Amoc 7:3 - Acoli Baibul

³ Ci Rwot oŋut i kom lok man kun wacci, “Man pe doŋ bitimme.”

Amoc 7:3 Iomraidhean Croise

Acakki 6:7

Rwot owacci, “Abijwero dano woko ma yam aketo-ni ki wi lobo, dano ki lee ki gin ma lak alaka ki winyo me polo, pien doŋ atyeko ŋut pi cweyogi.”

1 Tekwaro 21:15

Ci Lubaŋa ocwalo lamalaika i kom Jerucalem pi tyekone woko; ento ka doŋ mito tyekone, ci Rwot oneno, ci onut i kom gin marac man, ci ojuko lamalaika ma lanek piny-nyi woko, kun wacci, “Man doŋ oromo, doŋ ikul ciŋi piny.” Lamalaika pa Rwot onoŋo ocuŋ i ŋet laro moyo pa Oman ma jo Jebuc.

Jabuli 106:45

Omiyo opo pi gicikkene pigi; pi mar mere ma pe lokke omiyo Rwot oŋut oloko tamme.

Jabuli 78:38

Ento kica omako Lubaŋa i kom lwakke. En oweko balgi, omiyo pe otyekogi woko. Obedo ka juko kinigane pi tyen mapol, pe obedo ka tugo akemone ducu.

Jabuli 90:13

Lok cwinyi, ai Rwot! Imito wanen can pi kare ma rom mene? Wek kica omaki i kom luticci!

Buk me Aryo pa Moses ma Gilwoŋo Nia 32:14

Ci Rwot onut i kom gin marac ma yam en otamo ni ebitimo i kom lwakke.

Jeremia 26:19

“Tika mono Kejekia kabaka me Juda kacel ki jo Juda guneko Mika woko? Kejekia pe olworo Rwot ci otemo tiyo gin maber ma Rwot pwoyo? Ci meno pe omiyo Rwot oŋut i kom gin marac ma onoŋo en oyubbe me timone i komgi? Ento wan kombeddi aye giwa wamito kelo can madit i komwa kekenwa.”

Jeremia 42:10

‘Ka ce wumito bedo i lobo man abigerowu wucuŋ matek macalo ot, pe abiretowu woko piny; abipitowu pe abiputowu woko. Doŋ aŋut pi can ma onoŋo aketo i komwu ca.

Kocea 11:8

Atwero weki woko, in Epraim? Atwero miyi bot ŋat mukene niŋniŋ, in Icrael? Atwero miyo idoko calo Adma niŋniŋ? Abitimo in macalo Ceboim niŋniŋ? Cwinya doŋ odwogo woko i komi, iya doŋ okwe woko pi mari.

Joel 2:13

pe wuyec ginaruka mewu, ento wulok cwinywu aye,” Wudwog bot Rwot Lubaŋawu, pien en latim kica, en won kica madwoŋ. Kiniga pe make oyot, mar mere ma pe lokke dwoŋ, dok ŋut, pe timo gin marac.

Joel 2:14

Aŋa ma ŋeyo ka pe bilokke, ci ŋut kun weko gum doŋ i yo ŋeye, gityer me moko kwon kigityer amata pi Rwot Lubaŋawu?

Amoc 5:15

Wukwer gin marac, wumar gin maber, wumi giŋol kop atir i dog gaŋ; gwok nyo noŋo Rwot, ma Lubaŋa me mony, bibedo ki kica bot jo pa Yucepu ma gudoŋ,

Amoc 7:6

Ci Rwot Lubaŋa oŋut i kom man kun wacci, “Man bene pe doŋ bitimme.”

Yona 3:10

Ka Lubaŋa oneno gin ma gutiyo, kit ma gulokke kwede, guweko tim megi marac, Lubaŋa ojuko cwinye i kom gin marac ma onoŋo nene en owaco ni ebitimo i komgi, ci pe doŋ otiyo.

Nwoyo Cik 32:36

Pien Rwot bimiyo jone loyo kop, kica bimake i kom luticce ka oneno tekgi doŋ otum woko, ma dano mo pe odoŋ kadi opii nyo ŋat ma lone kene.

Yakobo 5:16

Pi meno, wutuc balwu, ŋat acel acel otuc mere bot lawote, dok bene ŋat acel acel myero oleg Lubaŋa pi lawote, wek wucaŋ. Lega pa dano ma kite atir tek, tye ki twero madwoŋ.