Ejira 1:2 - Acoli Baibul

² “Ciro kabaka me Percia owaco kuman ni, Rwot, ma en Lubaŋa me polo, otyeko miyo ker ducu ma i wi lobo i ciŋa, dok ocika ni ager ot pire i Jerucalem ma tye i Juda.

Ejira 1:2 Iomraidhean Croise

1 Luker 8:27

“Ento Lubaŋa bibedo i wi lobo-ni ada? Nen, kadi polo bene kulu ma malone twatwal-li pe romo in me bedo iye, ci ot ma agero-ni tidine rom mene kono!

2 Tekwaro 2:12

Kuram dok owacci, “Gipwo Rwot Lubaŋa pa Icrael, ma con otiyo polo ki lobo, ma omiyo ki Daudi wode maryek, ma tye ki niaŋ matut, ma bigero ot pi Rwot, kacel ki gaŋ kalle kikome.

Ejira 1:5

Ludito ma giloyo dog odi pa kwarogi ma tye i kaka pa Juda ki Benjamin, kacel ki ajwagi ki Lulevi ma Lubaŋa otugo cwinygi, gucako yubbe me cito ka gero ot pa Rwot ma tye Jerucalem odoco.

Ejira 3:7

Pienno gumiyo lim bot lupa-godi ki bot lupac. Dok gumiyo cam ki ginamata-gu, ki moo bot jo Cidon ki jo Turo wek gukel yadi cedar ki i Lebanon wa i dog nam, i Jopa, pi twero ma Ciro kabaka me Percia omiyo botgi.

Ejira 4:3

Ento Jerubabel, ki Yecwa, ki ludito mukene ma giloyo dog odi pa kwarogi ma i Icrael gugamo doggi ni, “Wun pe wutwero ribbe kwedwa me gero ot mo pi Lubaŋawa; wan kenwa watwero gero ot pi Rwot, Lubaŋa pa Icrael, macalo kabaka Ciro kabaka me Percia yam ociko ki wan.”

Ejira 5:15

ka dok ocike ni, “Kwany jami magi itergi iciketgi i ot pa Lubaŋa ma tye i Jerucalem, ka dok iwek giger ot pa Lubaŋa odoco i kabedone kikome.”

Ejira 6:10

Wubitimo kir man wek gutyer gityer ma Lubaŋa me polo bipwoyo, ki lego pi kwo pa kabaka ki litinone.

Ejira 6:3

I mwaka mukwoŋo me loc pa kabaka Ciro, kabaka Ciro omiyo twero ni, lok ma mako gedo ot pa Lubaŋa ma i Jerucalem, wuwek ot meno giger odoco, en aye kabedo ka ma gityero iye gitum ki ka ma gityero iye gitum awaŋa-ni, borre obed futi pyeraboŋwen

Ejira 7:12

ni, “An Aritakcec kabaka ma loyo luker ducu, amiyo waraga man bot ajwaka Ejira, ma lapwony-cik pa Lubaŋa me polo.

Nekemia 1:4

Ka awinyo lok meno ducu, ci abedo piny akok matek. Abedo ka kumo pi nino mapol; kun ari kec ma pe acamo cam ento abedo ka lego Lubaŋa me polo.

Nekemia 1:5

Alego kun awacci, “Ai Rwot Lubaŋa me polo, in idit, dok wabedo ki lworo i nyimi. In Lubaŋa me ada dok igwoko gicikkeni ki mar meri ma pe lokke pi jo ma gimari dok ma gilubo cik meri.

Jabuli 136:26

Wumi pwoc bot Lubaŋa me polo, pien mar mere ma pe lokke bedo nakanaka.

Jabuli 85:2

Yam iweko bal pa lwakki, dok itimogi kica i kom roc ducu ma gutiyo,

Carolok 21:1

Rwot aye ma loyo cwiny kabaka, macalo kulu ma mol, enloko piine mol cito ka ma en mito.

Icaya 41:2

Aŋa ma otugo ŋat ma oa ki yo tuŋ wokceŋ, ma loyo lweny i kabedo ducu ma en woto iye? Aŋa ma miyo rok mapol i ciŋe, ka doŋ nyono luker maditodito woko i te tyene piny? Pala lucwanne miyo dano gidoko calo apwa, aterone nekogi, tiŋogi woko calo cuŋ kai ma yamo tero.

Icaya 44:26

Amiyo lok ducu ma luticca gutito ocobbe kakare, gin ma lukwenana guwaco bene amiyo ocobbe. A waco bot Jerucalem ni dano dok bibedo i iye kunnu, ki gaŋ me Juda ni dok gibigerogi odoco; ka ma yam wi obur doŋ bidoko gaŋ,

Icaya 44:28

Awaco bot Ciro ni en bibedo laloc ma kakara, ni en bitiyo gin ma amito ni otine; en bimiyo gigero Jerucalem, dok bimiyo giketo te guti ot me wora.”

Icaya 45:1

Rwot owaco ni, Ciro doŋ odoko kabaka ma doŋ atyeko wirone ki moo, amako ciŋe ma lacuc aketo en me loyo rok mapol, acwale wek ocit otur teko pa luker woko, atye ka yabo nyime ma pe dok biumme.

Icaya 66:1

Rwot owaco kuman ni, “Polo aye komkerra, lobo obedo kom me teno tyena. Kit ot aŋo ma onoŋo wutwero gero pira? Ka yweyona kono onoŋo bedo kwene?

Jeremia 10:11

Ibiwaco botgi kit man ni, “Lubaŋa mogo-gu ma pe guketo polo ki lobo-ni gibijwerogi ‘woko. Pe doŋ gibibedo tye i kabedo mo i wi lobo ki i te polo.”

Jeremia 27:5

“An aye ma acweyo lobo ki twerona dok ki tekona, wa dano ki lee ducu ma gitye i wi lobo; doŋ atwero miyogi bot ŋat mo keken ma ayero.

Jeremia 29:10

“Rwot owaco kuman ni, Ka mwaka pyerabiro ma gimiyo ki Babilon doŋ otum, ci an abilimowu, abicobo cikkena piwu ci abikwanyowu adwokowu cen i kabedo man.

Daniel 1:21

Ci Daniel omedde ki bedo kunnu nio wa i mwaka mukwoŋo me loc pa Ciro.

Daniel 2:21

En aye ma loko cawa ki kare me cwir nyo me oro, en aye ma kwanyo luker woko ki i kergi ci keto luker manyen me leyo ka tyengi; en miyo ryeko bot jo maryek dok miyo ŋec bot jo ma twero niaŋ maber.

Daniel 2:28

Ento tye Lubaŋa mo i polo ma nyuto kit muŋ ducu mukanne, en aye mumiyo kabaka oneyo lok ducu ma bitimme i kare ma pud tye anyim. Doŋ lek ma ileko-ni ki ginanyuta ma obino i wii i kare ma ibuto piny i wi ki tanda gin ene:

Daniel 4:25

man nyuto ni gibiryemi woko ki i kin dano, doŋ ibibedo kacel ki lee me tim; gibimiyo icamo lum calo twon, dok toyo ma a ki i polo bene bidyako komi woko, ci ibiri mwaka abiro, nio wan ma iŋeyo ni ŋat Mamalo Twal aye loyo ker pa dano, dok en tye ki twero me miyone bot ŋat ma en mito.

Daniel 4:32

dok gibiryemi woko ki i kin dano, doŋ ibibedo kacel ki lee me tim; gibimiyo icamo lum macalo twon, pi mwaka abiro, nio waŋ ma ipwonnye ni Dat Mamalo Twal aye ma lo yo ker pa dano, dok tye ki twero me miyone bene bot ŋat ma en mito.”

Daniel 5:23

Ento ikette malo kekeni ci iette giri i kom Rwot me polo; dok jami ma yam gitiyo kwede i ode ducu gikelogi giketogi i nyimi, ci in kacel ki ludito me aworani, monni, ki mon aŋecani ducu wutiyo kwede me mato koŋo vino. Wubedo bene ka pako lwak lubaŋa me jabu, me ryal, me mola, me nyonyo, me yat ki me godi-gu, ma pe gineno piny, pe giwinyo lok, dok ma pe giŋeyo gin mo-ni. Ento in pe ibedo ka woro Lubaŋa ma omiyo kwo ki yweyo boti-ni, kun en bene aye ma gwoki i kit bedoni ducu.

Daniel 6:25

Lacen kabaka Dario ocoyo waraga bot lwak me rok ducu, ki rok mapatpat, kadi wa bot jo ma loko leb mapatpat ma gibedo i lobo ducu kun wacci, “Kuc myero onya omedde botwu.

Yona 1:9

En ogamo doggi ni, “An Laibru; alworo Rwot Lubaŋa me polo, ma oketo nam ki lobo.”