Ejira 10:11 - Acoli Baibul

¹¹ Wutuc balwu kombeddi i nyim Rwot Lubaŋa pa kwarowu, kun wutiyo gin ma en mito; dok myero wupokke woko pat ki i kom jo ma gibedo i lobo-ni, wuryem monwu ma gin lurok-ki bene woko.”

Ejira 10:11 Iomraidhean Croise

2 Tekwaro 30:22

Kejekia oloko lok me cuko cwiny bot Lulevi ducu ma gunyuto diro maber i tic pa Rwot. Kit meno lwak gubedo ka cam me kwero nino madito pi nino abiro, kun gityero gityer lakwecwiny-gu, ma gimiyo pwoc bot Lubaŋa pa kwarigi.

Ejira 10:10

Ajwaka Ejira oa Ocuŋ owaco bot lwak ni, “Wun wuturo cik pa Lubaŋa omiyo wukelo alit wumedo i kom bal alii pa jo Icrael pi nyomo mon ma gin lurok.

Ejira 10:12

Lwak ducu gugamo ki dwan maloŋo ni, “Obed kit meno, wabitiyo gin ducu ma doŋ iwaco-ni.”

Ejira 10:3

Wan koŋ doŋ waketu gicikke ki Lubaŋawa me ryemo mon magi woko ducu kacel ki litinogi. Wabitiyo gin ma in kacel ki jo mukene ma giworo cik pa Lubaŋawa wutito botwa ni wati; wabitiyo gin ducu ma cik pa Lubaŋa mito.

Ejira 9:1

I kare ma gin meno gityeko timone, ludito gubino bota gutitta ni, “Jo Icrael, ajwagi, kacel ki Lulevi, pud peya gupokke woko ki i kom jo mukene ma gibedo i lobo-nu me bedo kengi ki pi tim me kipyedagi jo Kanaan, jo Kit, jo Periji, jo Jebuc, jo Ammon, jo Moab, jo Ejipt, ki jo Amor.

Nekemia 13:3

I kare ma jo Icrael doŋ guwinyo gikwano cik, ci gucako poko jo ma gin likwayo pa lurok woko ducu ki i kom jo Icrael.

Nekemia 9:2

Jo Icrael gupokke woko kengi ki i kom lurok ducu, ka gucuŋ ka tuco balgi kacel ki bal pa kwarogi ma yam gutimo,

Jabuli 32:5

Cut atuco balla boti, pe amuŋo gin marac ducu ma onoŋo atimo; awaco ni, “Abituco balla ducu bot Rwot”; ci in bene iweko balla ducu.

Carolok 28:13

Ŋat ma kano balle ma pe tuco, pe bimedde ki bedo ki kwo maber; ento ŋat ma tuco balle ka bwoto timogi matwal aye kica bimako Lubaŋa i kome.

Icaya 56:4

Pien Rwot doŋ owaco kuman ni, “Jo ma gikologi ma gigwoko cen cabitta, ma giyero tiyo gin ma yomo cwinya, ma gumako gicikkena likiŋ,

Jeremia 3:13

Ye balli keken, ni ityeko jemo woko i kom Rwot Lubaŋani, ci ikeyo berri woko i kin lubaŋa pa lurok, kun ibedo ka worogi i te yadi ducu muluk-gu, dok bene pe ibedo ka winyo lokka, man Rwot kikome ma owaco.

Jeremia 7:3

Rwot me mony, ma Lubaŋa pa Icrael, owaco kuman ni, Wuyub kitwu kacel ki tim mewu ducu, ci abiweko wubedo i kabedo man.

Ejekiel 18:30

“Pi meno abiŋolo kop i komwu, wun jo Icrael, aŋolo kop pa dano acel acel kun lubo gin ma en otimo. Wuŋuti ci wulokke wuwek timo bal, pe wuwek balwu otyekwu woko.

Jiri Ma Jon Ocoyo 9:24

Pi lok man omiyo gulwoŋo dano ma yam waŋe oto tyen me aryo, guwacce ni, “Mi deyo bot Lubaŋa; wan waŋeyo ni dano man labalo.”

Jo Roma 12:2

Pe wulub tam me lobo man, ento wuwek Lubaŋa olok tamwu odok nyen, wek omi wuniaŋ i gin ma Lubaŋa mito, gin maber, ma yomo cwinye, ma roc mo pe iye.

2 Jo Korint 6:17

Pi meno doŋ wua woko ki i kingi, wupokke woko kwedgi, man lok pa Rwot, pe wugud gin mo ma kome ki keni. miyo abijolowu,

Jo Kolocai 1:10

En okonywu, wek kwowu obed ma myero bot Rwot, ma yomo cwinye maber, kun wutiyo tic mabeco ma miyo kwowu nyak nyig madwoŋ, dok wumedde bene ka ŋeyo Lubaŋa.

Jo Ibru 13:21

en myero omiwu gin ducu mabeco ma mitte, wek wuti wucob gin ma en mito; dok bene pi Yecu Kricito myero en oti kwedwa gin ma yomo cwinye. Deyo obed bot Yecu Kricito nakanaka. Amen.

Yocwa 7:19

Yocwa owaco bot Akan ni, “Woda, mi deyo bot Rwot Lubaŋa pa Icrael kun ituco balli. Titta kombeddi gin ma itimo; pe imuŋŋa.”