Amoc 1:4 - Acoli Baibul

⁴ Kumeno abicwalo mac i kom ot pa Kajael, biwaŋo odi madoŋo i gaŋ pa Benadad.

Amoc 1:4 Iomraidhean Croise

1 Luker 19:15

Rwot owacce ni, “Wot idok cen kun ilubo yo ma cito i tim Damaciko. Ka io kunnu, ibiwiro Kajael wek obed kabaka me Ciria.

2 Luker 13:25

Ka Yekoac wod pa Yekoakaj omayo gaŋi ki i cin Ben-adad wod pa Kajael, gin gaŋi ma Kajael yam oyako ki bot wonne Yekoakaj ki mony-nyi. Yoaci obedo ka lweny i kome ci oloyo en tyen adek, ci odwoko gaŋi pa Icrael woko cen.

2 Luker 13:3

Ci kiniga pa Rwot otugge woko i kom Icrael, obedo ka miyogi jwijwi i ciŋ Kajael kabaka me Ciria, ki i ciŋ Ben-adad wod pa Kajael.

2 Luker 6:24

Lacen Ben-adad kabaka me Ciria ocoko monnye ducu, ocito, orumo Camaria.

2 Tekwaro 16:2

Ci Aca okwanyo ryal ki jabu ma i ot kano lim pa Rwot ki ma i ot pa kabaka, ci ocwalo bot Ben-adad kabaka me Ciria, ma yam bedo i Damaciko, kun wacci,

Jeremia 17:27

Ento ka wun pe wuwinyo lokka me kwero ceŋ cabit wek obed maleŋ, dok ni pe wutiŋ ter mo wudony kwede ki i dogcel me Jerucalem i ceŋ cabit, ci abimiyo mac lyel i dogcelle ducu biwaŋo odi madoŋo me Jerucalerri woko ducu ma macce pe doŋ gibiromo nekone matwal.’ ”

Jeremia 49:27

Abimoko mac i kom odi madoŋo me Damaciko, ci awaŋo gaŋ kal pa Benadad woko.”

Ejekiel 30:8

Ka acwinyo Ejipt woko ki mac, dok bene ka gineko jo ma konyogi woko, man bimiyo giŋeyo ni an aye a Rwot.

Ejekiel 39:6

Abicwalo mac i Magog dok i kom jo ma gibedo mot laboŋo ayela i lobo murumo dog nam, man bimiyo giŋeyo ni an aye a Rwot.

Kocea 8:14

Pien Icrael wiye doŋ owil woko i kom ŋat mucweyo en, ocako gero gaŋ kal madoŋo; Juda ogero gaŋi mony mapol ma girumogi ki cel gogo; ento abicwalo mac i kom gaŋi mere, ci biwaŋo gaŋi mony maditone woko ducu.

Amoc 1:10

Kumeno abicwalo mac i kom cel me Turo, biwaŋo odine madoŋo ducu.”

Amoc 1:12

Kumene abicwalo mac i kom Teman, biwaŋo odi madoŋo me Bojra.”

Amoc 1:14

Kumeno abicwinyo mac i kom cel me Raba, biwaŋo odine madoŋo ducu, ki woo madwoŋ i kare me lweny, dok ki yamo mager i kare pa lapiru;

Amoc 1:7

Kumeno abicwalo mac i kom cel me Gaja, biwaŋo odine madoŋo ducu,

Amoc 2:2

Kumeno abicwalo mac i kom Moab, biwaŋo odi madoŋo ducu me Keriot. Moab bito i lweny ki woo madwoŋ, kun dano gidaŋŋe, obute kok maloŋo,

Amoc 2:5

Kumeno abicwalo mac i kom Juda, biwaŋo odi madoŋo ducu me Jerucalem.”

Luŋolkop 9:57

Dok Lubaŋa odwoko tim pa jo Cekem maracce ducu i wigi, omiyo lok pa Yocam wod pa Jerubaal ma ocenogi kwede ocobbe i komgi kakare.