Ejira 1:4 - Acoli Baibul

⁴ Pienno dano acel acel ma pud odoŋ i kabedo mo ma en bedo iye, wek jo ma i kabedo meno gumiye kony me ryal ki jabu, kacel ki jami-gu ki lim makwo, kun gimedo i kom gityer ma igi opwoyo ma gimiyo pi ot pa Lubaŋa ma tye i Jerucalem.”

Ejira 1:4 Iomraidhean Croise

1 Tekwaro 29:17

An aŋeyo, ai Lubaŋana, in itemo cwiny dano, ipwoyo dano ma cwinye atir; pi cwinya ma tye atir omiya atyero boti mot me jami magi ducu; doŋ atyeko neno lwakki ki waŋa, gin ma gitye kany-nyi, ka gityero jamigi boti kit ma cwinygi omito ki yomcwiny madwoŋ.

1 Tekwaro 29:3

Dok pien cwinya obedo yom i kom ot pa Lubaŋana, omiyo amiyo jami magi me jabu ki me ryal mua i ciŋa pi ot pa Lubaŋana, kun amedo i kom lwak jami ducu ma atyeko yubo pi ot maleŋ,

1 Tekwaro 29:9

Cwiny lwak obedo yom pien jo magi gumiyo mot ma cwinygi opwoyo, pien gutyero mot bot Rwot ki cwinygi ducu. Kabaka Daudi bene cwinye obedo yom matek.

2 Tekwaro 31:14

Kore ma wod pa Imla ma Lalevi giketo en lagwok dog gaŋ ma yo tuŋ wokceŋ; en ticce obedo me loyo gityer ma ic pwoyo bot Lubaŋa, me poko tyer ma gimiyo bot Rwot ki gityer maleŋ makato.

Ejira 1:3

Bot ŋat mo keken ma i kinwu ma i kom lwakke ducu awaco ni, Lubaŋane myero obed kwede. Wek en oa ocit i Jerucalem, ma tye i Juda, ka gero ot pa Rwot, Lubaŋa pa Icrael, en Lubaŋa ma gaŋ kalle Jerucalem.

Ejira 1:5

Ludito ma giloyo dog odi pa kwarogi ma tye i kaka pa Juda ki Benjamin, kacel ki ajwagi ki Lulevi ma Lubaŋa otugo cwinygi, gucako yubbe me cito ka gero ot pa Rwot ma tye Jerucalem odoco.

Ejira 9:15

Ai Rwot Lubaŋa pa Icrael, in iporre, pien imiyo wabwot ki i lak to. Nen, watuco bal aliiwa boti, pe watye ki kit twero mo me cuŋ i nyimi pi bal man.”

Buk me Aryo pa Moses ma Gilwoŋo Nia 35:29

Jo Icrael ma co ki ma mon ducu ma yam cwinygi opwoyo pi kelo gin mo pi tic ma onoŋo Rwot ociko Moses ni oti, gukelo gityer ma igi opwoyo bot Rwot.

Icaya 10:21

Jo ma gudoŋ gibidwogo cen bot Lubaŋa Won Twer, ma gin aye jo me ot pa Yakobo ma gudoŋŋe,

Tic Pa Lukwena 24:17

“Ma doŋ abedo cen pi mwaka mapolpol acito i Jerucalem ka tero mot bot jo me rokka pi konyo lucan, ki ka tyero gitum.

Jo Galatia 6:2

Wutiŋ peko pa luwotwu, meno aye bimiyo wucobo cik pa Kricito.