Ejira 1:8 - Acoli Baibul

⁸ Ciro kaba ka me Percia okelogi ci omiyogi i cin Mitredat ma lakan lim, en ma okwano lwak jami meno ducu i nyim Cecbajar ma en rwot me Juda.

Ejira 1:8 Iomraidhean Croise

Ejira 1:11

jami me jabu ki me ryal ducu oromo alip abic ki miya aŋwen ki pyerabicel wiye aboŋwen, Jami magi ducu Cecbajar odwokogi i Jerucalem i kare ma jo ma yam giterogi i opii i Babilon gidwokogi kwede cen i Jerucalem.

Ejira 2:2

Gin gudwogo kacel ki Jerubabel, ki Yecwa, ki Nekemia, ki Ceraya, ki Rcelaya, ki Mordekai, ki Bilcan, ki Micpar, ki Bigvai, ki Rekum, ki Baana. Man aye wel co ma i kin jo Icrael:

Ejira 5:14

Dok bene jami me jabu ki me ryal ma yam gitiyo kwedgi i ot pa Lubaŋa, ma yam Nebukadnejar oyako ki i ot pa Lubaŋa ma yam tye i Jerucalem ci oterogi oketogi i ot pa lubaŋa ma i Babilon, jami magi ducu kabaka Ciro acel-lu aye yam okwanyogi woko ki i ot pa lubaŋa ma tye i Babilon, ka omiyogi bot dano ma nyiŋe Cecbajar, ma yam Ciro oketo obedo laloc;

Ejira 5:16

Cecbajar man yam obino ci oketo te guti me ot pa Rwot Lubaŋa ma i Jerucalem; cakke wa i kare ca nio wa koni gubedo ka gerone, ma pud bene peya otum.’

Ejira 5:2

Ka dok Jerubabel wod pa Cealtiel ki Yecwa wod pa Jojadak gucako gero ot pa Lubaŋa ma tye i Jerucalem odoco; onoŋo lunebi pa Lubaŋa bene tye kacel kwedgi ma konyogi ki tic.

Jeremia 51:44

Abiketo can i kom Bel, ma en lubaŋa me Babilon, dok abikwanyo jami ma yam en omwonyo-gu woko ducu ki i doge. Rok ducu pe gibicito ka wore kit ma yam con. “Cel me Babilon doŋ opoto woko. Wun jo Icrael wurin woko ki kunnu!

Aggai 1:1

I mwaka me aryo me loc pa kabaka Dario, i nino dwe acel me dwe me abicel, lok pa Rwot obino bot Aggai, ma myero en otit bot Jerubabel wod pa Cealtiel, ma onoŋo laloc pa jo Juda, ki bot Yocwa wod pa Yekojadak, ma en ajwaka madit, ni,

Aggai 1:14

Rwot otugo cwiny Jerubabel wod pa Ceahiel, laloc me Juda, ki cwiny Yocwa wod pa Yekojadak, ajwaka madit, ki cwiny jo ducu ma gudoŋ; cut gubino ci gucako tic i kom ot pa Rwot me mony, ma Lubaŋagi.