1 Petero 4:3 - Acoli Baibul

³ Myero doŋ wuwek kare ma yam wubedo iye ka tiyo gin ma jo ma pe ŋeyo Lubaŋa gimaro timo oromwu. Yam wulubo kit me tarwaŋ, ki miti me kom, mero, karama me woro cam ki tuko marac, mat, ki woro jogi ma ic dagi.

1 Petero 4:3 Iomraidhean Croise

2 Camuel 13:28

Abcalom ociko luticce ni. “Wunen maber ka doŋ cwiny., Amnon edoko yom ki koŋo vino. Ka ce doŋ awacciwu ni ‘Wucob Amnon,’ ci doŋ wuneke woko. Pe wulwor iye gin mo, pien an aye acikowu. Wubed ma cwinywu nwaŋ, Wubed twoni lweny matego.”

1 Luker 21:26

Otimo bal me kipyeda marac twatwal pi lubo kor jogi-gu, macalo jo Amor yam gutimo, ma Rwot oryemogi woko ki i nyim jo Icrael-li.

2 Tekwaro 15:8

Ka Aca owinyo lok meno ducu, ma lanebi Ajaria wod pa Oded otito-ni, ci cwinye odoko nwaŋ, ocako jwero cal jogi me kipyeda woko ducu ki i lobo Juda ki Benjamin ki i gaŋi ducu ma en omayogi i lobo godi ma i Epraim, ci oyubo keno tyer pa Rwot ma yam tye i nyim kicika ma gidonyo kwede i ot pa Rwot.

Icaya 28:7

Jo man bene doŋ gipaŋŋe apaŋa ki wot ki koŋo vino ma gumato, gitagge ki wot pien gumato koŋo vino makec mada; ajwagi ki lunebi gipaŋŋe ki wot pi mato koŋo mogo makec twatwal, koŋo vino ma gumato-ni doŋ obalo wigi woko, gipaŋŋe doŋ apaŋa pi mato koŋo mogo makec twatwal. Wigij doŋ pe mako ginanyuta ma Lubaŋa tye ka nyuto botgi maber, pe giŋolo kop kakare;

Icaya 5:11

Gibineno can, jo ma puk odiko con, ka yenyo koŋo arege me amata, ki jo ma ri i te koŋo nakanaka wa dyewor, nio wan ma gumer matek.

Icaya 65:4

gibedo ka bedo i lyel-gu, i dyewor gibedo i kabedo mogo ma i muŋ; gibedo ka camo riŋo opego-gu, jami tedogi ducu onyobbe woko ki pig riŋo lee ma gikwero.

Jeremia 16:11

ci in ibitito botgi ni, ‘Kwarowu yam gubwota woko, man lok ma Rwot owaco, dok gubedo ka lubo kor lubaŋa mogo mukene, gutiyo botgi, gubedo ka worogi bene. Gubwota woko dok bene pe gugwoko cikka.

Jeremia 16:18

Abiculo waŋ balgi ki bal ma gutimo kiryo, pien gupyedo lobona woko ki cal jogigi ma rom ki kom jo muto-gu, doŋ gupoŋo gipinnya ki timo gin me kwer keken.”

Ejekiel 44:6

“Doŋ iwac bot jo Icrael ma gin jo ma lujemo-ni ni, an Rwot Lubaŋa awaco kuman ni, Gin jo Icrael myero doŋ gugik kit tim me kwergi-gu woko ducu.

Ejekiel 45:9

Rwot Lubaŋa owaco kuman ni, “Wun luloc me Icrael doŋ wutimo bal oromo! Wugik tim bwami ki uno dano woko. Wutim gin ma tye atir dok kakare, Pe myero dok wuryem jona woko ki i lobogi, An Rwot Lubaŋa aye ma atye ka waco botwu lok man.

Marako 7:22

paro lim, bal maraco, bwolo dano, kwele, nyeko, yet, wakke ki miŋo.

Tic Pa Lukwena 17:30

I kare me kwiya piny Lubaŋa yam pe oyaro pire, ento i kare man en doŋ ociko ni dano ducu myero guŋut i kom balgi,

Jo Roma 13:13

Myero walubu kit ma myero me dyeceŋ, laboŋo maro tuko marac me yomcwiny marac, ki mero, laboŋo timo abor ki tim mogo me tarwaŋ, laboŋo daa ki nyeko.

1 Jo Korint 12:2

Wuŋeyo ni i kare ma yam onoŋo pud pe wuŋeyo Lubaŋa, noŋo wurwenyo woko ata ka woro cal jogi ma pe loko, ka ma giterowu iye ducu-ni.

1 Jo Korint 6:11

Jo mogo i kinwu bene yam gubedo macalo jo meno. Ento wun doŋ gityeko lonyowu me bedo jo maleŋ, gityeko kwanowu ni wun jo ma kitwu atir pi nyiŋ Rwot Yecu Kricito ki piny Cwiny pa Lubaŋawa.

2 Jo Korint 12:21

Alworo bene ni ka adwogo botwu i anyim, Lubaŋana bimiyo lewic maka woko i nyimwu; ci bimiyo akok pi jo mapol i kin dano ma yam gutimo bal, ka doŋ gukwero ŋut woko i kom timgi me caro, me abor ki me kwele.

Jo Galatia 5:19

Tic me kit pa dano ma nen woko ka maleŋ gin en: tim kwele, caro, tarwaŋ,

Jo Galatia 5:21

nek, mero ki koŋo, cam me yomcwiny me miŋo marac, ki mogo mukene macalo meno. Pud dok ajukowu matek, kit macalo nene koŋ ajukowu, ni, jo ma timo gin macalo magi, ker pa Lubaŋa pe bibedo megi.

Jo Epeco 5:18

Dok pe myero wumer ki koŋo, pien mero kelo kit me caro. Ma ka mero, wuwek Cwiny Maleŋ opoŋ cwinywu,

1 Jo Tecalonika 4:5

Pe wuwek miti me kom obwowu, macalo lurok ma pe ŋeyo Lubaŋa.

Tito 3:3

Pien wan kikomwa yam koŋ wabedo lumiŋ, jo ma pe luwiny; yam warwenyo woko ata, wabedo opii pa mitiwa ki jami mapatpat ma yomo cwinywa. Wabalo karewa i raccwiny ki mone, dano gukwerowa, ki wan onoŋo wadagge kekenwa.

1 Petero 1:14

Macalo litino ma luwiny, pe wumi kwowu orwatte ki mitiwu ma yam koŋ wubedo kwede i kare ma onoŋo pud wukwiya piny ca.

Juda 1:4

Pien jo mogo ma pe gilworo Lubaŋa gilibbe aliba me donyo i kinwa, gin jo ma kop ma yam giŋolo i komgi doŋ ginyuto woko con i coc ma yam gicoyo. Gin guloko kica ma Lubaŋa omiyowa odoko tim me coco, gukwero Laditwa acel keken-ni ma en aye Rwotwa Yecu Kricito.