Aggai 2:3 - Acoli Baibul

³ ‘Tye ŋat mo ma pud odoŋ i kinwu ma ceŋ oneno ot man ki deyone macon? Kombeddi wuneno tye niŋniŋ? Pe nen ki i waŋwu macalo gin ma konnye pe?

Aggai 2:3 Iomraidhean Croise

Ejira 3:12

Ento lwak jo mapol ki i kin ajwagi ki Lulevi ki ludito ma giloyo dog odi pa kwarogi, jo muteggi ma yam guneno ot pa Rwot mukwono ca, gukok matek ki dwan maloŋo i kare ma guneno ka gitye ka keto guti me te ot man, kadi ka jo mapol onoŋo gubedo ka daŋŋe ki yomcwiny;

Ejekiel 7:20

Yam onoŋo gubedo ka wakke pi ginarukagi me deyo ma giruko pi nyuto ditogi mamwa-ni, dok gutiyo kwede me yubo cal lubaŋagi me kwer ma giraco atika-ni. Meno aye gin mumiyo Rwot biloko lonyogi doko gin ma pe leŋ botgi.

Aggai 2:9

Deyo me ot man ma lacen bikato mukwoŋo; dok abimiyo kabedo man bedo ki kuc, man Rwot me mony aye owaco.’ ”

1 Tekwaro 22:5

Pien Daudi yam owacci, “Latinna Solomon pud tidi, peya tye ki ŋec mo, dok ot ma gibigero pi Rwot myero obed me deyo makato ducu, wek ywekane ki deyone orom lobo ducu; mumiyo an aye ayubo kit gerone.” Pienne Daudi ocako yubo lwak jami madwoŋ twatwal ma pud kwo.

Ejira 3:11

Guwero wer kun gileyo aleya, ma gipako Rwot dok gimiyo pwoc bote, kun giwero ni, “Pien en ber, mar mere ma pe lokke bedo nakanaka bot jo Icrael.” Lwak ducu gudaŋŋe ki woo madwoŋ, ka gipako Rwot, pien doŋ giketo guti me te ot pa Rwot.

Icaya 64:10

Gaŋini maleŋ ducu doŋ gudoko tim, Cion doŋ odoko tim, Jerucalem doŋ odoko obur.