Ejira 10:14 - Acoli Baibul

¹⁴ Wek ludito ma giloyowa aye gucuŋ pi nyiŋ lwak ducu ma gucokke; wek gicik jo ducu ma gibedo i gaŋiwa ma gunyomo mon ma gin lurok gubin i nino mo ma giciko, kacel ki ludoŋo ma loyogi ki luŋolkop ma i gaŋi ducu, nio waŋ ma gikwanyo kiniga pa Lubaŋa mager ki i komwa pi lok man.”

Ejira 10:14 Iomraidhean Croise

2 Luker 23:26

Kadi bed ku meno, cwiny Rwot ma opoŋ ki akemo mager-ri peya owarre woko, kit ma yam kinigane olyetti kwede matek i kom Juda pi kit ŋeto-ic ma yam kabaka Manace obedo ka ŋeto ki iye-ni,

2 Tekwaro 28:11

Doŋ wuwiny lokka, ci wucwal jo ma wukwanyogi-ni gudok cen; gin utmegiwu, wudwokgi ka ma wukwanyogi ki iye-ni, pien akemo pa Rwot tye i komwu madwoŋ.”

2 Tekwaro 29:10

Tam ma tye i cwinya kombeddi en aye me keto cikke i kinwa ki Rwot, Lubaŋa pa Icrael, wek kinigane magwar-ri oa woko ki i komwa.

2 Tekwaro 30:8

Pe wubed ma ŋutwu nwaŋ kombeddi macalo yam kwariwu gubedo kwede, ento wun wumi kwowu bot Rwot, wubin i kabedo man maleŋ ma en otyeko lonyo matwal, kun wutiyo bot Rwot Lubaŋawu, wek kinigane mager-ri oa woko ki i komwu,

Ejira 10:13

Gin gumedde guwacce ni, “Lwak tye dwoŋ mada dok bene obedo kare ma kot cwer iye madwoŋ; pe watwero cuŋ i dyekal ata kit man. Man pe gin ma gitwero tiyo nino acel nyo aryo keken, pien wan watyeko timo bal madit twatwal i lok man.

Ejira 10:15

Ŋat mo onoŋo pe okwero yub man, ento kono Yonacan wod pa Acakel ki Jakijeya wod pa Tikva keken aye gukwero, dok Meculam ki Cabetai ma gin Lulevi bene gukonyo korgi iye.

Jabuli 78:38

Ento kica omako Lubaŋa i kom lwakke. En oweko balgi, omiyo pe otyekogi woko. Obedo ka juko kinigane pi tyen mapol, pe obedo ka tugo akemone ducu.

Icaya 12:1

I nino meno wubiwero ni, “Abipwoyi, ai Rwot, pien yam cwinyi owaŋ i koma, kinigani doŋ okwe woko, ka doŋ ikweyo cwinya.

Buk me Aŋwen pa Moses ma Gilwoŋo Wel 25:4

Rwot owaco bot Moses ni, “Kwany ludito ducu ma i kin lwak, idegi i wi yat malo i dyeceŋ i nyim Rwot, wek kiniga pa Rwot mager-ri oa woko i kom jo Icrael.”

Nwoyo Cik 13:17

Gin mo ma gidyero bot Rwot pe wubiweko doŋ i ciŋwu, wek Rwot okwany kinigane mager twatwal-li woko. Bitimowu kica kun nyuto cwiny me kica i komwu, ci miyo wunya mapol kit ma yam okwoŋo kwede bot kwarowu-ni,

Nwoyo Cik 17:9

Wubicito bot ajwagi ma Lulevi, ki bot laŋolkop ma tye ka tic i kare meno, wubipenyogi ci gibititowu kit ŋolle.

Yocwa 7:26

Lacen gucano got i kome madwoŋ likuŋ ma pud tye wa onyoo, ci kiniga pa Rwot malyet-ti okwe woko. Pienno nyiŋ kabedo-nu pud gilwoŋo ni nota me Akor nio wa onyoo.