Rut 4:2 - Wuj Pa K'ubultzij

² Te'uri ma Booz xeusik'ij lajuj chke i je unimaqil re i tinimit, xaq xub'ij chke: Chixkul warali; are uri ike xekub'i'ik.

Rut 4:2 Iomraidhean Croise

1 Reyes 21:8

Are uri i ati Jezabel juntir xutz'ib'aj jalajuj taq wuj pub'i ma Acab xaq xukoj b'i uretal i ajawinel che; te'uri xutaq b'i chke i je uwi ujolom, xaq chke i je aj-atzil chi je o pa tinimit ipa o wi ma Nabot.

ÉXODO 21:8

Xwiri we i rajaw kuk'am taj re rixoqil man kumaj ti uwach, kya' ni uri che chi ktoj i relb'al b'ik pu'ab' i rajaw, xwiri tupu xajwax taj lik kk'ayix ti che jun aj naj chi etamam ti uwach.

Proverbios 31:23

I rachijil lik etamam uwach pa tinimit, man xaq lik etamam uwach chkixol ni'pa o ki'ij pa tinimit.

Lamentaciones 5:14

Lik nti chik rijab' xolchija re i nim laj tinimit; lik ktataj ti chik i b'ix ke alab'om.

Hechos 6:12

Ru' i tzij le, xkich'ujersaj i winaq xaq xkipetsaj koywal uwi ujolom i tinimit xaq i tijonelab' re atb'al tzij; rumali xe'e chrij ma Esteban xkichapo xaq xkik'am b'i chkiwach jutzob'aj unimaqil chi kki'at tzij pkitinimit aj Judío.

Deuteronomio 25:7

Xwiri i recham we kraj ti kk'uli ru' i rixnam, i rixnam le k-e uri pa atb'al tzij, kub'ij chke unimaqil i tinimit: “I wecham kraj ire chi ksach ni uwach ub'i etz wachijil chkixol aj Israel, man kraj ti kk'uli wu'.”

Deuteronomio 29:10

Wo'or imolom iwib' iwonojel yix chwach Iwajwal Dios, konojel ni'pa aj-atzil chke i tzob'ajil, je uwi ujolom i tinimit, nimaq kipatan xaq konojel achiyab' aj Israel,

Deuteronomio 31:28

Cheik'ama li waral konojel unimaqil xaq aj-atzil ke i tzob'ajil, man yin kinlap ni iri chke xaq are ni kaj xaq i ulew krilo xaq kuta wach kinb'ij chke.