Ejira 1:7 - Acoli Baibul

⁷ Kabaka Ciro bene okwanyo jami ma yam gitiyo kwedgi i ot pa Rwot woko ma yam Nebukadnejar oyako ki i Jerucalem ci otero oketo i ot jok pa lwak lubaŋane,

Ejira 1:7 Iomraidhean Croise

2 Luker 24:13

Otero bene jami ducu ma gikano i ot lim ma i ot pa Rwot, ki jami ma gikano i ot lim pa kabaka, ka otoŋo jami me jabu ma i ot, pa Rwot onidogi woko ducu, gin jarm ma yam Solomon kabaka me Icrael otiyo, kit ma yam Rwot oloko.

2 Tekwaro 36:10

I dog oro en aye Nebukadnejar ocwalo luticce ka ome ci gutere wa i Babilon. Otero wa jami mabeco ma gitiyo kwedgi i ot pa Rwot. Ci oketo ominne Jedekia obedo kabaka me loyo jo Juda ki Jerucalem,

2 Tekwaro 36:18

Ki jami ducu ma yam gitiyo kwedgi i ot pa Lubaŋa, jami madito ki matinone, ki lonyo ma gikano i ot pa Rwot, ki lonyo ma kabaka okano ki pa rwodine ducu, kabaka pa jo Kaldaya otero woko ducu i Babilon.

2 Tekwaro 36:7

Nebukadnejar bene okwanyo jami mogo ki i kin jami ma gitiyo kwedgi i ot pa Rwot oterogi i Babilon, ci oketogi i gaŋ kalle i Babilon.

Ejira 5:14

Dok bene jami me jabu ki me ryal ma yam gitiyo kwedgi i ot pa Lubaŋa, ma yam Nebukadnejar oyako ki i ot pa Lubaŋa ma yam tye i Jerucalem ci oterogi oketogi i ot pa lubaŋa ma i Babilon, jami magi ducu kabaka Ciro acel-lu aye yam okwanyogi woko ki i ot pa lubaŋa ma tye i Babilon, ka omiyogi bot dano ma nyiŋe Cecbajar, ma yam Ciro oketo obedo laloc;

Ejira 6:5

Dok bene wuwek jami me jabu ki me ryal me ot pa Lubaŋa, ma yam Nebukadnejar oyakogi ki i ot pa Lubaŋa ma tye i Jerucalem ci okelogi i Babiloni-ni, gidwokgi cen wek giketgi i ot pa Lubaŋa ma tye i Jerucalem, kun jami acel acel giketo i kabedone kikome; ibiketogi i ot pa Lubaŋa.”

Jeremia 51:44

Abiketo can i kom Bel, ma en lubaŋa me Babilon, dok abikwanyo jami ma yam en omwonyo-gu woko ducu ki i doge. Rok ducu pe gibicito ka wore kit ma yam con. “Cel me Babilon doŋ opoto woko. Wun jo Icrael wurin woko ki kunnu!

Daniel 1:2

Rwot omiyo Yekoyakim kabaka me Juda i ciŋe, ci Nebukadnejar okwanyo jami mo go ma gitiyo kwedgi i ot pa Lubaŋa, oterogi woko i lobo Cinar, oketogi i ot pa lubaŋane, ka oketo jami magi i ot kano lim pa lubaŋane,

Daniel 5:23

Ento ikette malo kekeni ci iette giri i kom Rwot me polo; dok jami ma yam gitiyo kwede i ode ducu gikelogi giketogi i nyimi, ci in kacel ki ludito me aworani, monni, ki mon aŋecani ducu wutiyo kwede me mato koŋo vino. Wubedo bene ka pako lwak lubaŋa me jabu, me ryal, me mola, me nyonyo, me yat ki me godi-gu, ma pe gineno piny, pe giwinyo lok, dok ma pe giŋeyo gin mo-ni. Ento in pe ibedo ka woro Lubaŋa ma omiyo kwo ki yweyo boti-ni, kun en bene aye ma gwoki i kit bedoni ducu.