Amoc 8:3 - Acoli Baibul

³ Wer me ot pa Lubaŋa bidoko me koko i nino meno. Kom jo muto gibibedo mapol; gibibologi woko laliŋ i kabedo ducu.” Man lok pa Rwot Lubaŋa kikome.

Amoc 8:3 Iomraidhean Croise

Jabuli 39:9

Aliŋ woko litik, pe aromo ŋamo doga ka lok; pien in aye ma imiya peko ma kit man.

Icaya 37:36

I dyewor meno lamalaika pa Rwot ocito, oneko jo Aciria alip miya acel ki pyeraboro wiye abic ki i gonygi. Ka dano gua malo odiko con nen gunoŋo kom jo Aciria muto oradde lirat.

Jeremia 22:18

Pi meno Rwot owaco lok not Yekoyakim wod pa Yocia kabaka me Juda ni, “Ŋat me pe bikumo pi tone, kun wacci, ‘Omera do!’ nyo ni, ‘Lamera do!’ Ŋat mo ma bikok pe, kun wacci, ‘Rwoda do!’ nyo ni, ‘Kabakana do!’

Koko 2:10

Ludoŋo pa jo Cion, gibedo piny laliŋ; guonyo apwa i wigi, doŋ guruko boŋo cola; anyira Jerucalem doŋ gukulo wigi piny.

Joel 1:11

Lewic omakwu, wun lupur, wukok matek, wun lupur olok pi naŋo ki cayiri; pien cam me poto doŋ olal woko.

Joel 1:13

Wuruk boŋo cola, wun ajwagi, wukok can, wukok matek, wun lutic i keno tyer. Wudony i ot, wubut i boŋo cola, wun lutic pa Lubaŋana. Pien gityer me moko kwon ki gityer amata doŋ gijuko kelogi woko i ot pa Lubaŋawu.

Joel 1:5

Wuco woko, wun jo ma lumero, wukoki; wukok matek, wun jo ducu ma mato koŋo vino, pi koŋo vino malino-ni, pien doŋ gityeko jukone woko ki i dogwu.

Lulevi 10:3

Ka Moses owaco bot Aron ni, “Man aye gin ma Rwot owaco, ni, ‘Abinyutte kekena i kin jo ma gitye cok kweda ni aleŋ, dok gibiketo deyo i koma i nyim lwak ducu.’ ” Ci Aron oliŋ gire mot.

Amoc 4:10

“Yam acwalo two gemo i komwu macalo two gemo me Ejipt; aneko awobewu ki pala lucwan, ayako aguragurawu mapol; am iyo ŋwec gonywu oduny i umwu ma ŋwe; ento wun pe wumedo ki dwogo bota,” Man lok pa Rwot kikome.

Amoc 5:16

Pi meno Rwot, Lubaŋa me mony ma en Rwot, owaco kuman ni, “Koko bibedo i dyekal ducu; i waŋa yo ducu dano bikok ni, ‘Aya! Aya!’ Gibilwoŋo lupur ni gubin ka kumo, ki jo ma ŋeyo wer lyel wek gubin, gukoki.

Amoc 5:23

Woo me werwu wukwany woko ki bota; pe abiwinyo dwan naŋawu kadi mit.

Amoc 6:4

“Can i wi jo ma gibuto i wi ki tanda ma gidero ki lak lyec! Wuryene i wi komwu mayom, wucamo litino romi, ki roci ma gipito i dwol;

Amoc 6:5

wuwero werwu kun wulubo dwan naŋa, wuroto gin-wer manyen me agoya calo Daudi;

Amoc 6:8

Rwot Lubaŋa doŋ okwoŋŋe ki nyiŋe kene ni. “Iya okwero wakke pa Yakobo, akwero odine madoŋo; abimiyo gaŋŋe bot lukwor, kacel ki gin ducu ma tye iye.” Man lok pa Rwot kikome, Lubaŋa me mony.

Amoc 8:10

Abiloko ninowu madito doko nino me kwero cola, ki werwu ducu doko me kumo. Abimiyo jo ducu tweyo boŋo cola i pyergi, wi dano ducu gibilyelo woko; abimiyo bedo calo koko pi latin ma dano onywalo acel keken, agikkine bibedo nino me cwetcwiny madwoŋ.”

Nakum 3:3

Koŋ inen kit ma wegi aguragura gitye ka ŋwec kwede, ma noŋo pala lucwangi meny amenya lipilpil, ki tonigi bene ryeny aryenya! Lwak dano ma guneko, komgi odurre lipim; dano tye ka to medde ameda, dano woto ma giyokke ayoka ki kom jo muto!

Jepania 1:7

Wuliŋ mot i nyim Rwot Lubaŋa! Pien nino pa Rwot doŋ tye cok; Rwot doŋ otyeko yubo gitum, dok olonyo welene.