Ejira 10:1 - Acoli Baibul

¹ I kare ma Ejira tye i ot ka lega kun tuco bal, kun kok, poto kwede piny, dok Lwak jo Icrael mapol, co, mon ki litinogi gucokke gukok matek twatwal.

Ejira 10:1 Iomraidhean Croise

1 Luker 8:30

Dok iwiny legana ki lega pa joni jo Icrael i kare ma wabako dogwa, ma walego wakemo kabedo man atir; iyo in doŋ ibed ka winyo bako doga ki i polo ka ma ibedo iye-ni; ci ka doŋ ityeko winyone, doŋ iwek balwa.

1 Luker 9:3

Rwot owacce ni, “Atyeko winyo legani, ki bako dogi ma iketo i nyima; atyeko lonyo ot man ma igero-ni obed maleŋ, aketo iye nyina wek obed iye matwal; dok waŋa ki cwinya bikemo kunnu nino ducu.

2 Tekwaro 20:13

I kare-nu onoŋo jo Juda gucuŋ i nyim Rwot, ki jo ma gikwo i komgi, mongi ki litinogi.

2 Tekwaro 20:9

‘Ka gin mo marac opoto i komwa, macalo lweny nyo lok ma iŋolo i komwa, nyo two gemo, nyo kec, ci wan wabicuŋ i nyim ot man, pien nyiŋi tye i ot man, ci wabikok boti pi aroma can wa i nyimi; in ibiwinyo ci ilarowa.’

Ejira 10:6

Ejira oa woko ki i nyim ot pa Lubaŋa, odonyo i kicika pa Yekokanan wod pa Eliacib, obuto kunnu nino acel, kun pe camo gin mo kadi wa mato pii bene. Dok obedo ka kumo pi jo ma gua ki i opii ma guŋayo waŋ Lubaŋa woko.

Nekemia 1:4

Ka awinyo lok meno ducu, ci abedo piny akok matek. Abedo ka kumo pi nino mapol; kun ari kec ma pe acamo cam ento abedo ka lego Lubaŋa me polo.

Nekemia 1:6

Rwot, nen an, dok iwiny legana, ma atye ka legone dyeceŋ ki dyewor pi luticci, lwak me Icrael. Atuco balwa i nyimi ni, wan jo Icrael, watyeko timo bal i nyimi. Iyo, an ki jo me doggola pa kwara watimo bal.

Nekemia 10:28

Wan jo Icrael, ajwagi, Lulevi, lugwok-doggola me ot pa Lubaŋa, luwer, ki lutic i ot pa Lubaŋa ki jo mukene ducu ma wapokke woko kenwa ki i kom jo ma gibedo i lobo meno, wek walub cik pa Lubaŋa, wan kacel ki monwa ki litinowa awobe ki anyira ducu ‘ma doŋ gin dito ma giromo niaŋ lok,

Nekemia 8:9

Ka lwak doŋ guwinyo lok ma gikwano ki i buk me cik, gucako koko cut. Ci Nekemia ma onoŋo en laloc, ki Ejira ma onoŋo ajwaka dok bene lapwony-cik pa Lubaŋa, kacel ki Lulevi ma gupwonyo lwak guwaco bot lwak ni, “Man aye nino maleŋ bot Rwot Lubaŋawa; pe wukum dok bene pe wukoki.”

Jabuli 119:136

Pig waŋa cwer dok mol matek, pien dano pe gigwoko cikki.

Jabuli 32:5

Cut atuco balla boti, pe amuŋo gin marac ducu ma onoŋo atimo; awaco ni, “Abituco balla ducu bot Rwot”; ci in bene iweko balla ducu.

Jeremia 13:17

Ka ce pe wubiwinyo, ci abikok laliŋliŋ i muŋ pi wakkewu: abikok matek noŋo pig waŋa mol cito piny lipyaa, pienjo pa Rwot doŋ giterogi woko macalo opii.

Jeremia 9:1

Ka twerre onoŋo myero wiya obed waŋ it me pii, ki waŋa noŋo myero obed. Waŋ it ma gunnye ki pig waŋ, wek omiya abed ka kok dyeceŋ ki dyewor benebene pi jona ma dog ginekogi woko-ni,

Daniel 9:20

Kumeno abedo ka lok kun alego, atuco balla ki pa lutuwa jo Icrael, kun bene akelo lega me bako doga i nyim Rwot Lubaŋana pi got mere maleŋ.

Kocea 14:2

Wuwot ki lok me dogwu, wudok bot Rwot; wuwac bote ni, “Kwany balwa woko ducu; gam motwa maber-ri, wek wacul waŋ balwa ki lok ma i dogwa,

Jekaria 12:10

“Abionyo cwiny me kica ki cwiny me bako dog i kom ot pa Daudi ki i kom jo ma bedo i Jerucalem, wek ka gineno ŋat ma gicobo, ci gikum pire, macalo ŋat ma kumo pi latinne acel keken ma en onywalo, kun kok matek macalo dano ma koko latin kayo.

Matayo 3:6

Gituco balgi, ci en batijagi i kulu Jordan.

Luka 19:41

Ka doŋ onyiko cok, ma oneno gaŋ, okok pire,

Tic Pa Lukwena 10:30

Kornelio ogamo ni, “Tin nino me aŋwenne i kin cawa man, onoŋo atye ka lega i oda i cawa me aboŋwen, ci nen ba, laco mo ocuŋ i nyima ma oruko boŋo ma ryeny,

Tic Pa Lukwena 21:5

Ka doŋ watyeko karewa, wapokke kwedgi ci wamedde ki wotwa. Gin ducu gulwokowa, wa mon ki litino, gukelowa wa i ŋe gaŋ; ka warumo coŋwa i dog nam, walego, wacikke kwedgi.

Jo Roma 9:2

ni, atye ki cwercwiny madit kun cwinya rem mada ma pe jukke.

Nwoyo Cik 31:12

Wugur lwak kacel, co wa ki mon ki litino, ki lubedo ma gibedo i gaŋiwu, wek guwiny ci gupwony lworo Rwot Lubaŋawu, gugwokke ka lubo lok ducu me cik man,

Yocwa 7:6

Yocwa oyeco boŋone woko, opoto piny aryeba cwiny i nyim canduk pa Rwot nio wa otyeno, en ki Ludoŋo pa jo Icrael, kun gionyo apwa i wigi.

Yocwa 8:35

Lok acel mo pe odoŋ i kom lok ducu ma Moses yam ociko ma Yocwa pe okwano i nyim kacokke pa jo Icrael ducu, kacel ki mon ki litino ki lubedo ma gibedo i kingi.