1 Petero 2:2 - Acoli Baibul

² Wumit cak magili me cwiny, calo litino lukere ma pud ginywalogi nyen, wek omi wudoŋ nio i larre;

1 Petero 2:2 Iomraidhean Croise

2 Camuel 23:5

Iyo, oda pe ocuŋ kit meno kacel ki Lubaŋa? Pien otyeko keto gicikke kweda ma bedo nakanaka, ma oyubo kikore, dok bigwoko maber. En bimiyo gin ma konya ki gin ma amito medde ameda.

Yubu 17:9

Ŋat ma kite atir pud medde ki kite macon, ŋat ma cwinye leŋ tekke medde ameda.

Carolok 4:18

Ento yo pa jo ma kitgi atir calo dero me rupiny, ma ryeny nio waŋ ma piny doŋ leŋ.

Kocea 14:5

Abibedo macalo toyo bot jo Icrael; en bituru macalo leŋa bicwalo lwite piny macalo atega.

Kocea 14:7

Gibidwogo ci gibibedo i te tipona, gibinywal macalo kal ma i poto; gibituru calo olok, ŋwecgi bibedo makur macalo ŋwec koŋo vino me Lebanon.

Kocea 6:3

Weku doŋ waŋeyu Rwot, wacuku cwinywa ka ŋeyo en; en bidwogo ada macalo rupiny; en bibino botwa macalo kot oma moyo, calo kot me cwir ma bido lobo.”

Malaki 4:2

Ento pi wun jo ma wulworo nyiŋa cen me Lar mera bituc ma tye ki gin me caŋo dano i bwome. Wun wubikato woko kun wupye macalo roci ma gua ki i dwol.

Matayo 18:3

ka owaco botgi ni, “Ada awaco botwu ni, ka pe wulokke wudoko macalo litino, pe wubidonyo i ker me polo wacel.

Matayo 19:14

Ento Yecu owaco botgi ni, “Wuwek litino gubin bota, pe wugeŋgi, pien ker me polo tye pi jo macalo gin.”

Marako 10:15

Adada awacciwu ni, dano ma pe oye ker pa Lubaŋa macalo latin, pe bidonyo i kerre kadi matidi mo.”

Luka 18:17

Ada awaco botwu ni, ŋat ma pe jolo ker pa Lubaŋa macalo latin matidi, pe bidonyo iye.”

Jo Roma 6:4

Giyikowa kacel ki Kricito i tone i batija ma walimo, wek wabed calo en. En yam ocer woko ki i kin jo muto pi deyo pa Wonne, wek wan bene doŋ walub kit kwo manyen-nu.

1 Jo Korint 14:20

Utmegina, pe wubed calo litino i tamwu. Wubed litino i timo gin marac, ento i tamwu myero wubed jo muteggi.

Jo Epeco 2:21

Gedo man okubbe kacel ki Kricito, dok bene tye ka doŋo me doko ot pa Lubaŋa maleŋ i Rwot.

Jo Epeco 4:15

Ma ka meno, myero walok lok ada ki mar, wek wamedde, wadoŋu malo i kit yo ducu nio bot Kricito, ma en aye lawiwa.

2 Jo Tecalonika 1:3

Utmegiwa, wan myero wapwo Lubaŋa jwijwi piwu. Myero wapwoye pien niyewu tye ka doŋo matek twatwal, ki mar ma dano acel acel maro ki lawote bene tye ka medde.

1 Petero 1:23

Doŋ ginywalowu odoco, pe ki kodi ma balle, ento ki kodi ma pe balle, pi twero me lok pa Lubaŋa, en lok ma tye ki kwo ma ri nakanaka;

2 Petero 3:18

Wumedde ki doŋo i kica pa Rwotwa, ma en Lalarwa Yecu Kricito, kun wumedde ka ŋeye bene. Deyo obed bote kombeddi ki nakanaka. Amen.