Amoc 1:11 - Acoli Baibul

¹¹ Rwot owaco kuman ni, “Pi lwak bal mapol pa jo Edom, pe abidwoko cwinya cen i can ma abimiyogi; pien oryemo kor ominne ki pala lucwan, obolo kica woko ducu, kinigane obedo lyet nakanaka, en kano akemone bedo matwal.

Amoc 1:11 Iomraidhean Croise

2 Tekwaro 20:10

Doŋ inen jo Ammon, jo Moab, ki jo Lugot Ceir, ma yam in pe iye Icrael omonyogi i kare ma gua ki i lobo Ejipt, ma yam gubwoto odoŋ ma pe gijwerogi woko-ni.

2 Tekwaro 20:11

Nen ka doŋ giculowa waŋe ki bino ka ryemowa woko ki i loboni ma wacamo ma yam imiyowa me bedo ginaleyawa.

2 Tekwaro 28:17

pien onoŋo jo Edom gumonyo jo Juda ci guloyogi bene, guyako jo mogo i kingi, guterogi i opii.

Jabuli 137:7

Ai Rwot, po pi nino ma Jerucalem oneno can iye, ci icul waŋe i kom jo Edom. Po kit ma gubedo ka wacci, “Ret woko, ret woko piny wa i ŋom te gutine!”

Jabuli 85:5

Kiniga mono bimaki i komwa matwal? Ibimedo kinigani bedo i kom yalwak ducu?

Latitlok 7:9

Pe myero iwek kiniga omaki oyotoyot; jo ma lumiŋ aye kano kiniga i cwinygi.

Icaya 57:16

Pien pe abibedo ka pyem nakanaka, dok bene kiniga pe bimaka kare ducu, pien cwiny dano oa ki bota, an aye ma amiyogi yweyo me kwo, amiyo bedo tye.

Kocea 8:3

Icrael doŋ obolo gin maber woko, lumerok doŋ biryemo kore.

Joel 3:19

“Ejipt bidoŋ obur, Edom bi doko tim ata, pi timgi me gero i kom jo Juda, pien guonyo remo pa jo ma pe ki bal i lobogi.

Mika 7:18

Aŋa ma dok Lubaŋa calo in, ma gonyo bal, ma weko bal pa jone kikome ma gudoŋ? Pe moko kinigane bedo matwal, pien cwinye yom i mar mere ma pe lokke,

Jekaria 1:15

Kiniga maka matek i kom rok mapol ma gitye ki kuc; pien i kare ma kiniga maka iye manoknok-ki, en aye dok kare ma gin bene gimedo iye lwak can mapol.

Malaki 1:2

“Doŋ atyeko marowu,” man Rwot aye owaco. Ento wun wuwacci, “In ityeko marowa niŋniŋ?” Rwot ogamo ni, “Ecau pe omin Yakobo? Ento yam amaro Yakobo

Malaki 1:4

Ka jo Edom guwacci, “Giŋinyowa woko piny, ento wabigedo odoco i wi obur,” Rwot me mony odok iye ni, “Gwok nyo gibigero gaŋi, ento an abireto odigi ducu woko piny, nio waŋ ma gibilwoŋo ni, lobo pa lubalo, ki jone gibilwoŋo jo ma kiniga bimako Rwot i komgi nakanaka.”

Jo Epeco 5:1

Wulub kit pa Lubaŋa, pien wun litinone ma en maro.

Nwoyo Cik 23:7

“Pe ii okwer Laedom mo, pien en omeru. Pe ii okwer Laejipt mo, pien yam in labedo i lobone.