Amoc 1:1 - Acoli Baibul

¹ Man aye lok pa Amoc, ma en yam ŋat acel i kin lukwat romi me Tekoa, gin ma en oneno i kom Icrael i kare pa Ujia kabaka me Juda, ki i kare pa Jeroboam wod pa Y oaci kabaka me Icrael, ma odoŋ mwaka aryo ma peya oyeŋyeŋ oyeŋo lobo.

Amoc 1:1 Iomraidhean Croise

2 Camuel 14:2

Ci Joab ocwalo kwena i Tekoa ka omo dako mo ma laryeko ma tye kunnu. Ka obino ci owacce ni, “Ber ipor koko, dok iruk ginaruka me cola. Pe iwir komi ki moo, ento bed macalo dako ma obedo ka koko lato pi kare malac,

1 Luker 19:19

Elia oa woko ki kunnu, ocito onoŋo Elica wod pa Capat. Elica tye ka pur kun tye ki kweri dyaŋ apar wiye aryo ma guryeyo i nyime, ma twoni pur giywayogi aryo aryo; en kikome aye tye ki me apar wiye aryone. Elia okato ki ka ŋete, obolo boŋone i kome.

2 Luker 14:21

Ci lwak ducu ma i Juda gutiŋo Ajaria ma mwaka me ditte romo apar wiye abicel, ci guketo en kabaka ka leyo ka tyen wonne Amajia.

2 Luker 14:23

I mwaka me apar wiye abic me loc pa Amajia wod pa Yoaci kabaka me Juda, en aye Jeroboam wod pa Yoaci kabaka me Icrael ocako iye loc ki i Camaria, ci obedo ka loc pi mwaka pyeraŋwen wiye acel.

2 Tekwaro 11:6

Ogero Beterekem, Etam, Tekoa,

2 Tekwaro 20:20

Gua malo odiko con ci gucito i tim Tekoa. I kare ma gicito, Yekocapat ocuŋ ci owacci, “Wuwiny an, wun jo Juda kacel ki wun jo ducu ma wubedo i Jerucalem! Wuye Rwot Lubaŋawu, ci wubicuŋ matek; wuyelok pa lunebine, ci wubiloyo.”

Buk me Aryo pa Moses ma Gilwoŋo Nia 3:1

Ka yam Moses tye ka kwayo lim pa won dakone, Yecero, ma ajwaka pa jo Midian, ci otero limme i tim ma yo tuŋ potoceŋ, owoto kwede wa i Koreb, ma got pa Lubaŋa,

Icaya 1:1

Man aye lok ma Lubaŋa onyuto bot Icaya wod pa Amoj mukemo Juda ki Jerucalem i kare pa Ujia, Yocam, Akaj ki Kejekia ma gubedo luker me Juda.

Jeremia 1:1

Man lok pa Jeremia wod pa Ilkia, ma en ŋat acel i kin ajwagi ma yam onoŋo gibedo i Anatot i lobo pa Benjamin.

Jeremia 28:8

Lunebi ma gukwoŋo nyimwu ki nyima i kare macon adada, onoŋo gunyuto ni i anyim lweny bibedo tye, kec bibedo tye, ki two gemo bipoto i kom rok mapol ki i kom ker matego.

Jeremia 6:1

Wun jo pa Benjamin, wuriŋ woko wular komwu! Wua woko ki i Jerucalem! Wukut tum okoki i Tekoa, ci wutiŋ bendera malo i Betakerem, pien gin marac tye ka bino a ki yo tuŋ acam, ma bityeko lobo woko liweŋ.

Jeremia 7:27

“Kit meno, Jeremia, ibiloko lok magi ducu botgi, ento gin pe gibiwinyo lokki. Ibilwoŋogi bene, ento pe gibigamo dogi.

Kocea 1:1

Man lok pa Rwot ma yam obino bot Kocea, wod pa Beeri i kare pa Ujia, Yocam, Akaj ki Kejekia ma gin luker me Juda, ki i kare pa Jeroboam wod pa Yoaci kabaka me Icrael.

Amoc 7:14

Amoc odok iye ki Amajia ni, “An pe lanebi, an bene pe latin pa lanebi mo; ento yam an lakwat, ki layub nyig olam me acama.

Mika 1:1

Man lok pa Rwot ma ceŋ obino bot Mika Lamorecet ma en oneno okemo Camaria ki Jerucalem, i kare pa Yocam, Akaj, ki Kejekia, luker me Juda.

Jekaria 14:5

Luŋ me godina bitorre woko, pien luŋ me godi biwok ki i ŋete. Wubirino macalo ceŋ wuriŋo oyeŋyeŋ i kare pa kabaka Ujia me Juda. Lacenne Rwot Lubaŋawu bibino kacel ki jo mere maleŋ ducu.

Matayo 4:18

I kare ma Yecu obedo ka wot kun rabo dog nam Galilaya, ci oneno omego aryo, Cimon ma gilwoŋo Petero ki ominne Anderiya, ka gitye ka bolo obwo recgi i nam; pien onoŋo gin lumak-rec.

1 Jo Korint 1:27

Ento Lubaŋa oyero gin mamiŋ me lobo, wek oket lewic i kom luryeko; Lubaŋa oyero gin ma goro i lobo-ni wek oket lewic i kom gin jo matek;