Amoc 1:3 - Acoli Baibul

³ Rwot owaco kuman ni, “Pi lwak bal mapol pa jo Damaciko, pe abidwoko cwinya cen i can ma abimiyogi, pien gudiŋo Gilead ki nyonyo ladin bel.

Amoc 1:3 Iomraidhean Croise

1 Luker 19:17

Dano ma bibwot ki pala lucwan pa Kajael, Yeko binekone; dok dano ma bibwot ki pala lucwan pa Yeko, Elica binekone.

2 Luker 13:3

Ci kiniga pa Rwot otugge woko i kom Icrael, obedo ka miyogi jwijwi i ciŋ Kajael kabaka me Ciria, ki i ciŋ Ben-adad wod pa Kajael.

2 Luker 13:7

Rwot oweko Yekoakaj pe odoŋ ki monnye mo, kono wegi aguragura pyerabic keken, ki gadigadi lweny apar, ki askari alip apar ma giwoto ki tyengi; pien kabaka me Ciria onekogi otyeko woko, omiyo guradde piny macalo apwa ma ginyono.

2 Luker 16:9

Kabaka me Aciria owinyo kokone, ci otiŋo mony ocito kwede i Damaciko, ocako yako jo ma kunnu oterogi i opii wa i Kir, ci oneko Rejin woko.

2 Luker 8:12

Kajael openyo ni, “Rwoda, dok ikok piŋo kaa?” En ogamo ni, “Pien aŋeyo tim marac ma ibitime ki jo Icrael; ibiwaŋo gaŋi gogogi woko ki mac, ibineko co matino woko ki pala lucwan, kun inyoto litino lukere woko, dok mongi ma giyac gibiryeko igi woko.”

Yubu 19:3

Man doŋ tyen me aparre ma wunala; lewic pe makowu me tima marac kuman?

Yubu 5:19

En bilari i kom ayela abicel, wa i me abirone bene gin marac mo pe bigudi.

Carolok 6:16

Rwot dag jami ma romo abicel, tye jami abiro kulu ma gin ducu gin me kwer ki tuŋ bote:

Latitlok 11:2

Pok jamini woko i dul abiro, nyo aboro, pien pe iŋeyo gin marac ma bitimme i lobo,

Icaya 28:27

Toke mere pe gidino ki yat me dino bel, okwer bene pe giloro tyen gadigadi ki iye; toke gire giteno atena ki odoo, ento okwer gityero atyera ki kidi me tyerone.

Icaya 41:15

Nen, abimiyo wudoko dul me dino kal, mapek, dok manyen, ma dino kal maber twatwal; wubidino godi ci wuŋinyogi woko, dok wubiloko lobo ma gubedo cere gidoko calo cuŋ bel.

Icaya 7:16

Pien ma pud peya latin-nu ŋeyo kwero gin marac ki yero gin maber, lobo ma itye iye ki lworo madit i kom lukerre aryo-nu gibiweko doŋ noŋo.

Icaya 7:8

Pien Damaciko aye gaŋ madit me Ciria, ki Rejin aye rwot me Damaciko. (Ma pud peya mwaka pyerabicel wiye abic otum, gibiŋinyo jo Epraim, bimiyo pe dok gimedde me bedo rok.)

Icaya 8:4

pien ma pud peya latin meno ŋeyo lwoŋo ni, ‘Aba,’ nyo ‘mama,’ gibigwaro lonyo pa jo Damaciko kacel ki jami ayaka pa jo Camaria gitero woko kwoŋo nyim kabaka me Aciria.”

Amoc 1:11

Rwot owaco kuman ni, “Pi lwak bal mapol pa jo Edom, pe abidwoko cwinya cen i can ma abimiyogi; pien oryemo kor ominne ki pala lucwan, obolo kica woko ducu, kinigane obedo lyet nakanaka, en kano akemone bedo matwal.

Amoc 1:13

Rwot owaco kuman ni, “Pi lwak bal mapol pa jo Ammon, pe abidwoko cwinya cen i can ma abimiyogi; pien gubaro i mon Gilead ma gitye ki ic, pi medo wan lobogi.

Amoc 1:6

Rwot owaco kuman ni, “Pi lwak bal mapol pa jo Gaja, pe abidwoko cwinya cen i can ma abimiyogi; pien gutero rok woko kulu i opii, gumiyo i ciŋ Edom.

Amoc 1:9

Rwot owaco kuman ni, “Pi lwak bal mapol pa jo Turo, pe abidwoko cwinya ceŋ i can ma abimiyogi; pien gin gumiyo rok woko kulu i cin jo Edom, wigi pe opo i kom gicikke me omego,

Amoc 2:1

Rwot owaco kuman ni, “Pi lwak bal mapol pa jo Moab, pe abidwoko cwinya cen i can ma abimiyogi; pien owano cogo pa kabaka me Edom omiyo odoko buru,

Amoc 2:4

Rwot owaco kuman ni, “Pi lwak bal mapol pa jo Juda, pe abidwoko cwinya cen i can ma abimiyogi; pien gikwero lubo cik pa Rwot, pe gigwoko lok ma en ociko. Jokgi me goba ma yam kwarogi gulubo, orwenyogi woko ki iyo,

Amoc 2:6

Rwot owaco kuman ni, “Pi lwak bal mapol pa io Icrael, pe abidwoko cwinya cen i can ma abimiyogi; piengicato dano ma kite atir pi lim, dano ma piny obwoyo giwilo ki war tyen,

Jekaria 9:1

Lok ma pire tek Lok pa Rwot opoto i lobo Kadrak, ci bipye i kom Damaciko, Pien gaŋi ma i Aram gitye i ciŋ Rwot, kacel ki kaka me Icrael ducu mere;

Jekaria 9:2

Kamat bene ma tye i waŋ apokki lobone, Turo ki Cidon bene, kadi bed giryek mada.