Amoc 4:1 - Acoli Baibul

¹ “Wuwiny lok man, wun dyaŋi me Bacan, ma bedo i wi got me Camaria. Wun mon ma wuburo lucan, ma wuninyo jo ma piny obwoyogi, wun ma wuwaco bot cogwu ni, ‘Kel, wek wamati!’

Amoc 4:1 Iomraidhean Croise

1 Luker 16:24

Owilo got me Camaria ki bot Cemer ki lim ryal ma romo talanta aryo, ka ogero iye gaŋ gogo matek, ocako nyiŋe Camaria, macalo nyiŋ Cemer ma yam obedo won got meno.

Yubu 20:19

Pien odiyo lucan ci otenyogi woko ata omayo odi ma ceŋ en pe ogerogi.

Yubu 24:4

Gicoro lucan gidirogi cen ki iyo; lucan ma i lobo gikanne woko liweŋ.

Jabuli 12:5

“Ento kombeddi abibino,” Rwot ma owaco, “pien doŋ giyako jami pa lucan woko, dok jo ma piny obwoyogi gitye ka cur acura ki arem. Abigwokogikit ma gimito-ni.”

Jabuli 140:12

Aŋeyo ni Rwot pido pilucan, dok ŋolo kop kakare pi jo ma piny obwoyogi.

Jabuli 22:12

Lukwor mapol guruma woko macalo twoni, gin ducu guruma woko dyere, calo twoni ma komgi tek ma gua ki i lobo Bacan.

Carolok 22:7

Ŋat ma lacan bedo i te loc pa dano mulony, ki ŋat ma deno lim bedo opii pa won limo

Latitlok 4:1

Dok aneno kit macalo jo mukene tye ka uno ki luwotgi i lobo man. Nen, jo ma giunogi gikok akoka ki pig waŋgi, pien pe gitye ki ŋat mo ma myero okwe cwinygi! Pe gitye ki ŋat mo ma konyogi, pien jo ma unogi onoŋo gitye ki twero.

Latitlok 5:8

Pe myero ibed ki ur mo ka ce ineno ni lucan ma gitye i dul lobo mo gitye ka unogi, ma kopgi pe giŋolo atir kun gitimogi ki tim me bwami; pien tye ŋat ma tye malo makato ladit ma loyo wi lwak, dok pud tye ŋat mo ma tye malo makato gin aryo-nu ducu.

Icaya 28:1

Tok me wakke pa lumero me lobo Epraim bineno can, kacel ki ature me deyone mamwonya mada, ma en aye deyo ma ner woko, ma tye malo i ŋet nota ma ceko twatwal, ma obedo pa jo ma koŋo vino doŋ oloyogi woko.

Icaya 5:8

Gibineno can, jo ma kubo odi i kom odi wadigi, ma gimedo potti i kom potti ma gitye kwede, nio waŋ ma ka mo doŋ pe odon ki jo mukene, kun noŋo doŋ gudoŋ kengi i lobo.

Icaya 56:12

Gilwoŋŋe kekengi ni, “Wubin wacitu ka kelo koŋo vino, wubin wamatu kono makec wek wameru woko, diki dok binonne, madit makato ducu.”

Icaya 58:6

“Kit ri kec ma an amito ene: gonyo tol me tim maraco woko, ki gonyo okol woko ki i tyen opii, weko jo ma giunogi guwot i kuc, ki turo okol woko ki i tyen dano.

Jeremia 50:11

“Wun jo Babilon doŋ wuyako rokka woko. Kadi bed cwinywu yom, kun wuwakke macalo laroya dyaŋ ma nyono bel, nyo macalo twon aguragura ma kok,

Jeremia 50:27

Wunek twonigi woko ducu! Wunekgi woko liweŋ. Can i wi jo Babilon, pien karegi doŋ oromo Kare doŋ oo me keto can i komgi!”

Jeremia 51:34

Nebukadnejar kabaka me Babilon ocama otyeka woko; oŋinya woko kicikici. Oweko gaŋ odoŋ ma iye noŋo calo i agulu; ci omwonya woko calo min kulu, Okwanyo gin ma iye mito, ci obolo gin mukene mudoŋŋe-gu woko.

Jeremia 6:6

Pien Rwot me mony owaco kuman ni, “Wutoŋ yadine-gu woko ducu piny; wutor cel lobo wurum ki Jerucalem woko. Man en aye gaŋ ma myero giket can i kome; pienjo ma iye gibedo ka uno dano.

Jeremia 7:6

ka ce pe wuuno labedo mo, litino kic nyo mon to, dok bene pe wuneko dano ma pe ki bal i kabedo man, ma pe wuworo lubaŋa mukene ma miyo wupoto i can,

Ejekiel 18:12

En uno lucan ki jo ma piny obwoyogi, en yako jami pa dano, dok gwoko gin ma labanyane oketo bote macalo gi-jeŋ pe kwanyo dwoko cen bote. En woro cal jogi, dok bene timo gin me kwer ma pe wacce,

Ejekiel 22:12

jo mogo gineko dano pi lim ma noŋo giculogi kwede jo mukene limo magobi madwoŋ, ki noŋo lim mukene pi yako jami pa luwotgi tektek; mumiyo wigi doŋ owil woko i koma.” Man Rwot Lubaŋa ma owaco.

Ejekiel 22:27

Rwodi ma gitye i Jerucalem ducu gicalo orudi ma tye ka kilo riŋo lee ma gumako, ma gioyo remo pa dano, kun gineko dano woko liweŋ wek ginoŋ magoba i yo ma pe atir.

Ejekiel 22:29

Jo me lobo man doŋ gunyebbe ki timo buma ci giyako jami pa dano woko. Guuno lucan kacel ki jo ma piny obwoyogi, kun gibumo lurok ma gibedo i kingi marac twatwal.

Ejekiel 22:7

Pe tye ŋat mo i gaŋ man ma woro lunyodone Gibedo ka uno labedo; dok gitime litino kic ki monto marac twatwal

Ejekiel 34:16

Abiyenyo romi ma gurwenyo, dok abikwanyo romi ma yam gitye ka lak ata adwokogi cen, abitweyo tyen romi ma ret tye iye, abimiyo romi magoro gijiŋ gidoko tek, dok abiketo waŋa me ne-no romi mucwe ki mategone; abipitogi i kit ma atir.

Ejekiel 39:18

Gibicamo kom askari ma gin cogi oteka, dok gibimato remo pa luloc me lobo, remo nyogi romi ki pa litino romi, pa dyegi ki pa twoni, ma gin ducu lim makwo me Bacan ma gucwe.

Joel 3:3

gubedo ka bolo kwir pi jo mera, kun gicato awobi pi malaya, dok gicato nyako wek ginoŋ koŋo vino, ci gumato.

Amoc 3:1

Wuwiny lok ma Rwot doŋ oloko i komwu, wun jo Icrael, i kom kaka ducu ma yam akwanyogi woko ki i lobo Ejipt:

Amoc 3:3

“Jo aryo giwoto kacel, ka pe gucikke?

Amoc 5:11

Pien wunyono wi lucan kun wujogo kal ki botgi tektek, pi meno kadi bed wugero odiwu ki gweŋ apaya, pe wubibedo i igi; dok kadi bed wupito olok i pottiwu ma yomo cwinywu, pe wubimato koŋo vinone.

Amoc 6:1

“Gibineno can, jo meno ma komgi okwe i Cion, ki gin ma gitamo ni gitye ki kuc i wi got me Camaria, jo-nu jo me rok madit ma ginene i kin rok ducu, ma jo me ot pa lerael gibedo ka bino botgi.

Amoc 6:6

wumato koŋo vino ki becen me keno tyer, wuwiro komwu ki moo mabecone, ento cwinywu pe cwer pi waŋ ret pa Yucepu.

Malaki 3:5

“Abinyiko cok botwu pi ŋolo kop; abibedo caden ma kome mit i kom lutal, i kom lutim abor, i kom jo ma kwoŋo kwon goba, i kom jo ma buro lupakaca pi mucaragi, ki ma buro mon-to ki litino kic, i kom jo ma ryemo lubedo ma i kingi gicwalogi cen, kun pe gilwora, man lok ma Rwot me mony owaco.

Buk me Aŋwen pa Moses ma Gilwoŋo Wel 21:33

Ka gulokke, gudok yo tuŋ Bacan. Ci Og kabaka me Bacan ocorre ka lweny i komgi, en ki lwakke ducu, ci lweny ogeto i Edrei.

Nwoyo Cik 24:14

“Pe ibiburo lapakacani mo ma lacan ma piny oloyo, kadi en bed omeru ma Laicrael nyo dano mo ma i kin lubedo ma gibedo i lobowu, i gaŋiwu,

Nwoyo Cik 28:33

Rok mo ma yam pe iŋeyo aye bicamo gin ma ocek i potoni pi tic matek ducu ma iyelle iye. Gibiuni auna keken, gibidiyi piny jwijwi,