoco; onoŋo lunebi pa Lubaŋa bene tye kacel kwedgi ma konyogi ki tic.

Ejira 9:1

I kare ma gin meno gityeko timone, ludito gubino bota gutitta ni, “Jo Icrael, ajwagi, kacel ki Lulevi, pud peya gupokke woko ki i kom jo mukene ma gibedo i lobo-nu me bedo kengi ki pi tim me kipyedagi jo Kanaan, jo Kit, jo Periji, jo Jebuc, jo Ammon, jo Moab, jo Ejipt, ki jo Amor.

Ejira 9:2

Co ma gin Lujudaya gubedo ka nyomo anyiragi mogo gubedo mongi kikomgi ki mon pa litinogi; omiyo kwa jo maleŋ pa Lubaŋa guribbe woko kacel ki jo mukene ma gibedo i lobo-nu ma gin jo maraco. Ludito ma giloyo lwak kacel ki rwodi aye gubedo lubal madoŋo i lok man.”

Nekemia 12:10

Yecwa onywalo Joyakim, Joyakim onywalo Eliacib, Eliacib onywalo Joyada,

Nekemia 13:28

Dok dano mo acel i kom likwayo pa Yekoyada, wod pa Eliacib ajwaka madit, onoŋo onyomo nya pa Canbalat ma jo Bet-koron, ci aryemo en woko ki bota.

Nekemia 8:4

Ejira ma lapwony-cik pa Lubaŋa ocuŋ i wi abam bao ma gitiyo pi kwano lok meno, Jo magi yam gucuŋ ka ŋete tuŋ lacuc, Matitia, Cema, Anaya, Uria, Ilkia, ki Maceya; ka dok jo magi gucuŋ ka ŋete tuŋ lacam, Pedaya, Micael, Malkija, Kacum, Kacbadana, Jekaria, ki Meculam.

Nekemia 8:7

Ka dok lwak gucuŋ i kabedogi, ci Lulevi magi: Yecwa, Bani, Cerebia, Jamin, Akub, Cebetai, Kodia, Maceya, Kelita, Ajaria, Jojabad, Kanan, ki Pelaya, gukonyo lwak me niaŋ te cik maber, kun onoŋo lwak gubedo i kabedogi mot.

Jeremia 23:10

Pien lobo doŋ opoŋ ki lutim abor keken; gibedo ki kit kwo marac dok bene gitiyo ki tekogi i yo marac. Lobo tye ka kumo pien Rwot doŋ oceno woko, ki olet-gu bene doŋ gutwo woko.”

Jeremia 23:11

Rwot owacci, “Lunebi kacel ki ajwagi pe giworo Lubaŋa; anonogi ma gitye ka timo gin marac i ot pa Lubaŋa kikome.

Jeremia 23:14

Ento aneno lunebi ma i Jerucalem dok gitimo gin ma kelo lworo mukato kare: gitimo abor dok giloko lok goba; gikonyo lutim gin marac medde ki timo gin marac, wek ŋat mo pe olokke owek timo bal. Gin ducu gudoko calo Codom ki tuŋ bota, ma girac adada calo jo Gomora.”

Ejekiel 44:22

Ajwagi pe gibinyomo daa-to mo, nyo dako ma cware oryemo woko, ento gibinyomo nyako ma pe oŋeyo laco i dog ot pa jo Icrael kikome, Dok bene gitwero nyomo daato mo ma onoŋo yam koŋ cware obedo ajwaka,

Lulevi 21:7

Pe gunyom dako ma lakwele, nyo ma doŋ tye ki meye, Gin pe gunyom dako ma cware oryemo pien ajwaka en dano maleŋ bot Lubaŋane.

Aggai 1:1

I mwaka me aryo me loc pa kabaka Dario, i nino dwe acel me dwe me abicel, lok pa Rwot obino bot Aggai, ma myero en otit bot Jerubabel wod pa Cealtiel, ma onoŋo laloc pa jo Juda, ki bot Yocwa wod pa Yekojadak, ma en ajwaka madit, ni,

Aggai 1:12

Meno omiyo Jerubabel wod pa Cealtiel, ki Yocwa wod pa Yekojadak, ajwaka madit pa Lubaŋa, kacel ki jo ducu ma gudoŋ, guwinyo lok pa Rwot Lubaŋagi, ki lok pa lanebi Aggai, kit macalo Rwot Lubaŋagi oore kwede; lwak gucako bedo ki lworo i nyim Rwot.

Aggai 2:4

Kadi kumeno, in Jerubabel, kombeddi myero ibed ki tekcwiny, man lok pa Rwot kikome; bed ki tekcwiny, in Yocwa, wod pa Yekojadak, ajwaka madit; ki wun jo ducu ma wubedo i lobo-ni, wubed ki tekcwiny, man lok pa Rwot kikome; wuti tic, pien atye kwedwu, man lok pa Rwot me mony kikome,

Jekaria 3:1

En dok onyutta Yocwa, ajwaka madit, ma onoŋo ocuŋ i nyim lamalaika pa Rwot, ma onoŋo Catan bene ocuŋ tuŋ ciŋe malacuc ka doto eno

Jekaria 6:11

Gam ryal ki jabu ki botgi, ci iti kwede lalukana me ker, Rwak lalukana i wi Yocwa wod pa Yekojadak, ajwaka madit.

1 Temceo 3:11

Mon bene kit meno, myero gubed mon ma romo awora, ma pe lucok dog dano, gubed jo ma gwokke kengi dok jo ma lugen i jami ducu.