Amoc 1:2 - Acoli Baibul

² Amoc owacci, “Rwot mor ki i Cion, dwane winnye ki i Jerucalem; olet pa lukwat otwo woko, got Karmel bene wiye oner.”

Amoc 1:2 Iomraidhean Croise

Jabuli 29:4

Dwan Rwot winnye ma opoŋ ki tek dok ki dit me loc.

Jabuli 46:6

Rok ducu komgi oonyo koyo, ki ker-gu ducu oyeŋŋe woko; Lubaŋa daŋŋe ki dwan maloŋo, ci lobo leny woko.

Carolok 20:2

Kiniga pa kabaka kelo lworo calo koko pa labwor; ŋat ma miyo kiniga mako kabaka gineko woko.

Icaya 33:9

Lobo doŋ oballe woko; alee bene otwodo Lebanon, tekone bene tye ka rwenyo woko. Caron doŋ odoko calo tim aroo; Bacan ki Karmel pot yadigi doŋ tye ka o woko aoya piny.

Icaya 35:2

Ature bibedo iye calo jo ma cwinygi yom, kun giwero wer ki yomcwiny madwoŋ twatwal; deyone bene bibedo dit mada calo got me Lebanon, bibedo ma mwonya twatwal calo potti me Karmel ki Caron. Gibineno deyo pa Rwot, ki twer ma Lubaŋawa tye kwede.

Icaya 42:13

Rwot cito ka lweny calo oteka lweny, akemone tugge calo dano ma lalweny, en daŋŋe dok bene wo ki dwan maloŋo adada, ento nyuto tekke i kom lukworre, Rwot ocikke me konyo jone

Jeremia 12:4

Lobowa mono bibedo mutwo pi kare ma rom mene, dok lum ducu ma i tim bitwo woko nio wa awene? Lee ki winyo gitye ka to pi tim maraco pa jo ma gibedo i lobo man, ma giwaco ni i, “In pe ineno kit ma gitye ka bedo kwede.”

Jeremia 14:2

“Juda tye ka kumo gaŋine bene tye ka to woko. Jo Juda ducu gibuto piny ki twon cwercwiny mo ma pe wacce; ma noŋo jo Jerucalem gitye ka kok matek adada pi kony.

Jeremia 25:30

“In Jeremia, myero itit lok magi ducu ma an awacci-ni, Myero itit bot jo magi ni, ‘Rwot bimoro dwane ki i polo, en bilok bene ki i kabedone maleŋ. En bimoro dwane matek adada i kom jone; bidaŋŋe calo dano ma tye ka nyono olok, pi meno jo ducu ma gibedo i wi lobo gibiwinyo lokke.

Jeremia 28:8

Lunebi ma gukwoŋo nyimwu ki nyima i kare macon adada, onoŋo gunyuto ni i anyim lweny bibedo tye, kec bibedo tye, ki two gemo bipoto i kom rok mapol ki i kom ker matego.

Jeremia 50:19

Abidwoko jo Icrael woko cen i lobogi. Gibibedo ka camo cam ma cek i wi got Karmel ki i dul lobo me Bacan, dok bene gibicamo gin ducu ma igi mito ma ocek i wi cere i lobo Epraim ki Gilead.

Kocea 11:10

Gibilubo kor Rwot, ci en bimor macalo labwor; eyo, en bimor, litinone gibibino gia ki tuŋ potoceŋ ma komgi myel;

Kocea 13:8

Abipoto i komgi macalo ŋuu mager ma litinone gineko woko, abiyeco korgi adado woko, abimwodogi ki kunnu macalo labwor; kit ma lee tim twero kilo ki komgi.

Joel 1:19

Akok boti, ai Rwot, pien mac doŋ owano olet ma i tim, leb mac doŋ owaŋo yadi ducu ma i poto.

Joel 2:11

Dwan Rwot mwoc, winnye ki i nyim monnye; monnye tek makato, ŋat ma cobo lok ma en oloko noŋo tek twatwal. Pien nino pa Rwot dit, kelo atiba i kom dano; aŋa mono ma twero ciro?

Joel 3:16

Rwot mor ki i Cion, dwane winnye ki i Jerucalem, polo ki lobo giyeŋŋe. Ento Rwot aye ka-larre pa jone, en ka ma jo Icrael gibwot iye,

Amoc 9:3

kadi bed gukanne i wi got Karmel, abiyenyogi ki kunnu, amakogi woko; kadi bed gukanne ki ka waŋa wa i te nam, abiciko twol ki kunnu toŋogi,

Nakum 1:4

En juko nam, ci piine two woko, en miyo pii ma i kulu ducu dwoŋ woko. Olet ma i Bacan two woko, got Karmel ner bokke woko, ature me Lebanon bene ner woko.

1 Camuel 25:2

Laco mo onoŋo tye kunnu i Maon, ma tiyo ticce i Karmel. Lacone lalonyo mada; tye ki romi alip adek ki dyegi alip acel. I kare ca en obedo ka ŋolo yer romine i Karmel.