1 Petero 5:3 - Acoli Baibul

³ Pe wulo dano ma giketo i ciŋwu ki tek, ento wubed lanen maber bot romi;

1 Petero 5:3 Iomraidhean Croise

Jabuli 33:12

Lwak me rok ma Rwot aye Lubaŋagi tye ki gum, gin aye jo ma en oyero me bedo jone kikome!

Jabuli 74:2

Po pi lwakk i ma yam iyerogi cakke wa con, gin jo ma yam ikokogi ki i can wek gubed joni kikome. Po pi got Cion, kabedo ma yam ibedo iye.

Ejekiel 34:4

Pe wubedo ka gwoko jo magoro, pe wucano jo ma komgi lit, pe wutweyo tyen jo ma gulimo ret, jo muŋak pe wudwokogi cen, pe wubedo ka yenyo jo ma gurwenyo, ento wubedo ka loyogi ki tek dok ki gero,

Mika 7:14

Kwa joni ki odooni, ai Rwot, ma gin romi ma gimiyi me bedo meri matwal, ma gibedo kengi i buŋa i dye lobo ma ceko cam; wek gikwagi i Bacan ki i Gilead macalo i kare macon.

Buk me Aŋwen pa Moses ma Gilwoŋo Wel 18:7

In ki awobeni keken wubitiyo ticwu me bedo ajwagi i lok ducu ma kemo kom keno tyer nyo ma tye i tyelo ma boŋo kicika oumo-ni. Amiyowu tic me bedo ajwagina macalo mot ma amiyo botwu; ka ŋat mo ata obino cok, gibineke woko.”

Jiri Ma Jon Ocoyo 13:15

pien an anyuttiwu lanen, wek wun bene wutim gin ma an atimo i komwu.

Tic Pa Lukwena 20:28

Wugwokke kekenwu ki dwol romiwu ducu ma Cwiny Maleŋ oketowu me bedo lugwokone, wek wukwa lwak pa Lubaŋa ma en owilogi ki remo me wel madwoŋ pa Wode.

1 Jo Korint 11:11

Ento i kwowa me bedo i Rwot, dako pe twero cuŋ kene laboŋo laco, ki laco bene pe twero cuŋ kene laboŋo dako;

1 Jo Korint 3:5

Apolo mono en aŋa? Paulo kono en aŋa? Wan aye lutic ma miyo wuye Yecu. Ŋat acel acel tye ki tic ma Rwot opoko bote.

1 Jo Korint 3:9

Pien wan lutic kacel ki Lubaŋa; wun poto pa Lubaŋa, dok bene wun gedo pa Lubaŋa.

2 Jo Korint 1:24

Pe te lokke ni wan watye ki twero i kom niyewu, ento watiyo kwedwu kacel wek wubed ki yomcwiny, pien wucuŋo matek i kom niye.

2 Jo Korint 4:5

Wan pe watito lok i komwa kenwa, ento i kom Yecu Kricito, ma en aye obedo Rwot, ma wan kikomwa wadoko luticwu pi Yecu.

Nwoyo Cik 32:9

Pien lwak pa Rwot gin aye dulle, jo pa Yakobo aye gipiny ma gipoko bote.

Jo Pilipi 3:17

Utmega, wuribbe kacel kun wulubo kitta. Wan doŋ watyeko nyoto botwu lanen ma myero wulubi; wucik waŋwu me neno jo ma lubo lanen meno.

Jo Pilipi 4:9

Wuti gin ma nene wupwonyo, ma wugamo, ma wuwinyo, dok ma wuneno ki bota; ci Lubaŋa won kuc bibedo kwedwu.

1 Jo Tecalonika 1:7

Man omiyo wudoko lanen bot jo ducu muye Yecu ma gitye i Makedonia ki Akaya.

2 Jo Tecalonika 3:9

Pe te lokke ni wan wape ki twero, ento wamine giwa kenwa me bedo lanen ma myero wun wulubi.

1 Temceo 4:12

Pe imi ŋat mo ocayi ni pien in pud itidi, ento bed lanen maber bot jo muye, i lokki, i kiti, i mar, i niye, ki i bedo maleŋ laboŋo gin marac mo i komi.

Tito 2:7

In kikomi nyutte macalo lanen me tic maber i yo ducu. Mi pwonnyi obed mapek laboŋo gin mo marac iye,

1 Petero 2:9

Ento wun wubedo rok ma giyero, ajwagi pa kabaka, rok maleŋ, jo pa Lubaŋa kikome, wek wutit pi tic me deyo pa ŋat ma olwoŋowu nia ki i piny macol wek wudony i leŋone me aura.