1 Petero 2:1 - Acoli Baibul

¹ Pi meno, doŋ wubwot raccwiny ducu, ki kit me goba ducu, ki kit me adwala, nyeko ki kit yet ducu.

1 Petero 2:1 Iomraidhean Croise

Yubu 36:13

“Jo ma pe gilworo Lubaŋa ki i cwinygi gibedo ki kiniga, pe gikok bote pi kony ka en otweyogi.

Jabuli 32:2

Dano ma Rwot pe doŋ kwano bal mo i wiye tye ki yomcwiny, ma pe tye ki bwola i cwinye.

Jabuli 34:13

Gwok lebi pe ilok gin marac, dok dogi bene pe olok lok me bwola.

Jabuli 37:1

Pe myero ibed ka paro pi jo maraco; pe ibed ki mone i kom jo ma gitiyo gin marac;

Jabuli 73:3

Nyeko onoŋo omaka woko i kom jo ma luwakke, dok aneno jo maraco gilony alonya.

Carolok 14:30

Ka dano bedo ma cwinye opye, miyo kome bene bedo yot; ento nyeko tye macalo bur adola mudet ma ogudo cogo.

Carolok 24:1

Pe myero nyeko omaki i kom jo ma gin lutim maraco, dok pe imar ribbe kwedgi;

Carolok 24:19

Pe myero cwinyi ocwer pi jo ma gin lutim maraco, dok pe ibed ki mone i kom jo maraco;

Carolok 3:31

Pe iwek nyeko omaki i kom jo ma gin lubwami, dok pe ilub kitgi mo kadi ki acel;

Icaya 2:20

Inino meno cal jogt me ryal ki me jabu, ma dano gutiyo me aworagi, gibibolo woko bot buyu ki bot olik,

Icaya 30:22

Ka dok wubicako balo cal jogiwu ma gipayo apaya ma wudeyo komgi ki ryal, kacel ki calwu ma giliyo aliya, ma wudeyo komgi ki jabu, wubibologi woko calo gubedo gin me kwer, kun wuwaco ni, “Wudirre cen!”

Matayo 15:7

Wun lugoba! Lanebi Icaya yam oloko i komwu kakare i kare ma en owacci,

Matayo 23:28

Wun bene kit meno, ki woko wunen bot dano ni wun jo ma kitwu atir, ento iwu noŋo opoŋ ki gin maraco keken.

Matayo 24:51

bipwode, ci kete kacel ki lugoba; ka ma dano gibibedo iye ka koko kun gikayo lakgi.

Matayo 7:5

In lagoba, koŋ ikwoŋ kwanyo dul yat ma tye i waŋi-ni woko, ci miyo doŋ ineno piny maber me kwanyo cuŋ kal ma tye i waŋ omeru ca.

Marako 12:15

Wacul nyo pe wacul?” Yecu oŋeyo bwolagi, ocako waco ni, “Wun mono wubwola piŋo kaa? Koŋ wucikella kom lim ma giculo kwede, anen.”

Luka 11:44

Wubineno can! Pien wurom ki lyel ma pe ginen ma dano woto i wigi kun pe giŋeyo.”

Luka 12:1

I kare meno, lwak dano alip ki alip gucokke kacel, kun doŋ ginyonne kekengi. Mukwoŋo, Yecu ocako waco bot lupwonnyene ni, “Wugwokke i kom tobi pa Luparicayo, ma en aye buta.

Luka 6:42

Nyo itwero waco bot omeru niŋniŋ ni, ‘Omera, wek akwany cuŋ kal ma tye i waŋi-ni woko,’ kun in kikomi pe ineno dul yat ma tye i waŋi In lagoba, koŋ ikwoŋ kwanyo dul yat ma tye i waŋi-ni woko, ci miyo doŋ ineno piny maber me kwanyo cuŋ kal ma tye i waŋ omeru ca.

Jiri Ma Jon Ocoyo 1:47

Yecu oneno Natanael kun bino bote, oloko i kome ni, “Nen Laicrael me ada, ma pe tye ki goba mo i cwinye!”

Jo Roma 1:29

Onoŋo yam gupoŋ ki kwa bal mapol ducu, tim maraco, woro me lim, raccwiny. Onoŋo bene gupoŋ ki cwiny me nyeko, nek, daa, goba, ki kwarcwiny. Onoŋo bene gubedo lukwot dano,

1 Jo Korint 14:20

Utmegina, pe wubed calo litino i tamwu. Wubed litino i timo gin marac, ento i tamwu myero wubed jo muteggi.

1 Jo Korint 5:8

Pe doŋ myero wakweru Katowa ki tobi macon, en tobi me raccwiny ki tim mogo maraco, ento myero wakweru ki mugati ma tobi pe iye, ma en aye leŋ ic ki ada.

2 Jo Korint 12:20

Pien alworo ni ka ao kunnu, gwok nyo abinoŋo wupat ki kit ma amito wubed kwede, dok wun bene gwok nyo wubinoŋo apat ki kit ma wumito abed kwede. Gwok nyo abinoŋo wutye ki daa, nyeko, kiniga malyet, laro dito, yet, lok kwot, lok me bwolo ki anyobanyoba.

Jo Epeco 4:31

Wuwek doŋ keccwiny ducu, ki waŋ-ic ki kiniga, da i wi dano mukene, yet, kacel ki raccwiny ducu.

1 Jo Tecalonika 2:3

Pien lok ma wakelo pe oa ki i tam mugom nyo tam ma pe leŋ, goba bene pe iye.

1 Temceo 3:11

Mon bene kit meno, myero gubed mon ma romo awora, ma pe lucok dog dano, gubed jo ma gwokke kengi dok jo ma lugen i jami ducu.

Tito 2:3

Kit meno bene wac ki mon madito ni gin myero gubed ki woro i kit bedogi ducu, pe gucok dog jo mukene, pe gubed jo ma doŋ gudoko opii pa koŋo. Myero gubed jo ma pwonyo gin maber,

Jo Ibru 12:1

Doŋ kit macalo watye ki lwak caden mapol ma rom meno ma orumowa woko dyere, myero koŋ doŋ wabolu gin mogo mapek-gu woko ducu, ki bal ma maro tweyowa woko likiŋ, wek wariŋu doŋ ŋwec pyem ma tye i nyimwa, kun waciro bene peko ma tye iye.

Yakobo 1:21

Wubol woko cen gin ducu me lewic ki tim maraco ma doŋ onya botwu, wugam lok pa Lubaŋa ma opito i iwu ki mwolo, pien twero laro tipowu.

Yakobo 3:14

Ento ka wutye ki nyeko marac i cwinywu, ki laro dito, pe wuwakke, pe bene wuwac lok goba i kom lok ada.

Yakobo 4:11

Utmegina, pe wulok lok mo marac kun ŋat acel acel loko i kom lawote. Ŋat ma loko lok marac i kom ominne, nyo ŋolo kop i kom ominne, noŋo oloko lok marac i kom cik, noŋo doŋ bene oŋolo kop ki cik. Ento ka in iŋolo kop ki cik, in doŋ pe lacob cik ento idoko laŋolkop.

Yakobo 4:5

Nyo wutamo ni, lok ma yam gicoyo lok ma tere pe ni, “En tye ki par madwoŋ twatwal ki nyeko i kom cwiny ma yam en oketo ni obed i iwa?”

Yakobo 5:9

Pe wuŋur, utmegina, ŋat acel acel pe oŋur i kom lawote, wek pe giŋol kop i komwu. Nen, Laŋolkop doŋ tye ocuŋ i doggola.

1 Petero 2:16

Wubed calo jo ma lone kengi, ento pe wuti ki locken meno pi timo gin marac; wubed giwu macalo opii pa Lubaŋa.

1 Petero 2:22

Bal mo pe ma en otimo, doge bene pe oloko lok goba.

1 Petero 3:10

Pien yam gicoyo ni, “Ŋat ma maro kwo, ki ma mito ni eri pi kare malac kun bedo maber. Ogwok lebe pe olok gin marac, ki doge bene pe olok lok me bwola.

1 Petero 4:2

wek etyek kare me kwone i lobo man ma pud odoŋ kun pe dok lubo miti maraco ma dano paro, ento cobo gin ma Lubaŋa mito.

1 Petero 4:4

Giuro mada pien kombeddi doŋ pe wuribbe kwedgi i lok man me miti me kom ma pe jukke; meno aye mumiyo ginywarowu.

Niyabo 14:5

Pe giwinyo lok goba mo i doggi; gubedo laboŋo roc mo i komgi.