Amoc 2:4 - Acoli Baibul

⁴ Rwot owaco kuman ni, “Pi lwak bal mapol pa jo Juda, pe abidwoko cwinya cen i can ma abimiyogi; pien gikwero lubo cik pa Rwot, pe gigwoko lok ma en ociko. Jokgi me goba ma yam kwarogi gulubo, orwenyogi woko ki iyo,

Amoc 2:4 Iomraidhean Croise

2 Luker 17:19

Jo Juda bene yam pe gumako lok ma Rwot Lubaŋagi ociko, ento gubedo ka lubo kit ma jo Icrael gukelo.

2 Tekwaro 25:14

Ka Amajia odwogo ki ka neko jo Edom, okelo ki lwak lubaŋa pa jo Ceir, ci ocibogi gucuŋ macalo lubaŋane cut, ocako worogi, kun tyero gitum botgi.

2 Tekwaro 30:7

Pe wubed macalo kwariwu ki utmegiwu, ma guŋayo waŋ Rwot Lubaŋa pa kwarigi-ni, pi meno Lubaŋa omiyo lobogi odoko obur kit macalo wutye ka nenone.

Nekemia 1:7

Wan watimo gin marac mada nyimi, pe wabedo ka tiyo gin ma iciko, pe walubo cik meri ma yam imiyo botwa kun wok ki bot laticci Moses.

Nekemia 9:26

“Ento lwakki gujemo dok gukwero lubo cikki; gubolo cikki odok yo tuŋ i ŋegi, kun gineko lunebini, ma gujukogi ni gulokke gudwog boti, ci pe guwinyo, gubedo ka yeti kare ducu.

Icaya 28:15

Pien wuwaco ni, “Doŋ watyeko cikke woko ki to, dok bene doŋ waporo lok woko kacel ki lyel; ka ce can madit twatwal owok ki i kinwa, pe bigudo komwa, gire; pien doŋ wa-loko goba odoko kalarrewa, wakanne woko i lok ma pe ada”;

Icaya 44:20

En moko buru; tamme me miŋo ca omiyo en doŋ orwenyo woko matwal, ma pe doŋ romo larre kene, pe bene twero niaŋ ni cal jok apaya ma emako i cine-ni pe lubaŋa kadi ki acel.

Jeremia 16:11

ci in ibitito botgi ni, ‘Kwarowu yam gubwota woko, man lok ma Rwot owaco, dok gubedo ka lubo kor lubaŋa mogo mukene, gutiyo botgi, gubedo ka worogi bene. Gubwota woko dok bene pe gugwoko cikka.

Jeremia 16:12

Ento wun aye doŋ wutiyo gin marac atika ma kato gin ma yam kwarowu gutimo. Wun ducu wubedo jo ma ŋutwu nwaŋ ki ma kitwu rac, wukwero winyo lokka woko.

Jeremia 17:27

Ento ka wun pe wuwinyo lokka me kwero ceŋ cabit wek obed maleŋ, dok ni pe wutiŋ ter mo wudony kwede ki i dogcel me Jerucalem i ceŋ cabit, ci abimiyo mac lyel i dogcelle ducu biwaŋo odi madoŋo me Jerucalerri woko ducu ma macce pe doŋ gibiromo nekone matwal.’ ”

Jeremia 6:19

Winy ba, in lobo, nen, atye ka kelo gin marac wek opot i kom lwak man, adwoggi me gin maraco ma yam gubedo ka timone pien gin ducu pe gubedo ka winyo lokka, dok bene gukwero lubo cikka woko.

Jeremia 8:2

Ci gibimoyogi woko i nyim ceŋ ki dwe ki i nyim lakalatwe me polo, ma yam gumarogi kun gitiyo botgi-ni, ma yam gubedo ka lubo korgi, ma yam guyenyo tam ki botgi ka guworo-ni, Pe gibicokogi kacel kadi ki yikogi, gibibedo calo cet dyaŋ muket ata i nom.

Jeremia 8:9

Lewic bimako luryeko, cwinygi biballe ci gimakogi woko. Nen, gutyeko kwero lok pa Rwot; kit ryeko aŋo ma dok gitye kwede?

Jeremia 9:14

Ento ma ka timo meno gumiyo nutgi obedo nwaŋ, gubedo ka woro jogi Baal mapatpat, kit macalo kwarogi opwonyogi kwede.

Ejekiel 13:22

“Wun doŋ wubalo cwiny jo ma kitgi atir woko ki lok me bwolo, kadi bed onoŋo an pe abalo cwinygi, ento wun wucuko cwiny jo ma gin lutim maraco, wek gulokke ki i yo me timgi maraco gular kwogi.

Ejekiel 20:13

Ento jo Icrael gujemo woko i koma ki i tim, pe gulubo cikka dok bene gukwero tiyo gin ma an aciko ducu, kun noŋo ŋat ma gwoko cikka aye bedo kwo. Gupyedo cabitta woko marac adada. “Mumiyo atamo ni onoŋo myero aony akemona woko i komgi ki i dye tim, wek atyekgi woko liweŋ matwal.

Ejekiel 20:16

Akwoŋo kwoŋ pien onoŋo gukwero lubo cikka, dok bene pe gubedo ka tiyo gin ma an aciko ducu, gupyedo cabitta bene. Gumaro gigi woro cal jogigi.

Ejekiel 20:18

Awaco bot litino ni, ‘Pe wulub cik ma yam kwarowu guketo; pe wulub kitgi, dok bene pe wubal komwu ki cal jogigi-ni,

Ejekiel 20:24

Atimo man pien gukwero lubo cikka dok bene gukwero tiyo gin ma an aciko ducu, gupyedo cabitta, dok gubedo ka woro cal jogi ma yam kwarogi guworo-ni,

Ejekiel 20:30

Kombeddi doŋ itit lok ma an atye ka wacone-ni bot jo Icrael. Piŋo wumito ni wutim lakit bal acel ma yam kwarowu gutimo-ni kun bene wuŋak woko wubedo ka woro cal jogi?

Ejekiel 22:28

Lunebigi bene gubedo ka buko cel woko ki rani matar, ma gineno bene ginanyuta me gobagoba, dok bene gityeto botgi tyet me goba keken kun giwacci, ‘Rwot Lubaŋa owaco kuman,’ ma kun noŋo Rwot gire pe oloko lok mo.

Ejekiel 22:8

Gubedo ka cayo jamina maleŋ-gu dok bene gupyedo cen cabitta.

Kocea 12:2

Rwot tye ki lok i kom Juda, en biketo can i kom Yakobo ma poro kite, dok bicule ma rom ki tim mere,

Kocea 12:3

Kare ma en tye i ic, omako opuny tyen ominne, ka doŋ oteggi, olwenyo ki Lubaŋa.

Kocea 6:11

In bene Juda, kare me kac doŋ ginyuto woko.

Amoc 1:3

Rwot owaco kuman ni, “Pi lwak bal mapol pa jo Damaciko, pe abidwoko cwinya cen i can ma abimiyogi, pien gudiŋo Gilead ki nyonyo ladin bel.

Amoc 3:2

“Wun keken aye aŋeyowu i kin kaka ducu ma wi lobo; pi meno abiketo can i komwu pi balwu ducu.

Mika 6:12

Jowu ma gulony gin jo mager mada; jo ma gibedo i gaŋiwu giloko lok goba, lebgi aye kelo lok goba i doggi.

Kabakuk 2:18

Cal jok apaya tye ki kony aŋo? En gin ma dano opayo, cal nyonyo mamwa, ki lapwony ma lagoba. Kony aŋo ka lapa cal jok keto genne i kom gin ma en otiyo? En cal lubaŋa ma doge oto ma pe loko-ni.

Jo Roma 1:25

Guloko lok ada i kom Lubaŋa guwilo woko ki goba, kun giworo dok gitiyo bot ginaketa, ma ka woro ki tic bot Ŋat ma oketogi, ma gipwoyo nakanaka. Amen.

1 Jo Tecalonika 4:8

Kit meno ŋat mukwero cik man, noŋo pe okwero dano, ento noŋo okwero Lubaŋa gire ma omiyowu Cwiny Maleŋ.

1 Petero 1:18

Wun wuŋeyo ni gityeko kokowu ki i kit pa kwarowu ma pe konyo. Pe gikokowu ki gin ma balle woko, macalo ryal nyo jabu,

Luŋolkop 10:6

Jo Icrael dok gutimo gin ma nen marac i waŋ Rwot kun giworo jogi Baal mapatpat ki jogi ma mon-gu, ma gin lubaŋa pa jo Ciria, jo Cidon, jo Moab, jo Ammon ki jo Piliciti; gubwoto Rwot woko, pe dok giwore.