pi meno omiyo Rwot Lubaŋa owacci, “Nen, doŋ aketo got me wel i Cion got ma gitemo ma okatti woko doŋ maber, ma en aye bibedo acakki me te guti: ŋat ma ye pe bibedo ki lworo mo ma baŋe woko.
Rwot owaco ni, “Nen, laticca ma an akonyo, ma an kikoma aye ayero ma cwinya yom i kome. Doŋ atyeko keto cwiny Maleŋ i ko me, en doŋ bikelo ŋolo kop atir bot jo me rok ducu.
Wucik itwu wuwiny lokka, ci wubin bota; wuwiny lokka, wek wubed kwo; ci abicikke kwedwu i gicikke ma ri nakanaka, abimiyowu mar mera ma pe lokke, ma genne, ma yam aciko pi Daudi.
I kare ma ineno, got obar ci otyer woko kekene ma pe dano aye otyero ki ciŋe, ci cutcut ocelo cal meno woko i tyene ka ma gitiyo ki nyonyo ki ma gicweyo ki lobo, ci oŋidogi woko matitino.
kit macalo ineno maca obar otyer woko ki i kom got madit ma pe dano aye otyero ki cine, ci oturo nyonyo, mola, lobo, ryal ki jabu oŋidogi woko ducu matitino. Lubaŋa madit doŋ otyeko nyuto bot kabaka gin ma bitimme i kare me anyim. Lekke obedo alfu ki te lokke bene tye atir.’ ”
Pien nen, kidi ma aketo i nyim Yocwa, kidi acel ma tye ki twoke abiro, en aye abigoro coc mere i kome, man lok pa Rwot me mony kikome, dok abikwanyo alii me bal me lobo-ni woko i nino acel keken.
Yecu ogamo doggi ni, “Yam pe wukwano lok ma gicoyo i ginacoya ni, ‘Got ma lugedo gukwero-ni en aye odoko got madit ma i twok ot; man Rwot aye ma otiyo, obedo botwa lok me aura’?
I kare ma onoŋo wan pud lukwor pa Lubaŋa, en odwokowa cen bote, pi to pa Wode; ka kit meno, ma gidwokowa cen bote, wabilarre twatwal-le pi kwo pa Wode.
wek ginen niyewu, ka ce tye niye me ada. Pien kadi jabu ma gitemo ki mac pe ri nakanaka, ento niyewa pire dit kato jabu, dok bene bikelo botwu pak ki deyo ki woro i kare ma Yecu Kricito binen iye.
Pi meno, ki tuŋ botwu wun jo muye en, Kricito obedo me wel; ento ki bot jo ma pe guye en, tye macalo yam gicoyo ni, “Got ma lugedo gukwero, en aye odoko got madit me twok ot.”
Waraga man oa ki bot Cimon Petero, latic dok lakwena pa Yecu Kricito. Bot wun jo ma wunoŋo niye ma pire tek ma rom ki mewa pi kit ma atir pa Lubaŋawa ma en Lalarwa Yecu Kricito:
Pi deyo ki ditte en omiyowa cikke madoŋo twatwal ki me wel madwoŋ, wek ka walimo, wabwot woko ki i balle me kit pa dano ma tye i lobo pi miti marac, ka wek doŋ waribbe i kit pa Lubaŋa.